ယူရို ၂၀၁၆ ပြိုင်ပွဲ အုပ်စုများကို မဲခွဲပြီး ပွဲစဉ်အချိန်ဇယား ထုတ်ပြန်

ဒီဇင်ဘာ ၁၃၊ ၂၀၁၅
M-Media

– ပြင်သစ်မှာ ကျင်းပပြုလုပ်မယ့် ယူရို ၂၀၁၆ အုပ်စုမဲခွဲပွဲနဲ့ ပွဲအစီအစဉ်တွေ တရာဝင်ထုတ်ပြန်ကြေငြာမှုကို မနေ့က ပဲရစ်မြို့မှာ ကျင်းပပြုလုပ်ခဲ့ပါတယ်။

၅၈ နှစ်ကြာမှ ပထမဆုံး နိုင်ငံတကာပြိုင်ပွဲမှာ ၀င်ရောက်ယှဉ်ပြိုင်ခွင့်ရတဲ့ ဝေးလ်အသင်းဟာ မဟာပြိုင်ဘက် အင်္ဂလန်နဲ့ အုပ်စု B မှာ တစ်အုပ်စုတည်း ကျရောက်ခဲ့ပါတယ်။ ဒီအုပ်စုမှာ ရုရှားနဲ့ ဆလိုဗက်ကီးယားတို့ ပါဝင်ပြီး အင်္ဂလန်နဲ့တွေ့ရင် အနိုင်ကစားနိုင်တယ်လို့ ပြီးခဲ့တဲ့ရက်ပိုင်းက ပြောထားတဲ့ ဂါရက်ဘေးလ်ကတော့ “အုပ်စုကျပ်” လို့ Twitter စာမျက်မှာကနေတစ်ဆင့် ပြောကြားခဲ့ပါတယ်။

မရဏအုပ်စုကိုတော့ ဘယ်လ်ဂျီယံ၊ ဆွီဒင်၊ အီတလီနဲ့ အိုင်ယာလန်တို့ပါဝင်တဲ့ အုပ်စု E ကို သတ်မှတ်ခဲ့ပါတယ်။ ဆွီဒင်နည်းပြ အဲရစ် ဟမ်ရန်က ဘယ်လ်ဂျီယံနဲ့ အီတလီတို့က ရေပန်းစားနေတယ်လို့ ၀န်ခံခဲ့ပါတယ်။ အီလီနည်းပြကွန်တီက ဆွီဒင်ဟာ အီတလီအတွက် အကြီးဆုံး အဟန့်အတားဖြစ်လိမ့်မယ်လို့ ဆိုပါတယ်။

အိမ်ရှင်ပြင်သစ်ကတော့ အုပ်စုချောင်ပြီး အလ်ဘေးနီးယား၊ ရိုးမေးနီးယား၊ ဆွစ်ဇာလန်တို့နဲ့ ယှဉ်ပြိုင်ရမှာဖြစ်ပါတယ်။ လက်ရှိချန်ပီယံ စပိန်က တူရကီ၊ ချက်၊ ခရိုအေးရှားတို့နဲ့အတူ အုပ်စု D မှာ ကျရောက်ခဲ့ပြီး စပိန်နည်းပြ ဒဲလ်ဘော့စကေးကတော့ နားထင်သွေးရောက်လို့မရဘဲ စုစုစည်းစည်းနဲ့ ကြိုးစားအားထုတ်ရမယ်လို့ သတိပေးခဲ့ပါတယ်။

ကမ္ဘာဖလားချန်ပီယံ ဂျာမနီက အုပ်စု C မှာ မြောက်အိုင်ယာလန်၊ ပိုလန်၊ ယူကရိန်းတို့နဲ့အတူ ကျရောက်နေပါတယ်။ ရော်နယ်ဒိုရဲ့ ပေါ်တူဂီက အိုက်စလန်၊ ဟန်ဂေရီ၊ သြစတြီးယားတို့နဲ့ အုပ်စု F မှာ ကျရောက်နေပြီး ပေါ်တူဂီနည်းပြ ဆန်းတို့စ်က အုပ်စုဟာ လွယ်ကူမယ်လို့မထင်ကြောင်း၊ ကြိုးစားအားထုတ်မှုကို မိမိယုံကြည်ကြောင်း ပြောကြားခဲ့ပါတယ်။

ယူရိုပြိုင်ပွဲတွေကို ၂၀၁၆ ခုနှစ် ဇွန်လ ၁၀ ရက်နေ့မှာ စတင်ကစားမှာဖြစ်ပြီး လက်ရှိ ဗိုလ်စွဲဖို့ရေပန်းအစားဆုံး အသင်းကတော့ အိမ်ရှင်ပြင်သစ်ဖြစ်ပါတယ်။ သူ့နောက်မှာ ဂျာမနီ၊ စပိန်၊ အင်္ဂလန်နဲ့ ဘယ်လ်ဂျီယံတို့က အစဉ်လိုက်ရှိနေကြပါတယ်။

အုပ်စုပွဲစဉ်များ

ရှုံးထွက်အဆင့်မှ နောက်ဆုံးဗိုလ်လုပွဲအထိ ပွဲစဉ်များ

Ref: Dailymail