မြန်မာနိုင်ငံတွင် စားနပ်ရိက္ခာ အကူအညီလိုသော ပြည်သူ ၆ သိန်းကျော်ရှိသည်ဟု ကုလပြော

ဒီဇင်ဘာ ၃၊ ၂၀၁၅
M-Media

– မြန်မာနိုင်ငံတွင် သဘာဝဘေးအန္တရာယ်များ၊ တိုက်ခိုက်မှုများနှင့် ပဋိပက္ခများကြောင့် စားနပ်ရိက္ခာ အကူအညီလိုအပ်နေသည့် ပြည်သူအရေအတွက်မှာ ၆ သိန်းကျော်ရှိနေသည် ကုလသမဂ္ဂ စားနိပ်ရိက္ခာအစီအစဉ် WFP က ယမန်နေ့တွင် ပြောကြားခဲ့ပြီး ၂၀၁၆ ခုနှစ် နှစ်လယ်အထိ အစားသောက်များ ကူညီပေးရန်အတွက် ကန်ဒေါ်လာ သန်း ၄၀ ခန့် လိုနေသည်ဟုလည်း ဆိုသည်။

မြန်မာနိုင်ငံလူဦးရေ၏ ၂၆ ရာခိုင်နှုန်းဖြစ်သော ၁၃ သန်းမှာ ဆင်းရဲမွဲတေမှု သတ်မှတ်ချက်အောက်တွင် နေထိုင်နေရပြီး ကလေးငယ်များ၏ ၃၅ ရာခိုင်နှုန်းမှာ အဟာရချို့တဲ့မှု၊ ပုံမှန်ကြီးထွားမှုနှုန်းမရှိသည့် ပြဿနာများနှင့် ရင်ဆိုင်နေရသည်ဟုလည်း WFP ၏ ကြေငြာချက်တွင် ဖော်ပြထားသည်။

ပြီးခဲ့သည့် ဇွန်လနှင့် ဇူလိုင်လအတွင်း မြန်မာနိုင်ငံရှိ ပြည်နယ်နှင့်တိုင်းဒေသကြီး ၁၂ ခုတွင် ရေကြီးမှုနှင့် မြေပြိုမှုများ ဖြစ်ပွားခဲ့ပြီး လူ ၁၇၂ ဦး သေဆုံးခဲ့ကာ ၁.၇ သန်းမှာ ယာယီ အိုးအိမ်စွန့်ခွာ ထွက်ပြေးခဲ့ရသည်။ WFP ကမူ အဆိုပါ ရေကြီးမှုနှင့် မြေပြိုမှုတို့ကြောင့် စားနပ်ရိက္ခာ လိုအပ်နေသူများမှာ ၄၄၀၀၀၀ ရှိနေသည်ဟု ဆိုသည်။

ပြီးခဲ့သည့်နှစ်အနည်းငယ်အတွင်း ရခိုင်ပြည်နယ်၌ ဖြစ်ပွားခဲ့သည့် လူမျိုးစုတိုက်ခိုက်မှု၊ ကချင်ပြည်နယ်နှင့် ရှမ်းပြည်နယ်တို့တွင် အစိုးရတပ်နှင့် တိုင်းရင်းသားလက်နက်ကိုင်များအကြား ဖြစ်ပွားခဲ့သည့် တိုက်ခိုက်မှုများကြောင့် ပြည်သူ ၁၇၂၀၀၀ မှာ အိုးအိမ်စွန့်ခွာ ထွက်ပြေးခဲ့ရပြီး ၎င်းတို့မှာလည်း စားနပ်ရိက္ခာ လိုအပ်နေသည်ဟု ကုလကဆိုသည်။

WFP မှာ မြန်မာနိုင်ငံမှ စားနပ်ရိက္ခာ မလုံလောက်သူ ၂.၉ သန်းကို အစားသောက်နှင့် ငွေသားများ ပေးအပ်ကူညီရန်နှင့် အိုးအိမ်စွန့်ခွာ ထွက်ပြေးရသည့် ပြည်သူများအား ၎င်းတို့၏နေအိမ်များသို့ ပြန်လည်လာရောက်နိုင်ရေး သို့မဟုတ် အလုပ်အကိုင်နှင့် ဘ၀အတွက် ပိုကောင်းသည့် အခြေအနေတွင် အခြေချနိုင်ရေးတို့အတွက်လည်း ကူညီရန် ရည်ရွယ်ထားသည်။

Ref: Reuters