ဇယားကို အာဆင်နယ်ဦးဆောင်နိုင်ခဲ့ပြီး နောက်ဆုံးမိနစ်ကျမှ အဖြေပြောင်းတဲ့ပွဲတွေနဲ့ ပရီးမီးယားလိဂ် ပွဲစဉ် ၁၆

ဒီဇင်ဘာ ၁၄၊ ၂၀၁၅
M-Media

– ဒီတစ်ပတ်ပရီးမီးယားလိဂ်မှာ မန်ယူက တစ်ပတ်အတွင်း ဒုတိယမြောက်ရှုံးပွဲနဲ့ ကြုံတွေ့ခဲ့ရပြီး ပွဲအချို့ကတော့ နောက်ဆုံးမိနစ်ဂိုးတွေနဲ့ ရလဒ်တွေ ပြောင်းခဲ့ပါတယ်။

ပြီးခဲ့တဲ့တစ်ပတ်က လက်ရှိချန်ပီယံ ချယ်ဆီးကို အဝေးကွင်းမှာ ၁ ဂိုး ဂိုးမရှိနဲ့ အနိုင်ရခဲ့တဲ့ ဘုန်းမောက်ဟာ အိမ်ကွင်းမှာ မန်ယူကို ကောင်းကောင်း ဒုက္ခပေးနိုင်ခဲ့ပါတယ်။ ပွဲအစ ၂ မိနစ်မှာပဲ ဂျူနီယာ စတာနစ်လက်စ်က ထောင့်ကန်ဘောကနေ တိုက်ရိုက်ဦးဆောင်ဂိုး သွင်းနိုင်ခဲ့တာက မန်ယူကို ဦးချိုးလိုက်သလို ဖြစ်ခဲ့ပါတယ်။ ဟန်ချက်ပြန်ထိန်းနိုင်ခဲ့တဲ့ မန်ယူအတွက် ၂၄ မိနစ်မှာ ဖယ်လိုင်နီက ချေပဂိုး သွင်းပေးခဲ့ပါတယ်။ ဒီ့အရင်မှာ အန်သိုနီမာရှယ်က အကောင်းအဆုံး အခွင့်အအရေးတစ်ခု ရပေမယ့် အသုံးမချနိုင်ခဲ့ပါဘူး။ ၅၄ မိနစ်မှာ
မန်ယူကစားသမားဟောင်း ဂျိုရှူဝါကင်းရဲ့ ဂိုးကိုတော့ မန်ယူတို့ ပြန်မချေပနိုင်ဘဲ ၃ မှတ် ဆုံးရှုံးခဲ့ရပါတယ်။

အီတီဟတ်က မန်စီးတီးနဲ့ ဆွမ်ဆီးတို့ပွဲကတော့ အတော်ကို အကြိတ်အနယ်ရှိခဲ့ပြီး နည်းပြသစ်နဲ့ ပထမဆုံးပွဲထွက်ရတဲ့ ဆွမ်ဆီးဟာ သရေတစ်မှတ်နဲ့ ထိုက်တန်ခဲ့တာ အမှန်ပါပဲ။ ၂၆ မိနစ်မှာ ၀ီလ်ဖရိုင်းဘိုနီက မန်စီးတီးအတွက် ဦးဆောင်ဂိုး သွင်းပေးခဲ့ပေမယ့် ဆွမ်ဆီးက နောက်ပိုင်းမှာ ဒုက္ခပေးနိုင်ခဲ့ပြီး မိနစ် ၉၀ မှာ ချေပဂိုး ပြန်သွင်းနိုင်ခဲ့ပါတယ်။ မန်စီးတီးအတွက် ကံကောင်းထောက်မတဲ့ အနိုင်ဂိုးကတော့ ၉၂ မိနစ်မှာ ရခဲ့တာဖြစ်ပြီး ယာယာတိုးယေးရဲ့ကန်ချက်ဟာ လူစားဝင်လာတဲ့ ကီလီချီ အိုင်ဟီယာနာချိုနဲ့ထိ လမ်းကြောင်းပြောင်းပြီး
ဂိုးဝင်သွားခဲ့တာဖြစ်ပါတယ်။

