မာလီနိုင်ငံကို အရေးပေါ်အခြေအနေ ကြေငြာ

နိုဝင်ဘာ ၂၁၊ ၂၀၁၅
M-Media

– မြို့တော် ဘာမာကိုရှိ ကြယ် ၅ ပွင့်ဟိုတယ်တွင် လူ ၂၁ ဦး သေဆုံးခဲ့သော သေနတ်သမားများက တိုက်ခိုက်မှု ဖြစ်ပွားခဲ့ပြီးနောက် မာလီနိုင်ငံကို ယနေ့တွင် အရေးပေါ်အခြေအနေ ကြောငြာခဲ့သည်ဟု သိရသည်။

ထိုတိုက်ခိုက်မှုကို မတည်မငြိမ်ဖြစ်ပွားနေသော နိုင်ငံမြောက်ပိုင်းရှိ အလ်ကိုင်းဒါး အဖွဲ့ကို သစ္စာခံသော အဖွဲ့တစ်ခုက ပြုလုပ်ခဲ့ခြင်းဖြစ်ပြီး သေဆုံးသူများတွင် သေနတ်သမား ၃ ဦးလည်း ပါဝင်ခဲ့သည်။ မာလီသမ္မတ အီဗရာဟင် ဘူဘာကာ ကီတာကမူ နိုင်ငံတော် ၀မ်းနည်းဖွယ်နေ့ကို ၃ ရက်အဖြစ် ကြေငြာခဲ့သည်။

တိုက်ခိုက်မှုကြောင့် ချဒ်နိုင်ငံသို့ သွားရောက်မည့် သမ္မတ၏ ခရီးစဉ်ကိုလည်း ဖျက်သိမ်းခဲ့သည်။ စစ်သွေးကြွများအား နှိမ်နင်းနေရသည့် မာလီနိုင်ငံတွင် စီးနင်းတိုက်ခိုက်မှုများမှာ မကြာခဏ ဖြစ်ပွားလေ့ရှိသည်။ ဟိုတယ်အား စီးနင်းမှုအတွင်း မာလီ၊ ပြင်သစ်နှင့် အမေရိကန် အထူးတပ်ဖွဲ့ဝင်များက ၀င်ရောက်ရှင်းလင်းခဲ့ပြီး ဓားစာခံ ၁၇၀ ခန့်ကို ကယ်ထုတ်နိုင်ခဲ့သည်။

Ref: Aljazeera