ပဲရစ်မြို့တစ်ဝှမ်း တိုက်ခိုက်မှုများကြောင့် လူ ၁၂၀ သေဆုံး

နိုဝင်ဘာ ၁၄၊ ၂၀၁၅
M-Media

– ပြင်သစ်နိုင်ငံ ပဲရစ်မြို့တစ်ဝှမ်းတွင် ယမန်နေ့ညပိုင်းမှစ၍ ဖြစ်ပွားခဲ့သော တိုက်ခိုက်မှုများကြောင့် အနည်းဆုံး လူပေါင်း ၁၂၀ သေဆုံးပြီး ပြင်သစ်သမ္မတ ဟော်လန်ဒေးကလည်း နိုင်ငံအား အရေးပေါ်အခြေအနေ ကြေငြာခဲ့ရကာ နယ်စပ်များအားလုံးကို ပိတ်ထားလိုက်သည်။

ပဲရစ်မြို့ရှိ Bataclan စတိတ်ရှိုးရုံတစ်ရုံတွင် ဒေသစံတော်ချိန် ယမန်နေ့ည သန်းခေါင်ယံ၌ သေနတ်သမားများက ၀င်ရောက် စီးနင်းကာ ဓားစားခံများကို ဖမ်းဆီးထားပြီး ပြင်သစ်တပ်ဖွဲ့ဝင်များက ၀င်ရောက်တိုက်ခိုက်ခဲ့ရကာ အနည်းဆုံး ဓားစားခံ ၈၀ သေဆုံးခဲ့သည်ဟု ပဲရစ်ရဲတပ်ဖွဲ့က ပြောကြားခဲ့သည်။ တိုထိုက်ခိုက်မှုအတွင်း အနည်းဆုံး သေနတ်သမား ၃ ဦး သေဆုံးခဲ့ကာ သေဆုံးသူစာရင်းမှာလည်း ထပ်မံမြင့်တက်လာဖွယ်ရှိနေသည်။

အခင်းဖြစ်ပွားသည့်အချိန်တွင် ထိုစတိတ်ရှိုးရုံ၌ လော့စ်အိန်ဂျလိစ်မှ Eagles of Death Metal တီးဝိုင်းက ဖျော်ဖြေနေသည့် အချိန်ဖြစ်သည်။

အဆိုပါ ကဇာတ်ရုံနှင့် သိပ်မဝေးသည့် Le Petit Cambodge ကမ္ဘောဒီးယား စားသောက်ဆိုင်တွင်လည်း သေနတ်သမားတစ်ဦးမှာ ရိုင်ဖယ်သေနတ်ဖြင့် ယမန်နေ့ညနှောင်းပိုင်းက ၀င်ရောက်ပစ်ခတ်ခဲ့ပြီး အနည်းဆုံး လူ ၁၁ ဦး သေဆုံးခဲ့သည်။

ပဲရစ်ရှိပြည်သူများကို မိမိတို့၏ အိမ်ထဲတွင်သာ နေထိုင်ရန် အစိုးရက အမိန့်ပေးထားပြီး စစ်သား ၁၅၀၀ ကိုလည်း မြို့တစ်ဝိုက်တွင် တပ်ဖြန့်ချထားလိုက်ပြီဖြစ်သည်။ ရဲတပ်ဖွဲ့ကလည်း ပဲရစ်ရှိ ကမ္ဘာလှည့်ခရီးသွားများနှင့် လူငယ်များအကြား ရေပန်းစားသည့် ဒေသများရှိ အရက်ဘားများ၊ စားသောက်ဆိုင်များမှ လူများကို ဘေးလွတ်ရာနေရာသို့ ပြောင်းရွှေ့ပေးခဲ့သည်။

ထို့ပြင် ပြင်သစ်နှင့် ဂျာမနီတို့ ခြေစမ်းပွဲ ယှဉ်ပြိုင်ကစားနေသည့် Stade de France ဘောလုံးကွင်း အနီးတွင်လည်း ပေါက်ကွဲမှုနှစ်ခု ဖြစ်ပွားခဲ့သည်။ ထိုတိုက်ခိုက်မှုများမှာ တစ်ခုနှင့်တစ်ခု ဆက်စပ်မှုရှိလားဆိုသည်ကို ရှင်းရှင်းလင်းလင်း မသိရသေးပေ။

Stade de France ဘောလုံးကွင်းတွင် ရှိနေသည့် ပြင်သစ်သမ္မတ ဟော်လန်ဒေးနှင့် ပြည်ထဲရေးဝန်ကြီးမှာ ၀န်းကြီးဌာနသို့ အလျင်အမြန် သွားရောက်ခဲ့ပြီး ထိုအခြေအနေကို ကိုင်တွယ်ရန် ဆောင်ရွက်ခဲ့သည်။

နိုင်ငံတကာမှ ရှုတ်ချမှုများ

အမေရိကန်သမ္မတ ဘာရက်အိုဘားမားက ထိုတိုက်ခိုက်မှုများမှာ လက်မခံနိုင်သည့် ကိစ္စများဖြစ်ပြီး မိမိတို့အမေရိကန်မှာ ပြင်သစ်နှင့် တစ်သားတည်းရှိသည်ဟုလည်း ပြောကြားခဲ့သည်။

ဗြိတိန်ဝန်ကြီးချုပ် ဒေးဗစ်ကင်မရွန်းကမူ ထိုအဖြစ်အပျက်များအတွက် မိမိအနေဖြင့် တုတ်လုပ်မိသည်ဟု ဆိုသည်။ ဂျာမနီအဓိပတိ အိန်ဂျလာမာကဲလ်ကမူ ထိုတိုက်ခိုက်မှုများအတွက် အလွန်အမင်း တုန်လှုပ်ခဲ့ရသည်ဟု
ပြောကြားခဲ့သည်။