စီယက်တဲလ်မှ အိမ်ယာမဲ့များကို မွတ်စလင်များ လှူဒါန်းမှုပြုလုပ်

နိုဝင်ဘာ ၂၃၊ ၂၀၁၅
M-Media

– အမေရိကန်ပြည်ထောင်စု စီယက်တဲလ်မြို့ရှိ မွတ်စလင်များမှာ ဒေသအတွင်းရှိ အိမ်ယာမဲ့များအတွက် Day of Dignity ဟု အမည်ပေးထားသည့် လှူဒါန်းမှုတစ်ခုကို စနေနေ့တွင် ပြုလုပ်ခဲ့သည်ဟု Seattle Times အွန်လိုင်းသတင်းဌာနက ဖော်ပြခဲ့သည်။

လွန်ခဲ့သည့် ၉ နှစ်မှစ၍ နှစ်စဉ်ကျင်းပပြုလုပ်သော ထိုအခမ်းအနားသို့ လူပေါင်း ၂၀၀ ကျော် တက်ရောက်ခဲ့ကြပြီး၊ အစ္စလာမ်၏ စစ်မှန်သောသဘာဝကို ပြသသည့် အခမ်းအနားတစ်ခု ဖြစ်သည်ဟု မှတ်ချက်ပေးခဲ့ကြသည်။ ထိုလှူဒါန်းမှုကို စီယက်တဲလ်မြို့ရှိ မွတ်စလင်လူ့အဖွဲ့အစည်းက ဦးဆောင်ပြုလုပ်ခဲ့ခြင်းဖြစ်သည်။

ထိုလှုပ်ရှားမှုအတွင်း အိမ်ယာမဲ့များကို အစားအသောက်များ ဝေငှခဲ့ကြသည့်အပြင် ကျန်းမာရေး စမ်းသပ်ပေးခြင်း၊ တစ်ကိုယ်ရေသန့်ရှင်းရေး ပစ္စည်းများ ပေးခြင်းနှင့် အခြားသော ပြုစုစောင့်ရှောက်မှုများကိုလည်း မွတ်စလင်များက ပြုလုပ်ပေးခဲ့သည်။

စီယက်တဲလ်မှ မွတ်စလင်ခေါင်းဆောင်တစ်ဦးဖြစ်သူ ဂျူနီဂျိုကမူ ပဲရစ်နှင့် မာလီနိုင်ငံ ဘာမာကိုတို့၌ အကြမ်းဖက်တိုက်ခိုက်မှုများ ဖြစ်ပွားခဲ့ပြီးနောက်ပိုင်း အစ္စလာမ်အပေါ် နားလည်မှုလွဲမှားခြင်းကို မိမိတို့က ချေဖျက်ချင်သည်ဟု ပြောကြားခဲ့သည်။

“ဒီနိုင်ငံမှာရှိနေတဲ့ ကျွန်တော်တို့ရဲ့ လုပ်ရပ်တွေ၊ ဥပမာတွေက ကျွန်တော်တို့ ဘယ်သူလဲဆိုတာကို ပြသနေပါတယ်။ အစ္စလာမ်ရဲ့ အဆုံးအမကို မလိုက်နာသူတွေအတွက် ကျွန်တော်တို့က ကြားဝင်ပြီး တောင်းပန်စရာ မလိုပါဘူး။ သူတို့က အကြမ်းဖက်သမားတွေသာ ဖြစ်တယ်။ သူတို့ဟာ အစ္စလာမ်၊ မွတ်စလင်တွေနဲ့ ဘာမှ ပတ်သက်မှု မရှိပါဘူး” ဟု ဂျူနီဂျိုက ပြောကြားခဲ့သည်။

၂၀၀၆ ခုနှစ်က စတင်ဆောင်ရွက်သည့်အချိန်တွင် အဆိုပါ လှူဒါန်းမှုကို Mumanitarian Day ဟု အမည်ခေါ်တွင်ခဲ့သော်လည်း တတိယမြောက်နှစ်တွင် Islamic Relief အဖွဲ့နှင့် ပူးပေါင်းဆောင်ရွက်ခဲ့ပြီးနောက် Day of Dignity ဟု ပြောင်းလဲမှည့်ခေါ်ခဲ့သည်။

