အ၀လွန်ခြင်းကို တိုက်ဖျက်ရေး သကြားခွန်ကောက်ရန် ဗြိတိန်တိုက်တွန်း

ဒီဇင်ဘာ ၁၊ ၂၀၁၅
M-Media

– ဗြိတိသျှ ပါလီမန်အမတ်များသည် ကလေးငယ်များ အ၀လွန်မှုကို တိုက်ဖျက်ရေးအတွက် သကြားပါဝင်သော ဖျော်ရည်များကို အခွန်သတ်မှတ်ရန်နှင့် ကျန်းမာရေးထိခိုက်နိုင်သော အစားအသောက်များ ဈေးနှုန်းလျှော့ချမှုကို ထိန်းချုပ်မှုများပြုလုပ်ရန် အစိုးရအား တိုက်တွန်းလိုက်သည်။

ပါလီမန်၏ ကျန်းမာရေးကော်မတီက အစား အသောက်လုပ်ငန်းကို တိုးတက်မှုများရှိစေမည့် အဆိုပါ လုပ်ဆောင်ချက်များကို အ၀လွန်ခြင်းအား တိုက်ဖျက်ရေးတွင် မဖြစ်မနေ အသုံးပြုရမည်ဟု ရှင်းလင်းသည့် အထောက်အထားများရှိကြောင်း ပြာကြားခဲ့သည်။ အ၀လွန်ရောဂါကုသမှုစရိတ်သည် နိုင်ငံတော်ကျန်းမာရေးဌာနများ၌ပင် ပေါင် ၅ ဒသမ ၁ ဘီလီယံ (ဒေါ်လာ ၇ ဒသမ ၆၅ ဘီလီယံ) နှစ်စဉ်
ကုန်ကျမှုရှိနေသည်။

အဆိုပါအစီရင်ခံစာတွင် ဤကဲ့သို့ ကျန်းမာရေးနဲ့မညီသောအစား၊ အသောက်များကို ဈေးနှုန်းချခြင်းကိုတင်းကြပ်စွာ ထိန်းချုပ်သင့်ကြောင်း၊ ဈေးကွက်ချဲ့ထွင်မှုနှင့် ကြော်ငြာချင်းတို့အတွက်လည်း ပိုမို စီစစ်သင့်ကြောင်း၊ အဆိုပါစားသောက်ကုန် အညွှန်းတွင် သကြားပါဝင်မှုကို လက်ဖက်ရည်ဇွန်း မည်မျှပါဝင်သည် (သို့မဟုတ်) အခြားသော အတိုင်းအတာများနှင့် ဖော်ပြထားသင့်ကြောင်း ရေးသားဖော်ပြခဲ့သည်။

“မူလတန်းကလေးငယ် သုံးပုံတစ်ပုံဟာ အလွန်အမင်း အ၀လွန်တာတွေ ရှိနေတတ်ပါတယ်၊ အလွန်ချို့တဲ့ တဲ့ကလေးတွေက သိပ်မချို့တဲ့ တဲ့ ကလေးတွေထက် နှစ်ဆပိုပြီး အ၀လွန်ခြင်းတာတွေ တွေ့ရတတ်ပါတယ်’ ဟု ကျန်းမာရေးကော်မ အကြီးအကဲဖြစ်သူ ဆာရာဝူလက်စ်တန်က ပြောကြားသည်။

ဖျော်ရည်စက်ရုံများသည် အဆိုပါအစီရင်ခံစာ၏ သုတေသနပြုချက်များကို ဝေဖန်ထားပြီး ပါလီမန်အမတ်များသည် လော်ဘီသမား၏ ကြေးစားများ ဖြစ်သည်ဟု စွပ်စွဲလိုက်သည်။

‘ကော်မတီဟာ အ၀လွန်ခြင်းနှင့်ပက်သက်တဲ့ စကားရည်လုပွဲတစ်ခုကို လွတ်လွတ်လပ်လပ် မလုပ်ပေးနိုင်ခဲ့တာတော့ အလွန်စိတ်ပျက်စရာပါပဲ” ဟု ဗြိတိသျှစားသောက်ကုန်အဖွဲ့ချုပ်၏ ဒါရိုက်တာဖြစ်သူ အီယန်ရိုက်က ပြောကြားခဲ့သည်။

‘ဒီအခြေအနေမှာ စားသုံးသူတွေအပေါ် ၀န်ပိစေမယ့်အဖြစ်မျိုးကိုတော့ ဘယ်သူမှ စဉ်းစာမိပုံမရပါဘူး’ ဟု ၎င်းထုတ်ပြန်ခဲ့သော ကြေငြာချက်တွင် ဖော်ပြထားပြီး စားသုံးသူများသည် စားသောက်ကုန်အခွန်များကို သန်းထောင်နှင့်ချီ၍ပေးဆောင်နေရကြောင်း ဖြည့်စွက်ခဲ့သည်။

Ref : Channelnewsasia