အရှေ့တောင်အာရှတွင် ဗလီဝတ်ကျောင်းတော်များ အခန်းကဏ္ဍ မြှင့်တင်ရေး အစ္စလာမ့်ပညာရှင်များ ဆွေးနွေး

ဒီဇင်ဘာ ၈၊ ၂၀၁၅
M-Media

– အရှေ့တောင်အာရှနိုင်ငံများမှ အစ္စလာမ့်ရေးရာ ပညာရှင်များ၊ ရှေ့ဆောင်အီမာမ်များနှင့် မွတ်စလင်အသင်းအဖွဲ့မှ ကိုယ်စားလှယ်များမှာ ဒီဇင်ဘာ ၇ ရက် တနင်္လာနေ့က မလေးရှားနိုင်ငံ မြို့တော် ကွာလာလမ်ပူတွင် ကျင်းပခဲ့သည့် ပထမဆုံး “အာဆီယံ ဗလီဝတ်ကျောင်းတော်များပွဲတော်” တွင် တွေ့ဆုံဆွေးနွေးမှုများ ပြုလုပ်ခဲ့သည်ဟု သိရသည်။

အဆိုပါဆွေးနွေးမှုမှာ အစ္စလာမ်ဘာသာဝင်များ၏ ၀တ်ပြုရာနေရာဖြစ်သော ဗလီဝတ်ကျောင်းတော်၏ အခန်းကဏ္ဍကို ပြန်လည်ဆန်းစစ်ရန်၊ ထောက်ပံ့အားပေးရန်နှင့် ပိုမိုကျယ်ကျယ်ပြန့်ပြန့် ဆောင်ရွက်လာနိုင်စေရန် ရည်ရွယ်ခြင်းဖြစ်ပြီး တက်ရောက်လာကြသူများကမူ မြင့်တက်လာသော အစွန်းရောက်ဝါဒကို တန်ပြန်တွန်းလှန်ရာတွင် ဗလီဝတ်ကျောင်းတော်များ၏ အခန်းကဏ္ဍမှာ အဓိကနေရာမှ ပါဝင်ရန် မျှော်လင့်နေကြသည်။

“မွတ်စလင်အားလုံးရဲ့ စုရုံးရာနေရာဟာ ဗလီဝတ်ကျောင်းတော်ပါပဲ။ မတူကွဲပြားမှုကို အကျိုးရှိရှိအသုံးချဖို့ ကျွန်တော်တို့ရဲ့ အားထုတ်မှုတွေမှာ ဗလီဝတ်ကျောင်းတော်တွေဟာ တန်ဖိုးရှိတဲ့ အခန်းကဏ္ဍကနေ ပါဝင်နိုင်သလို ပါလည်း ပါဝင်သင့်ပါတယ်” ဟု မလေးရှားအစိုးရမှ ဒုတိယ၀န်ကြီးတစ်ဦးဖြစ်သူ ဒေါက်တာ အက်ဆရက်ဖ် ၀ဂ်ျဒီ ဒူဆူကီက ပြောကြားခဲ့သည်။

ဆွေးနွေးပွဲသို့ တက်ရောက်လာကြသည့် ကိုယ်စားလှယ်များက အစ္စလာမ်၏ စစ်မှန်သော သင်ကြားမှုများကို ဖြန့်ချီရန်နှင့် အာဆီယံဒေသအတွင်းရှိ သန်း ၂၄၀ သော မွတ်စလင်များ ညီညွတ်ရေး ဆောင်ရွက်ရန်အတွက် အစ္စလာမ်ဘာသာဝင်များအတွင်း သြဇာလွှမ်းမိုးမှုရှိသော ဗလီဝတ်ကျောင်းတော်များကို အသုံးပြုချင်ကြသည်။

“ဗလီဝတ်ကျောင်းတော်တွေရဲ့ အခန်းကဏ္ဍကို ပြုပြင်ပြောင်းလဲရမယ်လို့ (အင်ဒိုနီးရှား) ၀န်ကြီးချုပ်ကလည်း သဘောတူခဲ့ပါတယ်” ဟု အင်ဒိုနီးရှား အခြေခံဥပဒေခုံရုံး၏ တရားရေးအကြီးအကဲဟောင်း ဒေါက်တာ ဂျင်မလီ အက်ရှစ်ဒီကီက ပြောကြားခဲ့သည်။

ကမ္ဘာတစ်ဝှမ်းတွင် ဗလီဝတ်ကျောင်းတော်များမှာ အစွန်းရောက်ဝါဒ ဖြန့်ဖြူးသည့်နေရာများအဖြစ် စွပ်စွဲခံနေရကာ စောင့်ကြည့်ခံရမှုများလည်း ရှိနေသည်။

သို့သော်လည်း အစ္စလာမ့်ပညာရှင်များကမူ ဗလီဝတ်ကျောင်းတော်များမှာ သမိုင်းတစ်လျှောက် ညီညွတ်ရေးအခန်းကဏ္ဍတွင်သာ အဓိက ပါဝင်ခဲ့သည်ဟု ပြောကြားခဲ့သည်။ ပညာရှင်အချို့ကလည်း အရှေ့တောင်အာရှမှာ မတူညီသော လူမျိုးပေါင်းစုံ၊ ဘာသာပေါင်းစုံ အတည်ယှဉ်တွဲနေထိုင်သော ဒေသဖြစ်၍ ဗလီဝတ်ကျောင်းတော်များ၏ ညီညွတ်ရေးဆောင်ရွက်မှု အခန်းကဏ္ဍအတွက် အတုယူစရာဖြစ်လာမည်ဟု ယုံကြည်နေကြသည်။

“အစ္စလာမ်က မတူကွဲပြားမှုကို တကယ့်ကို လက်ခံတဲ့ သာသနာပါ။ အရှေ့တောင်အာရှက မွတ်စလင်တွေရဲ့ အရေးပါပြီး သမိုင်းနဲ့ချီတဲ့ ပြယုဂ်တစ်ခုက ဒီတိုင်းပြည်တွေမှာ အခြားသာ ယဉ်ကျေးမှုတွေနဲ့ ထိတွေ့ဆက်ဆံခဲ့တဲ့ ရှည်လျားတဲ့သမိုင်းကြောင်း ရှိနေတာပါပဲ။ ကမ္ဘာပေါ်က ဘာသာတရားအားလုံးနီးပါးဟာ ဒီဒေသမှာ အမြစ်တွယ်နေပါပြီ” ဟု ဒေါက်တာ အက်ရှစ်ဒီကီက ထည့်သွင်းပြောကြားခဲ့သည်။

အဆိုပါ ဗလီဝတ်ကျောင်းတော်များ ပွဲတော်တွင် ဘာသာရေးလူ့အဖွဲ့အစည်း သမိုင်းကြောင်းနှင့် ပတ်သက်၍လည်းကောင်း ဗလီဝတ်ကျောင်းတော်များ၏ အခန်းကဏ္ဍကို ဘာသာပေါင်းစုံညီညွတ်ရေးတွင် အသုံးချရန်အတွက်လည်းကောင်း ဆွေးနွေးခဲ့ကြသည်။

Ref: Channelnewsasia