အကူညီ ဖြတ်တောက်မည့် UNHCR အား နီပေါတွင် ခိုလှုံနေသည့် ဒုက္ခသည်များ ဆန္ဒပြ

နိုဝင်ဘာ ၂၆၊ ၂၀၁၅
M-Media

နီပေါနိုင်ငံ၏မြို့တော် ခသ်မန္ဒူတွင် ဒုက္ခသည်များဆိုင်ရာ ကုလအေဂျင်စီဖြစ်သော UNHCR ကို လာမည့်လမှစ၍ လစဉ် ခံစားခွင့်ရုပ်သိမ်းမည့် အဆိုအားပယ်ဖျက်ရေး အတွက် ဖိအားပေးနိုင်ရန် လူပေါင်း ၁၀၀ ကျော်မှ ထိုင်သပိတ်ကို စုရုံးဆင်နွှဲနေကြသည်။

UNHCR ရုံးဝင်ပေါက်ရှေ့ ဆင်ဝင်အမိုးကြီးအောက်တွင် လွန်ခဲ့သည့် သုံးပတ်မှစပြီး မြို့ပြနေဒုက္ခသည်ပေါင်း ၁၀၀ ကျော် စုရုံးရောက်ရှိ ဆန္ဒပြကြခြင်းဖြစ်သည်။ ခသ်မန္ဒူမြို့သည် ဆန္ဒပြမှု မရှိသလောက် နည်းပါးသည့်မြို့ဖြစ်သည်။ မြို့ပြနေဒုက္ခသည်များသည် ဒုက္ခသည်စခန်းနေသူများကဲ့သို့မဟုတ်ဘဲ ဆင်ခြေဖုံးဒေသများ၌ ခိုလှုံခွင့်ကြိုးပမ်းမှုနှင့်တစ်ကွ ကိုယ်ပိုင် အခန်းများဖြင့် နေထိုင်နေကြသည်။ ထိုဒုက္ခသည်များ အတွင်း ပါကစ္စတန်မှ ထွက်ပြေးလာကြသည့် အဟ်မဒီယာများ၊ သီရိလင်္ကာ၊ မြန်မာ စသည်ဖြင့် ပါဝင်ကြသည်။ ၎င်းတို့အားလုံးမှာ စစ်ဘေး၊ မျိုးနွယ်ရှင်းလင်းရေး၊ နိုင်ငံရေးနှင့်ဘာသာရေးအရ ဖိနှိပ်မှုမှ အလွတ် ရုန်းရှောင်ပြေးလာကြသူများဖြစ်သည်။ UNHCR အရ နီပေါတွင် ဒုက္ခသည်ဦးရေမှာ ၄၈၇ ဦးအထိ ရောက်ရှိနေပြီး အများဆုံးမှာ အဟ်မဒီယာ(ပါကစ္စတန်) ၂၅၄ ဦး၊ ဒုတိယမှာ ရိုဟင်ဂျာ(မြန်မာ) ၁၀၀ ဦးဖြစ်ကြောင်း သိရသည်။

“UNHCR ထောက်ပံ့မှုမပေးတော့ဘူးဆိုရင် ကျွန်တော်တို့က မိမိရဲ့မိသားစုကို ဘယ်လိုကျွေးမွေးရတော့မလဲ။ ဆီးရီးယားနဲ့ အနီးဝန်ကျင်နိုင်ငံက လူတွေ ကျည်ဆံတွေကြား အသက်ငင်နေတြတယ်။ ကျွန်တော်တို့ရော ငတ်မွတ်မှုနဲ့ သေကြရမှာလား ခင်ဗျာ။ ပိတ်သည်ဖြစ်စေ ဖွင့်သည်ဖြစ်စေ ကျွန်တော်တို့အဖို့ ကုလသမဂ္ဂဆိုတဲ့ တံခါးတစ်ပေါက်တည်းသာ ရှိနေပါတယ်” ဟု ၂၀၁၂ အရေးအခင်းနောက်ပိုင်း မြန်မာနိုင်ငံမှ ထွက်ပြေးလာသူ အသက် ၂၃ အရွယ်ရှိ ရိုဟင်ဂျာလူမျိုး ဟတ်စာန်ဟတ်စာန်က အလ်ဂျဇီးရားသို့ ပြောကြားသည်။ ထိုသူသည် လက်ရှိဆန္ဒပြမှုအား ဦးဆောင်သူဖြစ်သည်။

