တိရစ္ဆာန်သုံး ပဋိဇီဝဆေးများက လူ့ကျန်းမာရေးကို ထိခိုက်စေနိုင်

ဒီဇင်ဘာ ၁၂၊ ၂၀၁၅
M-Media

– ခြံမွေးတိရစ္ဆာန်များအပေါ် ဆေးဝါးများ လွဲမှားစွာ အသုံးပြုခြင်းနှင့် အလွန်အကျွံအသုံးပြုခြင်းတို့သည် လူတို့တွင် ကိုယ်ခံအားကျဆင်းမှုပြဿနာများ ၊ အလွန်ဆိုးရွားသော ဘက်တီးရီးယားရောဂါများ ဖြစ်ပွားစေနိုင်ကြောင်း ဗြိတိသျှအစိုးရသို့ တင်ပြရန် စီစဉ်ထားသည့် အစီရင်ခံစာတွင် သတိပေးဖော်ပြထားသည်။

မွေးမြူရေးလုပ်ငန်းတွင် အသုံးပြုသော ပဋိဇီဝဆေးများ၏ အသုံးပြုမှု ၁၃၉ ခုခန့်ကို လေ့လာကြည့်ရာတွင် သတ္တ၀ါများကို ပဋိဇီဝပစ္စည်းများ ပုံမှန်တိုက်ကျွေးမှုနှင့် လူ့ကျန်းမာရေးကို ထိခိုက်စေနိုင်သော ပဋိဇီဝဆေးယဉ် ဘက်တီးရီးယားများ ပွားများလာခြင်းတို့ ဆက်စပ်လျက်ရှိကြောင်း တွေ့ရပြီး တစ်ခါတရံတွင် ဆရာဝန်က လူနာကို လက်လွှတ်လိုက်ရခြင်းမျိုးပင် တွေ့ကြုံရသည်။

ယင်းဖြစ်ရပ်များမှာ တိရစ္ဆာန်ကောင်ရေပွားများဆေးရန်အတွက် ဆေးဝါးအသုံးပြုမှုများပြားလာခြင်းနှင့် ဆက်စပ်မှုရှိကြောင်း တွေ့ရှိရသည်ဟု ဆိုသည်။

“ပထမဦးဆုံးအနေနဲ့ တိရစ္ဆာန်တွေဟာ လူ (အထူးသဖြင့် လယ်သမားတွ) နဲ့ တိုက်ရိုက်ထိတွေ့ရာကနေ ပဋိဇီဝဆေးယဉ်ပြဿနာများ ဖြစ်ပေါ်လာတာဖြစ်ပါတယ်။ ဆေးယဉ်မှုရဲ့ ဒုတိယအကြောင်းအရင်းကတော့ အသားတွေကို ကိုယ်တိုင်ချက်ပြုတ် စားသောက်ခြင်းကြောင့် အစာကွင်းဆက်ကနေ လူကို ကူးပြောင်းသွားတဲ့ ဖြစ်စဉ်မျိုး ဖြစ်ပါတယ်။ နောက်ဆုံးအချက်က တိရစ္ဆာန်တွေရဲ့ အညစ်အကြေးစွန့်ပစ်မှုတွေကနေ လူကျန်းမာရေးကို သွယ်ဝိုက်ခြိမ်းခြောက်မှုတွေ ဖြစ်လာတာမျိုးပါ” ဟု အဆိုပါအစီရင်ခံစာတွင် ဖော်ပြထားသည်။

ယူကေရှိ ဆေးယဉ်ပြဿနာ လေ့လာဆန်းစစ်ရေးအဖွဲ့မှ ဥက္ကဌဖြစ်သူ ဂျင်မ်အိုနေးလ်ကမူ ကမ္ဘာပေါ်ရှိ လူသန်း ၇ ထောင်စလုံးမှာ ပဋိဇီဝဆေးဝါးများကို အလွန်အကျွံ သုံးစွဲနေကြသည်ဟု ပြောကြားခဲ့သည်။

“ကျွန်တော်တို့ဟာ ဆေးတွေကို သကြားလုံးတွေကို စားနေကြပါတယ်။ အဲဒီရဲ့ ပြဿနာတွေကို ကမ္ဘာ့နေရာအချို့မှာ ခံစားနေရပါတယ်။ တိရိစ္ဆာန်တွေနဲ့ပတ်သက်လာရင်တော့ ပဋိဇီဝဆေးသုံးစွဲမှုဟာ ပိုပြီး ဆိုးရွားပါတယ်။ ကမ္ဘာ့အရေးကြီးတဲ့ ဒေသအချို့မှာ ဒါကို တင်းတင်းကြပ်ကြပ်စစ်ဆေးဖို့လိုလာပါပြီ၊ အထူးသဖြင့် အမေရိကန်လိုနေရာမျိုး၊ ပြီးတော့ ဖွံ့ဖြိုးဆဲနိုင်ငံတွေနဲ့ အဓိကအားဖြင့် လူဦးရေသိပ်သည်းတဲ့ တရုတ်နဲ့ အိန္ဒိယလို နေရာမျိုးတွေမှာ လိုအပ်ပါတယ်”

အစီရင်ခံစာတွင် အစားအစာများ ထုတ်လုပ်ရာ၌ ပဋိဇီဝဆေးသုံးစွဲမှုလျှော့ချရေးကို တစ်ကမ္ဘာလုံး၌ ပစ်မှတ်ထား လုပ်ဆောင်သွားရန်၊ လူနှင့်တိရစ္ဆာန်များတွင်ပါ ပဋိဇီဝဆေးများအသုံးပြုမှုကို ထိန်းချုပ်မှုများပြုလုပ်ရန် တိုက်တွန်းထားသည်။

ှRef: Aljazeera