သြဇီရှိ ခွင့်ပြုချက်မဲ့ မွတ်စလင်ဆန့်ကျင်ရေးဆန္ဒပြမှု တန်ပြန်ဆန္ဒပြပွဲနှင့် ထိပ်တိုက်တိုး

ဒီဇင်ဘာ ၁၃၊ ၂၀၁၅
M-Media

– သြစတေးလျမြို့တော် ဆစ်ဒနီတွင် လူမျိုးရေးခွဲခြားမှု ဆန့်ကျင်သူများနှင့် မွတ်စလင်ဆန့်ကျင်ရေးသမားများအကြား အပြန်အလှန် လုံးထွေးသတ်ပုတ်မှု ဖြစ်ပွားရာတွင် အဓိကရုဏ်းနှိမ်နှင်းသည့် ရဲများက လူစုခွဲခိုင်းခဲ့ရကြောင်း သိရသည်။

ဆစ်ဒနီမြို့တောင်ပိုင်း ကရိုနူလာကမ်းခြေတွင် ယမန်နေ့က ဖြစ်ပွားခဲ့ခြင်းဖြစ်ပြီး အစ္စလာမ်ဆန့်ကျင်ရေးအုပ်စုများက ခေတ်သစ်သြစတေးလျ၏ အဆိုးရွားဆုံး လူမျိုးရေးအဓိကရုဏ်းဟု ရည်ညွှန်းပြောဆိုနိုင်မည့် ၂၀၀၅ နှစ် အဖြစ်အပျက်အား ၁၀ ကြိမ်မြောက်နှစ်ပတ်လည်အဖြစ် ချီတက်ဆန္ဒပြမှုကို ပြုလုပ်ရန် ကြိုးပမ်းရာမှ ဖြစ်ပွားလာခြင်းဖြစ်သည်။

အဆိုပါချီတက်ဆန္ဒပြရန် အစီအစဉ်ကို အာဏာပိုင်များက တားမြစ်ထားသော်လည်း ပြုလုပ်ခဲ့ကြပြီး၊ စီစဉ်သူများမှာ “ဟာလာ ကင်းစင်” ဘာဘီကျူးစားပွဲများကိုလည်း ပြုလုပ်ရန် စီစဉ်ခဲ့ကြသည်။

၂၀၀၅ ခုနှစ် လူမျိုးရေးအဓိကရုဏ်းမှာ ကမ်းခြေရှိအစောင့် ၂ ဦးအား မည်သူမည်ဝါမှန်း မသိသူများက ရိုက်နှက်ခဲ့ပြီးနောက် အာရပ်နွယ်ဖွား သြစတေးလျနိုင်ငံသားများမှာ ထောင်နှင့်ချီသော လူရမ်းကားများ၏ တိုက်ခိုက်ခြင်းကို ခံခဲ့ရသည်။

ပြည်တွင်းသတင်းမီဒီယာများ၏ သုံးသပ်ချက်အရ အဆိုပါအဓိကရုဏ်းမှာ သြစတေးလျပြည်သူများကို ထိတ်လန့်စေခဲ့ပြီး ပြောင်းရွှေ့နေထိုင်သူ အများအပြားရှိနေသည့် သြစတေးလျတွင် လူမျိုးရေးခွဲခြားမှုများ အရှိန်မြင့်လာသလားဟု ဆွေးနွေးမှုများပင် ရှိခဲ့သည်။

ယမန်နေ့က ပြုလုပ်ခဲ့သည့် အဆိုပါ မွတ်စလင်ဆန့်ကျင်ရေး ချီတက်ပွဲမှာ ရာပေါင်းများစွာသော လူမျိုးရေးခွဲခြားမှု ဆန့်ကျင်သူများနှင့် ထိပ်တိုက်တွေ့ခဲ့ပြီး နောက်ထပ် အဓိကရုဏ်းတစ်ခု ဖြစ်လာနိုင်သည့်အထိ ဦးတည်ခဲ့သည်။

၎င်းတို့အုပ်စုနှစ်ခုမှာ အသေးစားတိုက်ခိုက်မှုများလည်း ဖြစ်ပွားသော်လည်း ရဲအရာရှိများက ခက်ခက်ခဲခဲဖြိုခွင်းကာ အုပ်စုနှစ်ခုအား သီးခြားစီ ဖြစ်စေခဲ့သည်။ အဆိုပါ ရုန်းရင်းဆန်ခတ်မှုအတွင်း လူနှစ်ဦးကို ထိန်းသိမ်းထားခဲ့သည်ဟု အာဏာပိုင်များက ပြောကြားခဲ့သည်။

အဆိုပါဆန္ဒပြမှုအတွင်း လက်ယာစွန်းရောက်အုပ်စုဖြစ်သော Rise Up အဖွဲ့ကို ထောက်ခံသူများက သြစေတးလျအလံကို ပုခုံးများတွင် တင်ဆောင်ကာ ကျွေးကြော်သံများကိုလည်း ကျွေးကြော်ခဲ့သည်။ လူမျိုးရေးခွဲခြားမှု ဆန့်ကျင်ရေး အဖွဲ့ကလည်း “လူမျိုးရေးခွဲခြားမှုကို ဆန့်ကျင်ပါ။ မွတ်စလင်များနဲ့ ရပ်တည်ပါ” ဟူသည့် ဆိုင်းဘုတ်များကို ကိုင်ဆောင်ခဲ့ကြသည်။

Ref: Presstv