ပါရာဂွေးတွင် ဗလီဝတ်ကျောင်းတော်သစ်တစ်လုံး ဖွင့်လှစ်

နိုဝင်ဘာ ၁၂၊ ၂၀၁၅
M-Media

– လက်တင်အမေရိက နိုင်ငံတစ်ခုဖြစ်သည့် ပါရာဂွေးနိုင်ငံ၏ ဒုတိယအကြီးဆုံးမြို့ဖြစ်သော Ciudad del Este တွင် အကြီးဆုံး ဗလီဝတ်ကျောင်းတော်တစ်ခုကို နိုဝင်ဘာ ၉ ရက် တနင်္လာနေ့က ဖွင့်လှစ်ခဲ့ပြီး ပါရာဂွေးသမ္မတ ဟိုရာဇာစီယို မန်နျူယဲလ် ကာတက်စ် ကိုယ်တိုင် တက်ရောက်ချီးမြှင့်ခဲ့သည်။

အဆိုပါ ဖွင့်ပွဲအခမ်းအနားသို့ နိုင်ငံရေးသမားများနှင့် နိုင်ငံရပ်ခြားမှ သံတမန်များလည်း တက်ရောက်ခဲ့ကြသည်။ Al-Khulafa Al-Rashidin အစ္စလာမ့်စင်တာ အလယ်တွင် ဆောက်လုပ်ထားသည့် အဆိုပါ ဗလီဝတ်ကျောင်းတော်မှာ ကန်ဒေါ်လာ ၁ သန်းခန့် ကုန်ကျခဲ့သည်။

ပါရာဂွေးနိုင်ငံ၏ ၁၉၉၂ အခြေခံဥပဒေအရ နိုင်ငံတစ်ဝှမ်းတွင် လွတ်လပ်စွာ ကိုးကွယ်ခွင့်ပြုထားပြီး ၇ သန်းသောလူဦးရေတွင် ခရစ်ယာန်ကက်သလစ်ဘာသာဝင် အများစုဖြစ်ကာ အစ္စလာမ်ဘာသာကို သက်ဝင်ယုံကြည်သူများမှာ ၀.၀၂ ရာခိုနှုန်း ရှိသည်။

Ref: IINA News