ဇီဝ 3D Printing နည်းပညာဖြင့် ထုတ်လုပ်သည့် ခန္ဓာကိုယ်အစိတ်အပိုင်းကို ရုရှားက ပထမဆုံး အောင်မြင်စွာ အစားထိုးနိုင်

နိုဝင်ဘာ ၂၇၊ ၂၀၁၅
M-Media

– မော်စကိုဓာတ်ခွဲခန်းသည် ရုရှားလုပ်သုံးဘက်မြင်နည်းပညာ ဇီဝပုံတူစက်ဖြင့် ပထမဆုံးအင်္ဂါအစားထိုးမှု ကြွက်တွင် ပြုလုပ်နိုင်ခဲ့ကြောင်း ပြောကြားလိုက်သည်။

အဆိုပါနည်းပညာသည် လည်ပင်းကြိတ်ရောဂါခံစားနေရသူ သန်းပေါင်းများစွာကို ထိထိရောက်ရောက် အကူအညီပေးနိုင်ပြီး အခြားလူ့အင်္ဂါများကို ပုံတူထုတ်လုပ်ရာတွင် အထောက်အကူပေးနိုင်မည် ဖြစ်သည်။ လည်ပင်းအကြိတ်ဆိုသည်မှာ လည်ပင်းအတွင်းရှိ လိပ်ပြာသဏ္ဍာန်ကဲ့သို့အရာဖြစ်ပြီး ခန္ဓာကိုလုပ်ဆောင်ချက် အတော်များများကို အချက်ကျကျ အကျိုးသက်ရောက်စေနိုင်သော အရည်စစ်ပြွန်တစ်ခု ဖြစ်သည်။

“ကျွန်မတို့ ရက်သတ္တပတ် ရှစ်ပတ်ကြာမျှ စောင့်ကြည့်ခဲ့ရာမှာ ဟော်မုန်းကြီးထွားမှုအဆင့် တိုးတက်လာပါတယ်” ဟု
ဓာတ်ခွဲခန်းမှူး အယ်လီနာဘူလာနိုဗာက ပြောကြားသည်။

ကြွက်များ၌ အဆိုပါ လည်ပင်းကြိတ်အသစ် အစားမထိုးခင် ပထမဆုံး ၎င်းတို့တွင်ရှိနေသည့် လည်ပင်းအကြိတ်ကို
ရေဒီယိုသတ္တိကြွ အိုင်အိုဒင်းထိုးသွင်း၍ ပျက်စီးအောင် လုပ်ခဲ့ခြင်းဖြစ်သည်။

သုတေသနအဖွဲ့ခေါင်းဆောင် ဗလာဒီမာ မီရိုနော့ဗ်က “စမ်းသပ်မှုများ သုံးပတ်ကြာပြီးနောက် တီဖိုးဟော်မုန်းများ
ပိုများမြင့်တက်လာပြီး ခန္ဓာကိုအပူချိန်လည်း မြင့်တက်လာကြောင်း တွေ့ရှိရပါတယ်” ဟု ပြောကြားခဲ့သည်။

တီဖိုးဟော်မုန်းသည် ကြီးထွားမှုနှင့် ဇီဝဖြစ်ပျက်မှုများအတွက် တာဝန်ယူဆောင်ရွက်ပေးသော
ကိုယ်တွင်းဟော်မုန်းဓာတ်တစ်မျိုးဖြစ်သည်။

အစားထိုးထားသည့် ပြွန်အသစ်ကို ၁၁ ပတ်ကြာစောင့်ကြည့်အပြီးတွင် လုပ်ဆောင်ချက်အပြည့်အ၀ကို
လုံးဝလုပ်ဆောင်နိုင်ပြီဖြစ်ကြောင်း တွေ့ရှိရသည်။

အခြားသောအင်္ဂါများ ပုံတူထုတ်လုပ်ရာတွင် သုတေသီများသည် အရွယ်ရောက်ပြီး သက်ရှိမှ သန္ဓေသားဆဲလ်များနှင့်
အလွန်တူသည့် မကွဲထွက်သောပင်မဆဲလ်များကို အသုံးပြုရန် စီစဉ်ထားပြီး ဖြစ်သည်။

“တခြားသောအင်္ဂါအသစ်တွေနဲ့ အလွန်စိတ်ဝင်စားစရာကောင်းတဲ့အရာတွေ ရှိပါသေးတယ်၊ ဒါပေမယ့်
အောင်မြင်စွာပြီးစီးဖို့ အင်မတန်ရှုပ်ထွေးပါတယ်။ ဒါဟာ စက်မှုနည်းပညာတိုးတက်မှု အဆင့်တစ်ဆင့်ပါပဲ” ဟု
သုံးဘက်မြင် ဇီဝအင်္ဂါထုတ်လုပ်မှုအဖွဲ့ အမှုဆောင်ဒါရိုက်တာ ယူဆက်ဖ် ဟီဆွာနီက ပြောခဲ့သည်။

လည်ပင်းအကြိတ်သည် ခန္ဓာကိုဇီဝရုပ် ဖြစ်ပျက်မှုဆိုင်ရာအတွက် အလွန်အရေးကြီးသည့် အစိတ်အပိုင်း
ဖြစ်သည့်အတွက် လည်ပင်းအကြိတ်ဝေဒနာရှင် သန်းပေါင်းများစွာအတွက် ဤတီထွင်မှုအသစ်ကို သိပ္ပံပညာရှင်များက
မျှော်လင့်နေကြသည်။

Ref: RT