လွန်ခဲ့သည့်အင်္ဂါနေ့က ဆန္ဒပြမှုရှင်းလင်းရန် ရဲတပ်ဖွဲ့ဝင်များက သီရိလင်္ကာသာား စစ်ပြေးဒုက္ခသည်နှစ်ဦးကို ရိုက်နှက်ခဲ့ကြသည်။

နီပေါသည် ၁၉၅၁ ကုလပဋိညာဉ်အား လက်မှတ်ထိုးထားခြင်းမရှိသဖြင့် ၎င်းတို့ကို ဒုက္ခသည်များအဖြစ် အသိအမှတ်မပြုချေ။ အနောက်နိုင်ငံများသို့ ခိုလှုံခွင့်နှင့် အခြေချနိုင်ခွင့်အတွက် ကြိုးစားနေသောထိုသူများကို တရားမ၀င်ရွှေ့ပြောင်းသူများအဖြစ် သတ်မှတ်ပြီး နေ့စဉ် ဒဏ်ငွေ ၆ ဒေါ်လာ ဆောင်စေလျက်ရှိသည်။

ပြီးခဲ့သောဒီဇင်ဘာလက လစဉ်ထောက်ပံ့ငွေ ဒေါ်လာ ၅၀ အနက် ၂၅ ရာခိုင်နှုန်းကို လျှော့ချရန် ဆုံးဖြတ်ခဲ့ပြီး၊ လာမည့်နှစ်ကစတင်၍ ရောဂါသည်၊ သက်ကြီးရွယ်အို၊ အမျိုးသမီး၊ ကလေးငယ်များမှအပ  ဒုက္ခသည်များအားပေး အပ်ထားသည့်ခံစားခွင့်ကို ရပ်တန့်တော့မည်ဟု UNHCR မှ ဆိုသည်။

ယခုနှစ်အစောပိုင်း အင်အားကြီးငလျင်နှင့် နယ်စပ်အရှုပ်အထွေးများကြောင့် နှစ်လတာ လမ်းကြောင်းပိတ်ဆို့မှု ဖြစ်ပွားခဲ့ရာ နေ့စဉ်သုံး ပစ္စည်းများပြတ်လပ်ခြင်း၊ ဈေးနှုန်းအဆမတန်ကြီးမြင့်ခြင်းတို့ ကြုံတွေ့နေရသည်ဟု ဟတ်စာန်က ပြောပြသည်။

ခသ်မန္ဒူဆန္ဒပြမှုသည် နိုင်ငံအရှေ့တောင်ပိုင်းလွင်ပြင်ရှိ အရေးအခင်းနှင့် တိုက်ဆိုင်နေသည်။ ထိုအရေးအခင်း၌ ရဲတပ်ဖွဲ့ဝင်တို့၏ဖြိုခွင်းမှုကြောင့် ဆန္ဒပြသူအနည်းဆုံးသုံးဦး သေဆုံးခဲ့သည်။ ၎င်းက လွတ်လပ်သော နယ်နမိတ် ပြန်လည်သတ်မှတ်ရန်နှင့် နိုင်ငံအတွက် ထိရောက်သောကိုယ်စားပြုခွင့်ရရန် အိန္ဒိယနယ်စပ် တစ်လျှောက်နေထိုင်နေကြသူတို့အကြား အမျက်ထွက်စေလျက်ရှိသည်။

ပြည်သူအများပါဝင်သော ပထမဆုံးဖွဲ့စည်းအုပ်ချုပ်ပုံရေးဆွဲနိုင်ရေးအတွက် ပါတီအများစုမှ မီးစိမ်းပြခဲ့သည့်နောက်ပိုင်း အဓိကရုဏ်းများမှာ သြဂုတ်လမှစတင်ဖြစ်လာခဲ့သည်။ ထိုအဓိကရုဏ်းများအတွင်း နီပေါလူမျိုးရဲတပ်သား ကိုးဦးနှင့် အိန္ဒိယလူမျိုးအပါအ၀င် ပြည်သူ ၅၀ ဦးအထိ အသက်ဆုံးရှုံးခဲ့ပြီးဖြစ်သည်။

Ref : Al Jazeera