Islamic Relief အဖွဲ့ကမူ ထိုလှုပ်ရှားမှုတွင် လွယ်အိတ်များ၊ တစ်ကိုယ်ရေသုံးပစ္စည်းများ စတင်ပေးအပ်ခဲ့သည်။ နောက်ပိုင်း ပြုလုပ်သည့် မွတ်စလင်များ၏ အဆိုပါ လှူဒါန်းမှုအခမ်းအနားတွင် ကုတ်အင်္ကျီများ ဝေငှခြင်း၊ မနက်စာကျွေးခြင်း၊ အပ်စိုက်ကုသမှုအပါအ၀င် အခမဲ့ဆေးကုသမှုများ ဆောင်ရွက်ပေးခြင်း၊ ကလေးငယ်များတွက် အရုပ်များ၊ လူကြီးများအတွက် ကြိုတင်ငွေဖြည့်ကဒ် ထည့်ထားပေးသည့် ဟန်းဆက်များ ဝေငှခြင်း စသည်တို့ကို တိုးချဲ့ဆောင်ရွက်ပေးခဲ့ကာ မွတ်စလင်လူငယ်များကလည်း ဝေငှမှုအစီအစဉ်တွင် ပါဝင်လုပ်အားပေးခဲ့ကြသည်။

“ဒီနှစ်အတွက် မွတ်လင်လူ့အဖွဲ့အစည်းကနေ ရန်ပုံငွေ ကန်ဒေါ်လာ ၂၀၀၀၀ ရရှိအောင် ဆောင်ရွက်ခဲ့ပါတယ်။ ၁၃၀၀၀ လျာထားခဲ့ပေမယ့် ပြီးခဲ့တဲ့နှစ် စစ်တမ်းအရ သူတို့တွေဟာ အိပ်ယာတွေ လိုအပ်နေတယ်လို့ သိရတဲ့အတွက်ကြောင့်ပါပဲ” ဟု ဂျူနီဂျိုက ပြောကြာဲး့သည်။

ကျေနပ်ကြ

ပြီးခဲ့သည်နှစ်က လှူဒါန်းမှုတွင် အကူအညီစတင်ရယူခဲ့သည့် အိမ်ယာမဲ့ ပတ္တာဆန်ကမူ မွတ်စလင်လူ့အဖွဲ့အစည်းအနေဖြင့် ထိုကဲ့သို့ ဆောင်ရွက်မှုကို မိမိအနေဖြင့် ကျေးဇူးတင်ပြီး အထူးသဖြင့် ယခုနှစ်တွင် ၎င်းတို့အတွက် အလွန်အသုံးဝင်မည့် ကုတ်အင်္ကျီများ ဝေငှခြင်းဖြစ်သည်ဟု ပြောကြားခဲ့သည်။

စီယက်တဲလ်မွတ်စလင်များ၏ အဆိုပါ ပရဟိတလုပ်ငန်းတွင် ၀င်ရောက်လုပ်အားပေးနေသည့် အသက် ၁၉ နှစ်အရွယ် ဆီးရီးယားဒုက္ခသည် ယာဇန် အလ်-ဆာလ်ကီနီကမူ IS ၏ လုပ်ရပ်များကြောင့် မွတ်စလင်များနှင့် မိမိတို့ ဆီးရီးယား ဒုက္ခသည်များ၏ ပုံရိပ်များမှာ ထိုခိုက်ရကြောင်း၊ တကယ့်လက်တွေ့တွင် မွတ်စလင်ဆိုသည်မှာ မည်ကဲ့သို့ ဖြစ်သည်ကို လူအများအား မြင်စေချင်ကြောင်း ပြောကြားခဲ့သည်။

“IS ဟာ အစ္စလာမ်ကို ကိုယ်စားမပြုပါဘူး။ ကြီးမားတဲ့ ကွဲပြားခြားနားမှုတွေ ရှိနေတယ်ဆိုတာ ကျွန်တော်တို့ လူတွေကို သိစေချင်ပါတယ်” ဟု ဆာလ်ကီနီက ပြောကြားခဲ့သည်။

စီယက်တဲလ်တွင် လွန်ခဲ့သည့် ၃ နှစ်က နေထိုင်ခဲ့သည့် အသက် ၂၀ အရွယ် အီရတ်ဒုက္ခသည် မိုဟာမက် အဘ်ဒူလ်ရဟီးမ်ကလည်း လူများက မွတ်စလင်များအပေါ် ဆက်ဆံမှုနှင့် ပတ်သက်၍ မိမိအနေဖြင့် စိတ်ပျက်မိသည်ဟု ပြောကြားခဲ့သည်။

“ကျွန်တော်တို့ လူသားထုတစ်ရပ်လုံးကို ချစ်ပါတယ်။ ကျွန်တော်တို့မှာ ခွဲခြားမှုဆိုတာ မရှိပါဘူး။ ကျွန်တော်တို့သာသနာက မေတ္တာထားဖို့ ကျွန်တော်တို့ကို သွန်သင်ပါတယ်”

Ref: IINA News