ရုရှားက နိုင်ငံအတွင်းရှိ တူရကီလုပ်ငန်းများကို ၀င်ရောက်စီးနင်းကာ၊ တူရကီပို့ကုန်များကိုလည်း ရုရှားက ပြန်လှည့်ခိုင်းမှုများ ရှိနေ

နိုဝင်ဘာ ၂၇၊ ၂၀၁၅
M-Media

– ရုရှားနိုင်ငံတစ်ဝှမ်းရှိ တူရကီ ကုမ္ပဏီများကို ရုရှားရဲတပ်ဖွဲ့က ၀င်ရောက်စီးနင်းမှုများ ပြုလုပ်ခဲ့ပြီး၊ လုပ်ငန်းများကို ဆိုင်းငံ့ခိုင်းထားလိုက်သည်ဟု တူရကီ စီးပွားရေးလုပ်ငန်းရှင်များက ပြောကြားခဲ့သည်။

ထို့ပြင် ရုရှားမှာ တူရကီမှာ ပို့ကုန်များ တင်ဆောင်လာသည့် ထရပ်ကားများနှင့် တူရကီ ကမ္ဘာလှည့်ခရီးသည်များကို ပြန်လှည့်ခိုင်းခဲ့သည်ဟုလည်း သိရသည်။ အချို့သောမီဒီယာများကမူ တူရကီစီးပွားရေးသမား ၂၀ ကျော်ကို ရုရှားက ဖမ်ဆီးထားလိုက်သည်ဟု ဖော်ပြခဲ့သည်။

ပြီးခဲ့သည့် အင်္ဂါနေ့က ဆီးရီးယားနယ်စပ်တွင် ရုရှား၏ Su-24 တိုက်လေယာဉ်အား လေပိုင်နက်ချိုးဖောက်သည့် အတွက် တူရကီက ပစ်ချခဲ့ပြီးနောက်ပိုင်း ရုရှားနှင့် တူရကီတို့အကြား တင်းမာမှုများ မြင့်တက်လာခဲ့သည်။

“ရုရှားက တူရကီကုမ္ပဏီတွေ အထူးသဖြင့် ဆောက်လုပ်ရေးကုမ္ပဏီတွေဟာ စီနင်းခံရပါတယ်။ အဲဒီကုမ္ပဏီတွေမှာ တရားမ၀င်အလုပ်သမား၊ ဒါမှမဟုတ် ဗီဇာရက်လွန်နေတဲ့ ၀န်ထမ်းတစ်ယောက်ယောက် ရှိနေမလား စစ်ဆေးတယ်။ စည်းမျဉ်းစည်းကမ်းတွေနဲ့ ကိုက်ညီလားဆိုတာ စစ်စေးတယ်။ ဆောက်လုပ်ရေးကုမ္ပဏီတွေဟာ အဲဒီအချက်တွေမှာ ချိုးဖောက်မှုတွေရှိနေယ်။ ဒါကိုလည်း ရုရှားအာဏာပိုင်တွေက သိပါတယ်။ ကုမ္ပဏီအချို့က လုပ်ငန်းတွေကို အဲဒီအချက်တွေကြောင့် ရပ်ဆိုင်းထားလိုက်တာပါ” ဟု ရုရှားတွင် ဆောင်ရွက်နေသည့် တူရကီကုန်ထုတ်လုပ်ငန်း ကုမ္ပဏီမှ အမှုဆောင်တစ်ဦးက ပြောကြားခဲ့သည်။

ရုရှားသို့ဝင်ရောက်လာသည့် တူရကီမှ ပို့ကုန်များကိုလည်း ရုရှားက ပြန်လှည့်ခိုင်းမှုများ ရှိနေပြီး တူရကီမှ ပို့ကုန်တင်ဆောင်လာသည့် မည်သည့်ကားမဆို နယ်စပ်တွင် စစ်ဆေးမှုများကို တင်းတင်းကြပ်ကြပ် ပြုလုပ်လျက် ရှိနေသည်။

ထို့ပြင် တူရကီ ခရီးသွားများကိုလည်း ရုရှားက အကြောင်းတစ်ခုခုရှာ၍ ၀င်ခွင့်ပိတ်ပင်ခဲ့ကြောင်း လက်တွေ့ကြုံခဲ့ရသူများက ပြောကြားခဲ့သည်။ တူရကီနှင့် ရုရှားတို့မှာ ၂၀၁၁ ခုနှစ်ကတည်းက နှစ်နိုင်ငံသဘောတူညီချက်ဖြင့် ဗီဇာမလိုဘဲ သွားလာခွင့် ပြုနိုင်ခဲ့သည်။

Ref: Aljazeera