ပဲရစ်တိုက်ခိုက်မှုကို အာရပ်ကမ္ဘာမှ ပြင်းပြင်းထန်ထန် ရှုတ်ချ၊ ပြင်သစ်ပြည်သူများနှင့် အတူရှိသွားမည်ဟု ဆို

နိုဝင်ဘာ ၁၄၊ ၂၀၁၅
M-Media

– လူပေါင်း ၁၅၀ ကျော် သေဆုံးခဲ့သည့် ယမန်နေ့ညပိုင်းက ပဲရစ်မြို့တစ်ဝှမ်း တိုက်ခိုက်မှုများအတွက် ဆော်ဒီအာရေဗျ၊ အီရန်၊ ယူအေအီး၊ ကူဝိတ်၊ ကာတာနှင့် အီဂျစ်တို့အပါအ၀င် အာရပ်နိုင်ငံများက ပြင်းပြင်းထန်ထန် ကန့်ကွက်ရှုတ်ချုလိုက်သည်။

ဆော်ဒီနိုင်ငံခြားရေးဝန်ကြီးဌာနက ထုတ်ပြန်ခဲ့သော ကြေငြာချက်တွင် ကမ္ဘာကြီးတစ်ခုလုံး၏ လုံခြုံရေးနှင့် တည်ငြိမ်အေးချမ်းရေးကို ပစ်မှတ်ထား ခြိမ်းခြောက်နေသည့် အကြမ်းဖက်ဝါဒ ရောဂါဆိုးကြီးကို အမြစ်ဖြုတ်ရေး နှစ်ဆတိုး၍ ဆောင်ရွက်ရမည်ဖြစ်ပြီး၊ မိမိတို့ ဘုရင့်နိုင်ငံအနေဖြင့် ပဲရစ်အကြမ်းဖက်တိုက်ခိုက်မှုများကို ပြင်းပြင်းထန်ထန် ရှုတ်ချကာ ကမ္ဘာကြီး ညီညွတ်ရေးအတွက်လည်း တိုက်တွန်းကြောင်း ဖော်ပြထားသည်။

ဆီးရီးယားအရေး ဆွေးနွေးရန်အတွက် ဗီယင်နာသို့ ရောက်ရှိနေသည့် ဆော်ဒီနိုင်ငံခြားရေးဝန်ကြီးကလည်း “မနေ့ကဖြစ်ပွားခဲ့တဲ့ ဒီစက်ဆုပ်ဖွယ်ကောင်းတဲ့ အကြမ်းဖက်တိုက်ခိုက်မှုအတွက် ပြင်သစ်အစိုးရ၊ ပြည်သူတွေနဲ့ ထပ်တူထပ်မျှ ၀မ်းနည်းကြေကွဲကြောင်း ပြောကြားလိုပါတယ်။ ဒါဟာ ဘာသာတရား၊ လူမှုကျင့်ဝတ်နဲ့ ကိုယ်ကျင့်တရားအားလုံးကို ချိုးဖောက်ဆန့်ကျင်တာလည်းဖြစ်ပါတယ်” ဟု ရှုတ်ချပြောဆိုခဲ့သည်။

အီရန်

အီတလီ၊ ဗာတီကန်နှင့် ပြင်သစ်တို့ကို သွားရောက်ရန် ရှိနေသည့် အီရန်သမ္မတ ရူဟာနီမှာ ထိုတိုက်ခိုက်မှုကြောင့် ၎င်း၏ ခရီးစဉ်ကို ဖျက်သိမ်းခဲ့ပြီး ထိုအဖြစ်အပျက်အတွက် ၀မ်းနည်းကြောင်း ပြောကြားခဲ့သည်။

“အကြမ်းဖက်ဝါဒဒဏ် ခံနေရတဲ့ အီရန်နိုင်ငံအနေနဲ့ ဒီလို လူမဆန်တဲ့ ရာဇ၀တ်မှုကို ပြင်းပြင်းထန်ထန်ရှုတ်ချပြီး ပြင်သစ်နိုင်ငံ၊ ပြင်သစ်အစိုးရနဲ့ ထပ်တူထပ်မျှ ၀မ်းနည်းကြေကွဲရပါတယ်” ဟု ရူဟာနီက ပြောကြားခဲ့သည်။

အီရန်နိုင်ငံခြားရေးဝန်ကြီး မိုဟာမက် ဂျာဗဒ်ဇာရစ်ဖ်ကလည်း ထိုကိစ္စအတွက် ၀မ်းနည်းကြေကွဲကြောင်း ပြောကြားခဲ့ပြီး တစ်ကမ္ဘာလုံးမှာ ထိုအကြမ်းဖက်တိုက်ခိုက်မှု၏ သာကောင်းများ၊ ပြင်သစ်ပြည်သူများအား စာနာထောက်ထားရမည်ဖြစ်ပြီး အကြမ်းဖက်ဝါဒကိုလည်း နိုင်ငံတကာအသိုင်းအ၀ိုင်းက ပူးပေါင်းတိုက်ဖျက်ရမည်ဖြစ်ကြောင်း ထည့်သွင်းပြောကြားခဲ့သည်။

ကာတာ

ကာတာနိုင်ငံကလည်း ပြင်သစ်တိုက်ခိုက်မှုကို ဆန့်ကျင် ရှုတ်ချခဲ့ပြီး လူသားကျင့်ဝတ်အားလုံးနှင့် လူသားတန်ဖိုးအားလုံးကို ဖောက်ဖျက်ခြင်းဖြစ်သည်ဟု ပြောကြားခဲ့သည်။

