ထိုင်းနိုင်ငံတွင် IS ၏ ခြိမ်းခြောက်မှု မရှိဟု အင်တာပိုအကြီးအကဲ ပြော

ဒီဇင်ဘာ ၈၊ ၂၀၁၅
M-Media

– ဆီးရီးယားမှ IS အဖွဲ့ဝင်များ ထိုင်းနိုင်ငံအတွင်းသို့ ၀င်ရောက်လာသည်ဟု ပြီးခဲ့သည့်ရက်ပိုင်းက သတင်းထွက်ခဲ့သော်လည်း တိုက်ခိုက်မှုပြုလုပ်မည်ဟု ယုံကြည်ရလောက်သည့် ခြိမ်းခြောက်မှုမျိုးမရှိဟု နိုင်ငံတကာရဲတပ်ဖွဲ့ Interpol ၏ ထိုင်းနိုင်ငံဆိုင်ရာ ဒါရိုက်တာဖြစ်သူ ရဲတပ်ဖွဲ့ ဗိုလ်ချုပ်ကြီး အပီချာ့ ဆူရီဘွန်ညာက ပြောကြားလိုက်သည်။

IS အဖွဲ့ဝင် ၁၀ ဦးမှာ အောက်တိုဘာ ၁၅ ရက်နေ့မှ ၃၁ ရက်အကြားတွင် နိုင်ငံအတွင်းသို့ ၀င်ရောက်လာသည်ဟု ရုရှားထောက်လှမ်းရေးက သတင်းပေးပို့မှုကြောင့် ထိုင်းရဲတပ်ဖွဲ့၏ အထူးဌာနမှ နိုင်ငံအတွင်းရှိ ရဲဌာနများသို့ သတိဝိရိယရှိရန် သတိပေးသည့် လျှို့ဝှက် အကြောင်းကြားစာမှာ ပြီးခဲ့သည့် ရက်ပိုင်းအတွင်းက ပေါက်ကြားခဲ့သည်။

ရဲတပ်ဖွဲ့ကလည်း ထိုပေါက်ကြားခဲ့သည့်သတင်းမှာ အစစ်အမှန်ဖြစ်သည်ဟု သောကြာနေ့က အတည်ပြုခဲ့ပြီး ပတ္တယား၊ ဖူးခက်တို့အပါအ၀င် ရုရှားနိုင်ငံသားများနေထိုင်သည့် နေရာများတွင် လုံခြုံရေးများကို ထပ်တိုးချထားခဲ့သည်။

သို့သော်လည်း ဆူရီဘွန်ညာကမူ အင်တာပိုနှင့် ရဲတပ်ဖွဲ့အထူးဌာနတို့မှာ အဆိုပါထောက်လှမ်းရေးသတင်းကို ကြည့်ရှုခဲ့သော်လည်း ထိုင်းနိုင်ငံတွင် တိုက်ခိုက်မှုပြုလုပ်မည်ဟူသော ယုံကြည်ရလောက်သည့် ခြိမ်းခြောက်မှုမျိုးမရှိဟု ပြောကြားခဲ့သည်။

“ဒီလိုသတိပေးမှုမျိုး အရင်တုန်းကလည်း တော်တော်များများ ရခဲ့ပါတယ်။ ထိုင်းနိုင်ငံမှာ IS အဖွဲ့ဝင်တွေရှိတယ်ဆိုတဲ့ ဒီ ထောက်လှမ်းရေးသတင်းဟာ သိပ် အရေးမကြီးပါဘူး။ လက်ရှိအချိန်မှာ IS က တိုက်ခိုက်မယ်ဆိုတဲ့ ယုံကြည်ရတဲ့ ခြိမ်းခြောက်မှုမျိုး မရှိသေးပါဘူး။ အင်တာပိုအနေနဲ့ပြောရရင် ဒါဟာ အရေးပါတဲ့ ထောက်လှမ်းရေးသတင်းမျိုး မဟုတ်သလို၊ ထိုင်းနိုင်ငံမှာ IS ရဲ့ တိုက်ခိုက်မှုအတွက် ယုံကြည်ရတဲ့ ခြိမ်းခြောက်မှုမျိုးလည်း မရှိပါဘူး”

ထိုင်းနိုင်ငံမှာ တနင်္ဂနွေနေ့က ဗီဇာသက်တမ်းကုန်လွန်နေသည့် ဆီးရီးယားနိုင်ငံသား ၄ ဦးကို ရှာဖွေခဲ့သော်လည်း ၎င်းတို့မှာ နိုင်ငံလုံခြုံရေးကို ခြိမ်းခြောက်မှုရှိသည်ဟု မဖော်ပြခဲ့ပေ။ နောက်ပိုင်းတွင် ထိုလေးဦးအား IS ၏ ဆက်သွယ်နိုင်ဖွယ်ရှိသည်ဆိုသည့် ယူဆမှုကိုလည်း ရုပ်သိမ်းခဲ့သည်။

Ref: Reuters