ပါလက်စတိုင်းတို့ ငြှင်းပမ်းနှိပ်စက်ခံရသည့် ဗီဒီယိုများကို ဆင်ဆာဖြတ်ရန် အစ္စရေးက Google၊ YouTube တို့နှင့် တွေ့ဆုံဆွေးနွေးခဲ့

နိုဝင်ဘာ ၂၇၊ ၂၀၁၅
M-Media

– အစ္စရေးလွှတ်တော်မှ အဖွဲ့ဝင်ဖြစ်ပြီး ဒုတိယနိုင်ငံခြားရေးဝန်ကြီးဖြစ်သူ တီဇီပီ ဟိုတိုဗီလီမှာ ယခုသီတင်းပတ်အတွင်း YouTube နှင့် Goolge တို့မှ ကိုယ်စားလှယ်များနှင့် တွေ့ဆုံခဲ့ကာ အစ္စရေးက သိမ်းပိုက်ပိတ်ဆို့ထားသော ပါလက်စတိုင်း ပိုင်နက်များမှ ပါလက်စတိုင်းများ ရိုက်ကူးလွှင့်တင်သည့် ဗီဒီယိုများကို ဆင်ဆာဖြတ်ရန်ကိစ္စအတွက် ပူးပေါင်းဆောင်ရွက်မှု နည်းလမ်းများကို ရှာဖွေရန် ဆွေးနွေးခဲ့ကြသည်ဟု သိရသည်။

အစ္စရေးနေ့စဉ်သတင်းစာဖြစ်သော Maariv က ဟိုတိုဗီလီမှာ Google နှင့် YoutTube တို့မှ တာဝန်ရှိသူများ ပါဝင်ကာ လှုံ့ဆော်သည်ဟု အစ္စရေးကသတ်မှတ်သော ပါလက်စတိုင်းတို့၏ ဖော်ပြမှုများကို “စောင့်ကြည့်၊ တားဆီးခြင်း” ပူးပေါင်းလုပ်ငန်းစဉ်တစ်ခုကို လုပ်ဆောင်သွားမည်ဟု ဖော်ပြခဲ့သည်။ ပါလက်စတိုင်းတို့အား အစ္စရေးက ဖိနှိပ်ချုပ်ချယ်မှု၊ ငြှင်းပမ်းနှိပ်စက်မှုများ ဗီဒီယိုမှတ်တမ်းများကို ဟိုတိုဗီလီက “တိုက်ခိုက်မှုနှင့် အကြမ်းဖက်ဝါဒ” ကို လှုံ့ဆော်သည့် အရာများဟု သမုတ်ခဲ့သည်။

ဟီဘရူးဘာသာဖြင့် ပြုလုပ်ခဲ့သည့် သတင်းစာရှင်းလင်းပွဲတွင် ဟိုတိုဗီလီက သူမမှာ YouTube စီအီးအို ဆူဆန် ၀ူဂ်ျစစ်ကီ၊ Google ၏ ပြည်သူ့ပေါ်လစီဒါရိုက်တာ ဂျနီဖာ အော့ဇစ်စကီးတို့နှင့် ဆီလီကွန်တောင်ကြားရှိ ဂူးလ်ဂဲလ်၏ ရုံးခန်းတွင် တွေ့ဆုံခဲ့သည်ဟု ကြေငြာခဲ့သည်။

ထိုတွေ့ဆုံမှုအတွင်း ပါလက်စတိုင်းများ၏ ဗီဒီယိုများအား အဆိုပါကုမ္ပဏီများက စောင့်ကြည့်ရန်အတွက် လုပ်ငန်းစဉ်တစ်ခုကို သုံးသပ်ဆွေးနွေးခဲ့ကြသည်ဟုလည်း သူမက ထည့်သွင်းပြောကြားခဲ့သည်။ ပါလက်စတိုင်းများကို အစ္စရေးက ငြှမ်းပမ်းနှိပ်စက်သည့် ဗီဒီယိုများမှာ ပါလက်စတိုင်းလူငယ်များ အုံကြွကာ ဓားဖြင့် တိုက်ခိုက်မှုများကို ဖြစ်စေသည်ဟု သူမက ဆိုသည်။