“ကာတာနိုင်ငံဟာ ပြင်သစ်ရဲ့မြို့တော်မှာ လူအများအပြားကို သေဆုံးစေခဲ့တဲ့ ဒီလိုကြမ်းကြုတ်တဲ့ တိုက်ခိုက်မှုကို ပြင်းပြင်းထန်ထန် ရှုတ်ချပါတယ်။ ပြင်သစ်မှာ တည်ငြိမ်ရေးနဲ့ လုံခြုံရေးကို ပစ်မှတ်ထားတဲ့ ဒီလိုလုပ်ရပ်တွေဟာ လူသားကျင့်ဝတ်၊ ကိုယ်ကျင့်တရား တန်ဖိုးတွေအားလုံးနဲ့လည်း ဆန့်ကျင်နေပါတယ်” ဟု နိုင်ငံခြားရေးဝန်ကြီးဌာနမှ ထုတ်ပြန်သော ကြေငြာချက်တွင် ၀န်ကြီး ခါလဒ် အလ်-အတ္တီယာက ပြောကြားခဲ့သည်။

ဂျော်ဒန်

ဂျော်ဒန်ဘုရင် အဘ်ဒူလာကလည်း ထိုဖြစ်ရပ်အတွက် အလွန်အမင်း ၀မ်းနည်းကြေကွဲမိသည်ဟု ပြောကြားခဲ့ပြီး ပြင်သစ်နိုင်ငံနှင့် တစ်သားတည်းရှိနေမည်ဟု ကတိပြုခဲ့သည်။

ယူအေအီး

ယူအေအီး သတင်းဌာနမှ ဖော်ပြခဲ့သော ကြေငြာချက်တစ်ခုတွင် သမ္မတ ရှိခ် ခလီဖာ ဘင် ဇယဒ် အလ် နဟ်ယန်က ပြင်သစ်သမ္မတ ဟော်လန်ဒေးကို ၀မ်းနည်းကြောင်း ပြောကြားခဲ့ပြီး မိမိတို့တိုင်းပြည်မှာ ထို အကြမ်းဖက်တိုက်ခိုက်မှုများကို ပြင်းပြင်းထန်ထန် ရှုတ်ချသည်ဟု ဆိုသည်။

အီဂျစ်

ပဲရစ်တိုက်ခိုက်မှုအား ဆန့်ကျင်ရှုတ်ချသူများတွင် အီဂျစ်သမ္မတ အဘ်ဒဲလ် ဖာတာ အလ်-စီစီလည်း ပါဝင်ခဲ့ပြီး ၀မ်းနည်းကြောင်း ပြောကြားခဲ့ကာ မိမိတို့မှာ ပြင်သစ်နိုင်ငံနှင့် အတူ ရှိနေသည်ဟု အီဂျစ်အစိုးရမှ ထုတ်ပြန်သော ကြေငြာချက်တွင် ဖော်ပြထားသည်။

“ဒီလို အကြမ်းဖက်တိုက်ခိုက်မှုမျိုးတွေက ငြိမ်းချမ်းရေးကို ချစ်မြတ်နိုးတဲ့ တိုင်းပြည်တွေရဲ့ ဆန္ဒကို အားနည်းသွားစေမှာ မဟုတ်ပါဘူ” ဟု စီစီက ပြောကြားခဲ့သည်။

ကူဝိတ်

ကူဝိတ်ခေါင်းဆောင် ရှိခ် ဆာဘာဟ် အလ်-ဆာဘာဟ်ကလည်း “မြင့်မြတ်သော ဘာသာတရာများနှင့် လူသားချင်း စာနာထောက်ထားမှုဆိုင်ရာ တန်ဖိုးများ” အားလုံးနှင့် ဆန့်ကျင်သည့် အကြမ်းဖက်ဝါဒ လုပ်ရပ်များကို မိမိတို့က ရှုတ်ချပြီး ထိုကိစ္စအတွက်လည်း ၀မ်းနည်းကြေကွဲရကြောင်း ပြောကြားခဲ့သည်။

ထို့ပြင် မိမိတို့ ကူဝိတ်နိုင်ငံမှာ ပြင်သစ်ပြည်သူများ၊ အစိုးရတို့နှင့်အတူ တစ်သားတည်းရှိနေမည်ဖြစ်ပြီး အကြမ်းဖက်တိုက်ခိုက်မှုမှ လုံခြုံအောင် ကာကွယ်သည့် ပြင်သစ်နိုင်ငံ၏ လုပ်ဆောင်မှုအားလုံးကိုလည်း မိမိတို့က ထောက်ပံ့သွားမည်ဟု ဆိုသည်။

တူရကီ

တူရကီသမ္မတ အာဒိုဂန်ကမူ တိုက်ခိုက်မှုအတွက် ကြေကွဲဝမ်းနည်းရသည်ဟု ပြောကြားခဲ့ပြီး အကြမ်းဖက်ဝါဒကို ဆန့်ကျင်ရေး နိုင်ငံတကာအသိုင်းအ၀ိုင်းက ညီညီညွတ်ညွတ် ဆောင်ရွက်ကြရန်လည်း တိုက်တွန်းခဲ့သည်။

“အကြမ်းဖက်ဝါဒရဲ့ သဘောသဘာဝနဲ့ နောက်ဆက်တွဲရလ်တွေကို ကောင်းကောင်းသိနေတဲ့ ကျွန်တော်တို့ နိုင်ငံအနေနဲ့ ပြင်သစ်နိုင်ငံက လက်ရှိတွေ့ကြုံခံစားနေရတာတွေကို ကောင်းကောင်းကြီး နားလည်ပါတယ်” ဟု အာဒိုဂန်က ကြေငြာချက်တွင် ပြောကြားခဲ့သည်။

Ref: Alarabiya