ခြစားမှုအတွက် ဖမ်းဆီးခံထားရသည့် ဖီဖာတာဝန်ရှိသူများမှ ၈ ဦးက အပြစ်ရှိကြောင်း ၀န်ခံတော့မည်

ဒီဇင်ဘာ ၄၊ ၂၀၁၅
M-Media

အမေရိကန် တရားသူကြီးချုပ် လော်ရက်တာ လင့်ခ်ျ

– ခြစားမှုနှင့်ပတ်သက်၍ ဖမ်းဆီးထားသူ ဖီဖာတာဝန်ရှိသူများမှ ၈ ဦးမှာ ၎င်းတို့တွင် အပြစ်ရှိကြောင်း ၀န်ခံရန် သဘောတူထားသည်ဟု အမေရိကန် တရားသူကြီးချုပ် လော်ရက်တာ လင့်ခ်ျက ပြောကြားလိုက်သည်။

အမေရိကန်တာဝန်ရှိသူများမှာ ထိုကိစ္စနှင့်ပတ်သက်၍ ဖီဖာမှ လက်ရှိနှင့် ယခင်တာဝန်ရှိသူ ၁၆ ဦးအား တရားစွဲဆိုထားပြီး၊ ၎င်းတို့ကို လာဘ်ငွေနှင့် တရားမ၀င် ငွေပေးထားမှုပမာဏ ကန်ဒေါ်လာ သန်း ၂၀၀ ကျော်ကိစ္စတွင် ပါဝင်ပတ်သက်သည်ဟု စွပ်စွဲမှုအတွက် အသေးစိတ်အချက်အလက်များကို အမေရိကန်တရားရေးဌာနက ယမန်နေ့တွင် ထုတ်ပြန်ခဲ့သည်။

လင့်ချင်ကမူ ဖီဖာနှင့် ဆက်စပ်နေသူ ၈ ဦးမှာ ယခုအခါ အပြစ်ရှိကြောင်းဝန်ခံရန် ဆုံးဖြတ်ခဲ့ပြီး ၎င်းတို့ထဲမှ ၅ ဦးမှာ မည်သည့်အချိန်တွင် ၀န်ခံမည်ဆိုသည်ကို ပြောကြားခဲ့ခြင်းမရှိဟု ဆိုသည်။

“တရားခံတစ်ယောက်က ဖီဖာ စည်းကမ်းထိန်းသိမ်းရေးကော်မတီ အကြီးအကဲဖြစ်ပြီး ခြစားမှုနဲ့ပတ်သက်ပြီး တရားစွဲဆို ခံထားရတာပါ။ အခုတော့ အဲဒီကိစ္စမှာ ပါဝင်တယ်လို့ ပြောကြားထားပါတယ်။ ဒါက တော်တော်လေးကို ဆိုးရွားပြီး ဖီဖာရဲ့ ခြစားမှုပမာဏက မယုံနိုင်လောက်စရာပါပဲ” ဟု လင့်ခ်ျက ပြောကြားခဲ့သည်။

ထို့ပြင် ခြစားမှုနှင့်ပတ်သက်၍ အပြစ်ရှိကြောင်း ၀န်ခံမည်သူများတွင် မေလက ဖမ်းဆီးခဲ့သည့် ဖီဖာဒုတိယဥက္ကဌဟောင်း ဂျက်ဖရီဝဘ်လည်း ပါဝင်ပြီး အာဏာပိုင်များနှင့် ပူးပေါင်းဆောင်ရွက်မည်ဟု သူမက ထည့်သွင်းပြောကြားခဲ့သည်။

Ref: Goal