စင်ကာပူတွင် ဆေးလိပ်များကို ၂၀၁၇ မှစ၍ ခင်းကျင်းပြသခွင့် ရှိတော့မည်မဟုတ်

ဒီဇင်ဘာ ၁၀၊ ၂၀၁၅
M-Media

– ဆေးလိပ်လက်လီရောင်းချသူများ ၎င်းတို့၏ဆိုင်တွင် ဆေးလိပ်ခင်းကျင်းပြသထားခြင်းကို ၂၀၁၇ မှစ၍ ခွင့်ပြုမည်မဟုတ်တော့ဟု စင်ကာပူ ကျန်းမာရေးဝန်ကြီးက ယမန်နေ့တွင် ကြေညာချက်ထုတ်ပြန်လိုက်သည်။

လက်လီရောင်းချသူများမှာ ဆေးလိပ်အား လက်ရှိထည့်သွင်းသိမ်းဆည်းထားသည့် နေရာများ(စင် သို့မဟုတ် ဘီဒို) ဆက်လက်အသုံးပြုခြင်း၊ သို့မဟုတ် ၎င်းတို့အား ပြုပြင်မွမ်းမံခြင်း သို့မဟုတ် အလုံပိတ်၊ တစ်ဝက်ပိတ်ကာ ထည့်သွင်းသိမ်းဆည်းသည့် ပုံစံအသစ်များကို အသုံးပြုခြင်း စသည့် နည်းလမ်းများကို ရွေးချယ် အသုံးပြုနိုင်မည်ဖြစ်သည်။

အဆိုပါ စင် သို့မဟုတ် ဘီဒိုများမှာ ဆေးလိပ်များကို လူထု၏မြင်ကွင်းမှ မည်သည့်အချိန်တွင်မဆို ဖျောက်ထားရမည်ဟူသော သတ်မှတ်ချက်ကို လိုက်နာရမည်ဖြစ်သည်။

ရောင်းချမည့်ဆေးလိပ်များကို ၀ယ်ယူထည့်သွင်းခြင်း လုပ်ငန်းစဉ် သို့မဟုတ် ရောင်းချသည့်လုပ်ငန်းစဉ်တို့တွင် ၀န်ထမ်းမှာ တစ်ခုခုလုပ်ရန် ထိုလုပ်ငန်းစဉ်အား (တစ်ဝက်တစ်ပြတ်နှင့်) မရပ်သမျှကာလပတ်လုံး ဆေးလိပ်များ လူမြင်ကွင်းတွင် ရှိနေမှုကို ချွင်းချက်အဖြစ် ခွင့်ပြုထားသည်။

ကျန်းမာရေးဝန်ကြီးဌာနက ဈေးနှုန်းကပ်ရာတွင် စာသားများသာပါဝင်သည့် “စံ” ပုံစံဖြင့်ရိုက်နှိပ်ထားသော ဈေးနှုန်းစာရင်းများကိုသာ ခွင့်ပြုရန် စီစဉ်ထားပြီး ထိုသို့ခွင့်ပြုမှုမှာ အရောင်းအ၀ယ်ကို လွယ်ကူစေရန်နှင့် ဈေးနှုန်းစတစ်ကာများအား ကြော်ငြာပုံစံတစ်ခုအဖြစ် အသုံးချခြင်းကို တားဆီးနိုင်ရန်ဖြစ်သည်ဟု ဆိုသည်။

ထို့ပြင် ဆေးလိပ်များ ထားရှိရာနေရာများ(စင် သို့မဟုတ် ဘီဒို) ကိုလည်း အတွင်းအပြင် အရောင်တစ်ရောင်တည်းသာ အသုံးပြုခွင့်ပေးမည်ဖြစ်ပြီး အဆိုပါ အရောင်မှာလည်း စားသုံးသူအား ဆွဲဆောင်နိုင်သည့်အရောင်မျိုး မဖြစ်ရဟု ကျန်းမာရေးဝန်ကြီးဌာနက ထည့်သွင်းပြောကြားခဲ့သည်။

“အဓိကရည်ရွယ်ချက်ကတော့ ဆေးလိပ်မသောက်သူတွေ အထူးသဖြင့် လူငယ်တွေကို ဆွဲဆောင်မှုရှိတဲ့ ကြော်ငြာတွေနဲ့ ဆိုင်တွေက ဆေးလိပ်ရောင်းကောင်းအောင် လုပ်တာကို ကာကွယ်ဖို့ရယ်၊ ပြီးတော့ ဆေးလိပ်ဖြတ်ဖို့ကြိုးစားနေတဲ့သူတွေကိုလည်း ကောင်းမွန်တဲ့ ပတ်ဝန်းကျင်တစ်ခု ဖန်တီးပေးချင်တာရယ်ကြောင့် ဖြစ်ပါတယ်။ ဆေးလိပ်လက်လီရောင်းချတဲ့သူတွေ စီးပွားရေးမှာ အဆင်မပြေဖြစ်တာတွေကို လျော့ချတဲ့နေရမှာလည်း ကျွန်တော်တို့ဟာ ကြိုးစားကူညီချင်ပါတယ်” ဟု စင်ကာပူကျန်းမာရေးဝန်ကြီးဌာနမှ အကြီးတန်း တာဝန်ရှိသူ ဒေါက်တာ အေမီခေါရ်က ပြောကြားခဲ့သည်။

Ref: Channelnewsasia