IS လက်မှ လွတ်မြောက်သည့်ဒေသများတွင် စွန်နီပြည်သူများ လူ့အခွင့်အရေး ချိုးဖောက်ခံနေရ

ဒီဇင်ဘာ ၄၊ ၂၀၁၅
M-Media

– IS အဖွဲ့၏ ထိန်းချုပ်မှုလက်မှ လွတ်မြောက်လာသည့် နယ်မြေများတွင် စွန်နီပြည်များမှာ အတင်းအဓမ္မ မောင်းထုတ်ခံရခြင်း၊ ပြန်ပေးဆွဲခံရခြင်းနှင့် အခြား ဆိုးရွားသည့် လူ့အခွင့်အရေးဆိုင်ရာ ချိုးဖောက်မှုများကို ခံစားနေရသည်ဟု ကုလသမဂ္ဂက ယနေ့တွင် ပြောကြားလိုက်သည်။

လေ့လာဆန်းစစ်သူများကမူ အီရတ်တွင် ဆွန်နီအာရပ်များမှာ ဘဂ္ဂဒတ်၌ ရှီယာလူမျိုးစု ဦးဆောင်သည့် အစိုးရ၏ ခွဲခြားဆက်ဆံမှု ခံရသလို၊ နိုင်ငံမြောက်ပိုင်းတွင်လည်း ကာ့ဒ်တပ်ဖွဲ့များ၏ ခွဲခြားမှုကို ခံနေရပြီး ထိုသို့ ခံစားရမှုများက လူ့အဖွဲ့အစည်းများအား အစွန်းရောက်စေကာ IS အဖွဲ့အား နှိမ်နှင်းရေးတွင် နောက်ပြန်သွားစေသည်ဟု ဆိုသည်။

“စွန်နီအာရပ် လူ့အဖွဲ့အစည်းတွေပိုင်ဆိုင်တဲ့ ပစ္စည်းတွေကို လုယက်တာ၊ ဖျက်ဆီးတာတွေအတွက် အီရတ်(ရှီအာ) တပ်ဖွဲ့တွေနဲ့ ကာ့ဒ်တပ်ဖွဲ့တွေမှာ တာဝန်ရှိပါတယ်။ အတင်းအဓမ္မ မောင်းထုတ်တာ၊ ပြန်ပေးဆွဲတာ၊ တရားမ၀င် ဖမ်းဆီးထိန်းသိမ်းတား၊ တစ်ချို့ကိစ္စတွေမှာဆို တရားလက်လွတ်သတ်ဖြတ်တာတွေတောင် ရှိပါတယ်” ဟု ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး၏ ပြောရေးဆိုခွင့်ရှိသူ စီစီလီ ပူအီလီက ပြောကြားခဲ့သည်။

“သူတို့တွေဟာ အခြေခံလိုအပ်ချက်တွေနဲ့ ရေ၊ အစားအစာ၊ နေထိုင်စရာနဲ့ ကျန်းမာရေး စောင့်ရှောက်မှုတွေလို အဓိကကျတဲ့ကုန်ပစ္စည်းတွေကို အကန့်အသတ်နဲ့သာ ရရှိတယ်ဆိုတဲ့ သတင်းတွေလည်း ကျွန်တော်တို့ ကြားရပါတယ်”

ဆီးရီးယားနှင့် အီရတ်တို့ရှိ ဆွန်နီအာရပ်အချို့မှာ IS အဖွဲ့နှင့် ပူးပေါင်းဆောင်ရွက်သည်ဟု ကာ့ဒ်တပ်ဖွဲ့ဝင်များက စွပ်စွဲပြောဆိုထားသည်။ ကုလကမူ ဆီးရီးယားနိုင်ငံ ဆင်ဂျာမြို့တွင် ကာ့ဒ်တပ်ဖွဲ့ဝင်များနှင့် IS များထိန်းချုပ်ရာ ဒေသနှစ်ခုအကြားရှိ ပလဒေသတစ်ခု၌ ပိတ်မိနေသော စွန်နီ ၁၃၀၀ ခန့်အတွက်လည်း စိုးရိမ်မှုများရှိနေသည်ဟု ဖော်ပြခဲ့သည်။

IS လက်မှ မကြာသေးမီကမှ လွတ်မြောက်ပြီး ကာ့ဒ်တပ်ဖွဲ့က ထိန်းချုပ်ထားသော ဆင်ဂျာဒေသတွင် အစုလိုက်အပြုံလိုက် သတ်ဖြတ်ထားသည့်နေရာ ၁၆ ခုကို တွေ့ရှိခဲ့ရသည်ဟု ကုလက ပြောကြားခဲ့သည်။

IS က ထိန်းချုပ်ထားသော ဒေသများတွင်လည်း အရပ်သားများအား ပြန်ပေးဆွဲခြင်း၊ မီးရှို့ခြင်း၊ ခေါင်းဖြတ်ခြင်းတို့အပါအ၀င် ဆိုးရွားသည့် လူ့အခွင့်အရေး ချိုးဖောက်မှုများ ရှိနေသည်ဟု ပူအီလီက ထည့်သွင်းပြောကြားခဲ့သည်။

Ref: Aljazeera