ဘူရန်ဒီပြဿနာအတွက် လုံခြုံရေးကောင်စီတွင် ပြင်သစ် ဆုံးဖြတ်ချက်တင်

နိုဝင်ဘာ ၁၀၊ ၂၀၁၅
M-Media

– အာဖရိကရှိ ဘူရန်ဒီနိုင်ငံတွင် လတ်တလောဖြစ်ပွားနေသည့် တိုက်ခိုက်မှုများနှင့် ပတ်သက်၍ နိုင်ငံတကာအသိုင်းအ၀ိုင်းမှ တုံ့ပြန်မှုကို ပိုမိုအားထည့်လုပ်ဆောင်ရန် ရည်ရွယ်သော မူကြမ်းတစ်ခုကို ပြင်သစ်က လုံခြုံရေးကောင်စီတွင် တင်သွင်းလိုက်သည်ဟု သိရသည်။

သမ္မတ ပီယာရီ အန်ကူရွန်ဇီဇာမှာ ဖွဲ့စည်းပုံအခြေခံဥပဒေနှင့် ဆန့်ကျင်ကာ တတိယအကြိမ်မြောက် သမ္မတာဝန်အား ထမ်းဆောင်ရန် ကြိုးစားမှုကို မကျေနပ်သည့်အတွက် ပြည်သူများမှာ ပြီးခဲ့သည့် ဧပြီလမှစ၍ ဆန္ဒပြမှုများ ပြုလုပ်ခဲ့ကြသည်။ အစိုးရကမူ ပြင်းပြင်းထန်ထန် နှိမ်နင်းနေပြီး လက်ရှိအချိန်အထိ လူပေါင်း အနည်းဆုံး ၂၄၀ ခန့် သေဆုံးကာ ၂ သိန်းကျော်မှာ တိုင်းပြည်မှ ထွက်ပြေးခဲ့ရသည်။

ပြင်သစ်၏ ထို ဆုံးဖြတ်ချက်မူကြမ်းတွင် အစိုးရနှင့် အတိုက်အခံများအားလုံး အကြမ်းဖက်မှုကို မကျူးလွန်ကြရန် တိုက်တွန်းထားပြီး သတ်ဖြတ်မှု၊ ငြှင်းပမ်းနှိပ်စက်မှု၊ တရားလက်လွတ် ဖမ်းဆီးမှုနှင့် ဘူရန်ဒီရှိ အခြားသော လူ့အခွင့်အရေး ချိုးဖောက်မှုများကိုလည်း ရှုတ်ချခဲ့သည်။

ဘူရန်ဒီအစိုးရအပေါ် ပိတ်ဆို့မှုများ ပြုလုပ်ရန်လည်း ထိုးဆုံးဖြတ်ချက်တွင် ပါဝင်ပြီး ကုလဆိုင်ရာ ပြင်သစ်နိုင်ငံ ဒုတိယသံအမတ် အလက်ဇစ် လမာ့က်ကမူ မိမိတို့အနေဖြင့် လက်ရှိတင်းမာမှုများအား လွှတ်ထားပါက ဘူရန်ဒီနိုင်ငံမှာ ပျက်ဆီးသွားလိမ့်မည်ဟု ပြောကြားခဲ့သည်။ အဆိုပါမူကြမ်းကို လာမည့်ရက်ပိုင်းအတွင်း လုံခြုံရေးကောင်စီ၌ မဲခွဲသွားမည်ဖြစ်သည်။

Ref: Aljazeera