မြန်မာနိုင်ငံအပေါ် ကုန်သွယ်ရေးပိတ်ဆို့ထားမှုကို အမေရိကန် ယာယီပြန်ဖွင့်ပေး

ဒီဇင်ဘာ ၈၊ ၂၀၁၅
M-Media

– မြန်မာနိုင်ငံအပေါ် ကျန်ရှိနေသည့် ကုန်သွယ်ရေး ပိတ်ဆို့မှုများကို ယာယီဖွင့်ပေးလိုက်ပြီဟု အမေရိကန်ပြည်ထောင်စု နိုင်ငံရပ်ခြားပိုင်ဆိုင်မှုများ ထိန်းချုပ်ရေးဌာန၏ ငွေတိုက်ဌာနခွဲမှ ယမန်နေ့တွင် ကြေငြာခဲ့သည်။

ယခင် စစ်အာဏာရှင်ဟောင်းလက်ထက်တွင် ကြွယ်ဝလာခဲ့သည့် ခရိုနီများ ပိုင်ဆိုင်သော ဆိပ်ကမ်းလုပ်ငန်းများ၊ အခြားသော အခြေခံအဆောက်အဦးများနှင့် ဆက်သွယ်၍ ကုန်သွယ်ရေးလုပ်ငန်းများ လုပ်ဆောင်မှုကို ဖွင့်ပေးခဲ့ခြင်းဖြစ်ပြီး အဆိုပါ ယာယီဖွင့်ပေးမှုမှာ ၆ လတာ ကြာမြင့်မည် ဖြစ်သည်။

အမေရိကန် ဘဏ်လုပ်ငန်းများက ၎င်းတို့မှာ မူယစ်လုပ်ငန်းများနှင့် ဆက်နွယ်နေသည်ဟူသော သတင်းများကြောင့် အမည်ပျက်စာရင်းသွင်းထားသည့် စတီဗင်လော၏ ကုမ္ပဏီက ဆောင်ရွက်နေသော ရန်ကုန်မြို့ အဓိကဆိပ်ကမ်းကြီးကို ဖြတ်၍ ကုန်သွယ်မှုများကို လုပ်၍မရဟု စောဒတက်ခဲ့ပြီးနောက်ပိုင်း အမေရိကန်က ယခုကဲ့သို့ ပိတ်ဆို့မှုကို ဖယ်ရှားပေးလိုက်ခြင်းဖြစ်သည်။

အမေရိကန်အစိုးရ တာဝန်ရှိသူများကမူ ထိုကဲ့သို့ ပိတ်ဆို့မှုများကို ဖြေလျော့ပေးလိုက်ခြင်းက အမေရိကန်ဘဏ်များ၏ လုပ်ရကိုင်ရခက်မှုကို ရှင်းလင်းပေးလိုက်ဖြင်းဖြစ်ပြီး၊ ပိတ်ဆို့မှုအား ချိုးဖောက်မိမည်ကို စိုးရိမ်ခြင်းနှင့် မလိုအပ်သော ကုန်ကျစားရိတ်များ ဖြစ်လာမည်ကို ကြောက်ရွံ့ခြင်းတို့ကြောင့် မြန်မာနိုင်ငံတွင် လုပ်ငန်း လုပ်ကိုင်ခြင်း မရှိမှုကို တားဆီးရန်အတွက်ဖြစ်သည်ဟု ပြောကြားခဲ့သည်။

သို့သော်လည်း လူ့အခွင့်အရေးအဖွဲ့များကမူ ထိုကဲ့သို့ ဖယ်ရှားခြင်းမှာ နောက်ပြန်ဆုတ်ခြင်းဖြစ်သည်ဟု ဝေဖန်ခဲ့ကြသည်။

စစ်အာဏာရှင်လက်ထက်တွင် ပြုလုပ်ခဲ့သည့် ကုန်သွယ်ရေးနှင့် ရင်းနှီးမြှုပ်နှံမှု ကန့်သတ်ချင်အများအပြားကို ၂၀၁၂ ခုနှစ်တွင် အမေရိကန်က ဖြေလျော့ပေးခဲ့သော်လည်း စစ်အာဏာရှင်နှင့် ဆက်နွယ်နေသည့် အကြီးတန်းတာဝန်ရှိသူများ၊ စီးပွားရေးလုပ်ငန်းများနှင့် ကုမ္ပဏီများကို အမည်ပျက်စာရင်းထဲတွင် ဆက်လက် ထည့်သွင်းထားခဲ့ကာ အမေရိကန်၏ ဘဏ္ဍာရေးစနစ်အတွင်း ပိုင်ဆိုင်မှုများမရှိရန် ဟန့်တားခြင်း၊ အမေရိကန်ကုမ္ပဏီများနှင့် အလုပ်လုပ်ကိုင်မှုအား တားမြစ်ခြင်းတို့ကို ပြုလုပ်ခဲ့သည်။

ထိုကဲ့သို့ ပိတ်ဆို့ခြင်းခံထားရသော ကုမ္ပဏီများနှင့် စစ်တပ်ပိုင် ကုမ္ပဏီများမှာ မဖွံ့ဖြိုးသေးသည့် မြန်မာနိုင်ငံ၏ စီးပွားရေးတွင် အဓိကအခန်းကဏ္ဍမှ ပါဝင်နေပြီး ဆိပ်ကမ်းများ၊ လေဆိပ်များနှင့် လမ်းတံတားလုပ်ငန်းများကို အဓိက ထိန်းချုပ်ထားကြသည်။

Ref: AP