CO2 လျော့ချရေး ပြန်ပြည့်ဖြိုးမြဲစွမ်းအင်ကို ဖိလစ်ပိုင်က မျက်စိကျ

နိုဝင်ဘာ ၂၈၊ ၂၀၁၅
M-Media

– လာမည့်တစ်ပတ် ပါရီတွင် ကျင်းပမည့် ကုလသမဂ္ဂ ရာသီဥတုဆိုင်ရာညီလာခံတွင် ကာဗွန်ထုတ်လုပ်မှုများ လျှော့ချပစ်ရန်ကတိပြုလွှာများကို ကမ္ဘာ့ခေါင်းဆောင်များက တင်သွင်းကြမည်ဖြစ်သည်။

ဖီလစ်ပိုင်နိုင်ငံသည် ပြန်ပြည့်ဖြိုးမြဲစွမ်းအင် အသုံးပြုမှုမှတဆင့် ကာဗွန်ထုတ်လုပ်မှုကို လျှော့ချရာတွင် လျင်မြန်စွာ တိုးတက်မှုများရရှိနေပြီ ဖြစ်သည်။

မနီလာမြို့တောင်ဘက်မှ နာရီအနည်းငယ်အတွင်း သွားရောက်နိုင်သော လဂူနာရှိ မကီလင်းတောင်ခြေတွင် လုံခြုံစွာတည်ဆောက်ထားသော မခ်ဘန် မြေအောက် သဘာဝအပူထုတ်စက်ရုံ တည်ရှိပါသည်။ ထိုစက်ရုံသည် ဖိလစ်ပိုင်နိုင်ငံတွင် ဒုတိယအကြီးဆုံး မြေအောက် သဘာဝအပူထုတ်စက်ရုံသည့်အပြင် Aboitiz Power ဓာတ်အားပေးလုပ်ငန်းမှ ပိုင်ဆိုင်သော စက်ရုံနှစ်ခုအနက် တစ်ခုဖြစ်သည်။

၎င်းစက်ရုံနှစ်ခုမှနေ၍ မဂ္ဂါဝပ် ၄၀၀ ရှိစွမ်းအင် သို့မဟုတ် တစ်နှစ်လျှင် အိမ်ထောင်စု ၁၆,၀၀၀ ကို ဓာတ်အားပေးနိုင်သည်။ ဖိလစ်ပိုင်နိုင်ငံသည် အမေရိကန်ပြီးနောက် ကမ္ဘာ့ဒုတိယအကြီးဆုံး မြေအောက် သဘာဝအပူစွမ်းအင်ထုတ်လုပ်သည့်နိုင်ငံ ဖြစ်သည်။ ဤစွမ်းအင်၏ အဓိကစွမ်းဆောင်နိုင်ရည်မှာ နိုင်ငံအတွက် သန့်ရှင်းသည့်စွမ်းအင်ရရှိရေးဖြစ်သည်။

“ရာသီဥတုပြောင်းလဲမှုရဲ့ အကျိုးသက်ရောက်မှုတွေနဲ့ပက်သက်ပြီး ကမ္ဘာကြီးက စိုးရိမ်မှုတွေ ရှိနေပါတယ်။ ကျွန်တော်တို့ရဲ့ ပန်းတိုင်ကတော့ လောင်စာရောနှောမှု မူဝါဒနဲ့အတူ လောင်စာမျိုးစပ်တွေ ရရှိဖို့ပဲ ဖြစ်ပါတယ်။ ဒီလောင်စာမျိုးစပ်မှုတွေ ထုတ်လုပ်နိုင်ခြင်းအားဖြင့် ကျွန်တော်တို့ဟာ ကျောက်မီးသွေးလောင်စာ သုံးစွဲမှုကို အများကြီး လျှော့ချနိုင်မှာဖြစ်ပါတယ်” ဟု စွမ်းအင်ဝန်ကြီးဌာန၏ လက်ထောက်အတွင်းရေးမှူး လော်ရီတာအေစန်က ပြေကြားသည်။

ဖိလစ်ပိုင်သည် လျှပ်စစ်ဓာတ်အားအတွက် ကျောက်မီးသွေးလောင်စာနှင့် သဘာဝဓာတ်ငွေ့လောင်စာကို အဓိက မှီခိုသုံးစွဲလျက်ရှိပြီး လေစွမ်းအင်၊ နေရောင်ခြည်စွမ်းအင်၊ ဇီဝလောင်စာတို့ သုံးစွဲမှုရာခိုင်နှုန်း အားနည်းလျော့ကျလျက်ရှိသည်။

ပြည်ပြည့်ဖြိုးမြဲ စွမ်းအင်ကို အသုံးပြုမှု များပြားလာစေရန် ၂၀၀၈ ခုနှစ်တွင် ဥပဒေပြဌာန်းခဲ့သော်လည်း ဤကဏ္ဍတွင် ရင်းနှီးမြှုပ်နှံမှု အလွန်နည်းပါးလျက်ရှိသည်မှာ ကျောက်မီးသွေးသည် ဈေးပေါပြီး အလွယ်တကူ ထုတ်လုပ်နိုင်သောကြောင့် ဖြစ်သည်။

ကမ္ဘာ့ခေါင်းဆောင်များအတွက် ကာဗွန်လျှော့ချရန် ဖိအားများမြင့်တက်လာနေသော်လည်း စွမ်းအင်ဝန်ကြီးဌာနက ဖိလစ်ပိုင်အစိုးရသည် ၂၀၄၀ မျှော်မှန်းပန်းတိုင်အထိ ရောက်ရှိရန် အလွန်အခြေအနေကောင်းနေပြီဖြစ်သည်ဟု ပြောကြားခဲ့သည်။

Ref: Channelnewsasia