စင်ကာပူ လက်နက်ကိုင်တပ်ဖွဲ့များအားလုံး တစ်ဦးလျှင် ဒေါ်လာ ၈၀ စီ လခတိုးမည်

ဒီဇင်ဘာ ၁၊ ၂၀၁၅
M-Media

– ဒီဇင်ဘာ ၁ ရက် အင်္ဂါနေ့မှစ၍ အချိန်ပြည့်လက်နက်ကိုင်ဝန်ထမ်းများနှင့် အရန် လက်နက်ကိုင်ဝန်ထမ်းများ အားလုံးကို ရာထူးတိုင်းအတွက် လစဉ် စင်ကာပူဒေါ်လာ ၈၀ စီ တိုးမြှင့်မည်ဟု စင်ကာပူ ကာကွယ်ရေးဝန်ကြီးဌာနက ယမန်နေ့တွင် ကြေငြာလိုက်သည်။

တိုးမြှင့်မှုသည် စင်ကာပူလက်နက်ကိုင်တပ်ဖွဲ့၊ စင်ကာပူရဲတပ်ဖွဲ့၊ စင်ကာပူမြို့ပြလုံခြုံရေးတပ်ဖွဲ့များရှိ အချိန်ပြည့်ဝန်ထမ်းနှင့် အရန်ဝန်ထမ်းများအားလုံး ခံစားခွင့်ရှိမည်ဖြစ်သည်။

“ကျွန်တော်တို့ရဲ့ လက်နက်ကိုင်တပ်ဖွဲ့ဝင်တွေရဲ့ အခြေခံအသုံးစားရိတ်ကို အထောက်ပံ့ဖြစ်စေတဲ့ ခံစားခွင့်ကို အခါအားလျော်စွာ ဆန်းစစ်မှုတွေ ပြုလုပ်ပါတယ်” ဟု ကာကွယ်ရေးဝန်ကြီးဌာနက ပြောကြားခဲ့သည်။

စင်ကာပူလက်နက်ကိုင်တပ်ဖွဲ့ရှိ အနိမ့်ဆုံးအဆင့်ဖြစ်သော တပ်သားသစ်တစ်ယောက်မှာ တစ်လလျှင် စင်ကာပူဒေါ်လာ ၄၈၀ ရရှိရာမှ ယခုကဲ့သို့ တိုးမြှင့်မှုကြောင့် ၅၆၀ ရရှိမည်ဖြစ်သည်။

Ref: Channelnewsasia