အမေရိကန် မွတ်စလင် ညီအမနှစ်ဦးကို ခြိမ်းခြောက်ခဲ့သည့်ကိစ္စအား စုံစမ်းပေးရန် CAIR တောင်းဆို

နိုဝင်ဘာ ၂၄၊ ၂၀၁၅
M-Media

အမေရိကန်-အစ္စလာမ် ဆက်ဆံရေးကောင်စီ CAIR ၏ နယူးယောက်ဌာနခွဲသည် နယူးယောက်မြို့တော် ရဲတပ်ဖွဲ့နှင့်
အက်ဖ်ဘီအိုင်တို့ကို မွတ်ဆလင်အမျိုးသမီးနှစ်ဦးအား အမေရိကန် စာပို့ဝန်ထမ်းဝတ်စုံဝတ်ဆင်ထားပြီး စာပို့ရုံးဝန်ထမ်းဟုဆိုသူ လူတစ်ဦးက အမုန်းရာဇ၀တ်မှု ကျူးလွန်ခဲ့မှုကို ရှာဖွေဖော်ထုတ်ပေးရန် တောင်းဆိုလိုက်သည်။

ဘရွတ်ကလင်းမြို့ ဘက်ဒ်ဖို့ဒ်စတူဗီဆန့်၌ သောကြာနေ့ညနေပိုင်းတွင် ညီအမနှစ်ဦးနှင့် ရင်ခွင်ပိုက်ကလေးငယ်တစ်ဦးကို စာပို့ဝန်ထမ်းတစ်ဦး မသင်္ကာဖြစ်စရာလောက်အောင် ချဉ်းကပ်လာပြီး “မင်းတို့ဘုရားကျောင်းကို မီးရှို့ပစ်မယ်” ဟု ပြောဆိုခဲ့သည်။

၎င်းသည် လမ်းဖြတ်ကူးနေစဉ် အမျိုးသမီးနှစ်ဦးအနက် တစ်ဦးကို တံတောင်ဖြင့်တိုက်သွားပြီး မျက်နှာကို တံတွေးဖြင့် ထွေးသွားခဲ့သည်။

အမျိုးသမီးနှစ်ဦးသည် စတိုးဆိုင်ထောင့်တစ်နေရာကို လျှောက်သွားခဲ့သော်လည်း ထိုအမျိုးသားမှာ ၎င်းတို့နှစ်ဦးအနောက်သို့ ဆက်လက်လိုက်ပါခဲ့သည်။

စတိုးဆိုင်ထဲသို့အရောက်တွင် “မင်းတို့ဘုရားကျောင်းကို မီးရှို့ပစ်မယ်” ဟု ဆက်လက်ခြိမ်းခြောက်ပြောဆိုခဲ့ပြီး ကလေးငယ်ကိုပင် အော်ဟစ်ခဲ့သည်။

အင်္ဂါနေ့တွင် ထုတ်ပြန်ခဲ့သော ဖော်ပြချက်တွင် CAIR မှ ဒါရိုက်တာ ဖြစ်သူ ဆာဒီယာခါလစ်က်က “ကျွန်တော်တို့ဒီလိုခြိမ်းခြောက်မှုမျိုးကို အမုန်းရာဇ၀တ်မှုအဖြစ် စုံစမ်းဖော်ထုတ်ပေးဖို့ အမေရိကန် စာပို့လုပ်ငန်း စုံစမ်းစစ်ဆေးသူများ၊ နယူးယောက်ရဲတပ်ဖွဲ့နဲ့ ပြည်နယ်ရဲအရာရှိတွေကို တောင်းဆိုလိုက်ပါတယ်။ ပြီးတော့ ဒါကို အရေးကြီး မှတ်တမ်းအဖြစ် မှတ်တမ်းတင်ထားဖို့ကိုလည်း တိုက်တွန်းလိုက်ပါတယ်” ဟု ပြောကြားခဲ့သည်။

မကြာသေးမီက ပြင်သစ်အကြမ်းဖက်မှုများအပြီးတွင် နိုင်ငံတစ်ဝှမ်းရှိ မွတ်စလင် ၀တ်ပြုဆောင်များကို တိုက်ရိုက်တိုက်ခိုက်ရန် ဦးတည်လာမှုများ၊ မွတ်စလင်ဆန့်ကျင်ရေး အမုန်းစကား ဖြန့်ဝေမှုများလည်း တဟုန်ထိုး မြင့်တက်လာသောကြောင့် ယနေ့တွင်လည်း ကောင်စီ၏ မက်ဆာချူးဆက်ဌာနခွဲက ပြည်တွင်း ဗလီဝတ်ကျောင်းတော်များကို ရဲအစောင့်အရှောက် တိုးမြှင့်ပေးရန်အတွက်လည်း မက်ဆာချူးဆက် CAIR က တောင်းဆိုခဲ့သည်။

Ref: IINA News