မိမိတို့အားခြိမ်းခြောက်သူများကို ချေမှုန်းသွားမည်ဟု ရုရှားပြော

ဒီဇင်ဘာ ၁၁၊ ၂၀၁၅
M-Media

ဆီးရီးယား၌ ရုရှားက အသုံးပြုနေသော လေတပ်စခန်းအနီးတွင် ချထားသည့် S300 လေကြောင်းရန်ကာကွယ်ရေးစနစ်

– ဆီးရီးယားနိုင်ငံရှိ မိမိတို့၏ စစ်ဖက်ဆိုင်ရာများကို ခြိမ်းခြောက်သည့် မည်သည့်ပစ်မှတ်ကိုမဆို ဖျက်ဆီးချေမှုန်းသွားမည်ဟု ရုရှားသမ္မတပူတင်က ယမန်နေ့တွင်ပြုလုပ်ခဲ့သည့် ကာကွယ်ရေးဝန်ကြီးဌာန အစည်းအဝေးတစ်ခုတွင် ပြောကြားလိုက်သည်။

ရုရှားက ဆီးရီးယားတွင် ပြုလုပ်နေသည့် စစ်ရေးဆောင်ရွက်မှုမှာ FSB ကဲ့သို့ ရုရှား၏ အထူးတပ်ဖွဲ့များနှင့် ပူးပေါင်းဆောင်ရွက်နေခြင်းဖြစ်ပြီး ထိုအဖွဲ့များမှာ IS အပါအ၀င် အကြမ်းဖက်အဖွဲ့များကို ဖော်ထုတ်တိုက်ခိုက်နေကြသည်။

“ကျွန်တော်တို့ရဲ့ စစ်တပ်အဖွဲ့ ဒါမှမဟုတ် မြေပြင်က အခြေခံအဆောက်အဦးတွေကို ခြိမ်းခြောက်တဲ့ ဘယ်ပစ်မှတ်မဆို တိုက်ခိုက်ဖျက်ဆီးသွားမှာပါ” ဟု ဆိုပြီး အမေရိကန်ကျောထောက်နောက်ခံပြုထားသည့် ဆီးရီးယားလွတ်မြောက်ရေးတပ်ဖွဲ့မှာ အကြမ်းဖက်သမားများဖက်မှ ပါဝင်နေသည်ဟု ထည့်သွင်းပြောကြားခဲ့သည်။

ရုရှားကာကွယ်ရေးဝန်ကြီး ဆာဂျီ ရှီဂူကလည်း ဆီးရီးယားနိုင်ငံ၏ ၇၀ ရာခိုင်နှုန်းကို ထိန်းချုပ်ထားသော IS အဖွဲ့မှာ ဆီးရီးယားနှင့် အီရတ်တို့တွင် တပ်ဖွဲ့ဝင်ပေါင်း ၆၀၀၀၀ ရှိသည်ဟု ပြောကြားခဲ့သည်။ ထို့ပြင် IS အဖွဲ့၏ သြဇာမှာ တစ်ဖြည်းဖြည်း ကျယ်ပြန့်လာနေသည်ဟု ဆိုသည်။

Ref: RT