Google ကမူ အစ္စရေးနိုင်ငံခြားရေးဝန်ကြီးနှင့် အပြန်အလှန် ဆက်ဆံရေးကို အားကောင်းစေရန်နှင့် လွှင့်တင်ထားသည့် ဗီဒီယိုများကို စောင့်ကြည့်ရေးနှင့် ဆင်ဆာဖြတ်ရေးတွင် နှစ်ဖက်စလုံးမှ ကိုယ်စားလှယ်များ ပါဝင်ကာ ဆောင်ရွက်နိုင်မည့် ပူးပေါင်းဆောင်ရွက်ရေး လုပ်ငန်းစဉ်ကို တည်ဆောက်ရန် သဘောတူညီခဲ့သည်ဟု ဟိုတိုဗီလီက ထည့်သွင်းပြောကြားခဲ့သည်။

စက်တင်ဘာလက ပါလက်စတိုင်းပိုင် အနောက်ဖက်ကမ်းရှိ အလ်-အက်ဆွာ ဗလီဝတ်ကျောင်းတော်သို့ အစ္စရေးစစ်သားများနှင့် ဂျူးအခြေချနေထိုင်သူများက ၀င်ရောက်စီးနင်းကာ ပါလက်စတိုင်းဝတ်ပြုသူများကို တိုက်ခိုက်ခဲ့ပြီးနောက်ပိုင်း အစ္စရေးက သိမ်းပိုက်ထားသည့် ပါလက်စတိုင်းပိုင်နက်များတွင် ဆန္ဒပြမှုများ ဖြစ်ပွားခဲ့သည်။

ထိုဆန္ဒပြမှုအတွင်း အစ္စရေးစစ်သားများနှင့် အရာရှိများက ပါလက်စတိုင်းများအား ဒဏ်ရာအနာတရ ဖြစ်အောင်လုပ်ကာ ရားလက်လွတ် သတ်ဖြတ်မှုများအပါအ၀င် ပါလက်စတိုင်းတို့အပေါ် အစ္စရေးက ကျူးလွန်မှုများကို မှတ်တမ်းတင်ထားသည့် ဗီဒီယိုများအပြားမှာ အင်တာနက်စာမျက်နှာတွင် ပေါ်ထွက်လာခဲ့ပြီးနောက် အစ္စရေးက ယခုကဲ့သို့ ဆင်ဆာဖြတ်ရန် ကြိုးစားခြင်းဖြစ်သည်။

အစ္စရေးက Google၊ YouTube တို့နှင့် ယခုကဲ့သို့ ပူးပေါင်းဆောင်ရွက်မှုမှာ အလွန်စိုးရိမ်စကာကောင်းသည့် ကိစ္စတစ်ခုဖြစ်ပြီး ဂျာနယ်လစ်များကလည်း ထိုဆောင်ရွက်မှုမှာ စာနယ်ဇင်းလွတ်လပ်ခွင့်ကို တိုက်ရိုက် ချိုးဖောက်ခြင်းဖြစ်သည်ဟု ပြောကြားခဲ့ကာ ဆန့်ကျင်မှုများ ပြုလုပ်ခဲ့ကြသည်။

အစ္စရေးက သိမ်းပိုက်ပိတ်ဆို့ထားသည့် ပါလက်စတိုင်းပိုင်နက်များတွင် ၀င်ရောက်သတင်းရယူလိုသည့် နိုင်ငံခြားသတင်းထောက်များမှာ အစ္စရေးစစ်တပ်တွင် မှတ်ပုံတင်ကြရပြီး၊ ၎င်းတို့ရိုက်ကူးသမျှကိုလည်း အစ္စရေးစစ်တပ်၏ ဆင်ဆာဌာနတွင် စစ်ဆေးဖြတ်တောက်ပြီးမှ ထုတ်လွှင့်ခွင့် ရကြသည်။

သို့သော်လည်း နည်းပညာများ တိုးတက်လာပြီး ဆိုရှယ်မီဒီယာများ ခေတ်စားလာချိန်တွင် ပါလက်စတိုင်းများနှင့် အခြားသောပြည်သူများမှာ အစ္စရေး၏ ငြှင်းပမ်းနှိပ်စက် တိုက်ခိုက်မှုများကို အရှိအတိုင်း တင်ပြခွင့်ရလာကြသည်။

အစ္စရေးကမူ ၎င်းတို့၏ ကျူးလွန်ချိုးဖောက်မှုများကို မှတ်တမ်းတင်ထားသည့် ဗီဒီယိုများကို ဆင်ဆာဖြတ်ရန် နည်းလမ်းများကို ရှာဖွေနေသည်မှာ ကြာမြင့်နေပြီဖြစ်သည်။

Ref: IMEMC