ချန်ပီယံလိဂ်မှာ ခြေစွမ်းပြခဲ့တဲ့ ဂျရူးနဲ့ ရမ်ဆေးတို့ရဲ့ ဂိုးတွေနဲ့ အာဆင်နယ်က အက်စတွန်ဗီလာကို အဝေးကွင်းမှာအနိုင်ရပြီး ဇယားကို ဦးဆောင်လိုက်နိုင်ပါတယ်။ ပင်နယ်တီကတစ်ဆင့် ဂိုးရခဲ့တဲ့ ဂျရူးရဲ့ဒီဂိုးဟာ အသင်းအတွက် ၅၀ မြောက်ဂိုးလည်း ဖြစ်ပါတယ်။ နောက်တစ်ပတ်မှာတော့ အနီးကပ်ဆုံးပြိုင်ဘက် မန်စီးတီးနဲ့ အာဆင်နယ်က ယှဉ်ပြိုင်ကစားရမှာပါ။

ပြီးခဲ့တဲ့တစ်ပတ်က နယူးကာဆယ်ကိုရှုံးခဲ့တဲ့ လီဗာပူးလ် အိမ်ကွင်းမှာ နောက်ဆုံးမိနစ်ဂိုးနဲ့ ကံကောင်းထောက်မစွာ သရေတစ်မှတ် ရခဲ့တာပါ။ ၀က်စ်ဘရွန်းရဲ့ခံစစ်ကျစ်လစ်မှုကြောင့် အခက်တွေ့ခဲ့တဲ့ လီဗာပူးလ် ၂၁ မိနစ်မှာ ဟန်ဒါဆန်ရဲ့ဂိုးနဲ့ ဦးဆောင်ခဲ့ပေမယ့် မိနစ် ၃၀နဲ့ ၇၃ မိနစ်တွေမှာ ချေပဂိုးနဲ့ အနိုင်ဂိုးတွေ ပေးလိုက်ရပါတယ်။ ဘန်တီကီရဲ့ အဖိုးတန်အခွင့်အရေးနှစ်ခုကို ဖြုန်းတီးပစ်မှုနဲ့အတူ ဂိုးထပ်ရဖို့ ရုန်းကန်နေရတဲ့ လီဗာပူးလ် ၉၆ မိနစ်မှာ အိုရီဂီရဲ့ကန်ချက် လူထိပြီးဝင်သွားတာကြောင့် သရေတစ်မှတ် ရခဲ့တာဖြစ်ပါတယ်။

ဇယားအောက်ဆုံးက နယူးကာဆယ်လည်း စပါးကို နောက်ကလိုက်ကစားပြီး နောက်ဆုံးမိနစ်ဂိုးနဲ့ နိုင်ပွဲဆက်ခဲ့ပါတယ်။ ၀က်စ်ဟမ်းကတော့ ပြိုင်ဘက် စတုတ်ရဲ့ ဂိုးသမားနဲ့ နောက်တန်းတွေ ကောင်းလွန်းမက ကောင်းတာကြောင့် အိမ်ကွင်းမှာ ဂိုးမရှိသရေနဲ့သာ ကျေနပ်ခဲ့ရပါတယ်။

ထိပ်ဆုံးက လက်စတာနဲ့ ချယ်ဆီးတို့ပွဲကတော့ ဒီနေ့ညမှာ ကစားမှာပါ။

ဒီတစ်ပတ် ပရီးမီးယားလိဂ်ရလဒ်များကတော့ အောက်ပါအတိုင်းဖြစ်ပါတယ်။

နော်ဝစ်ခ်ျ ၁-၁ အဲဗာတန်
ခရစ္စတယ်ပဲလေ့စ် ၁-၀ ဆောက်သက်တမ်
မန်စီးတီး ၂-၁ ဆွမ်ဆီး
ဆန်းဒါးလန်း ၀-၁ ၀က်ဖို့ဒ်
ဝက်စ်ဟမ်း ၀-၀ စတုတ်
ဘုန်းမောက် ၂-၁ မန်ယူ
အက်စတွန်ဗီလာ ၀-၂ အာဆင်နယ်
လီဗာပူးလ် ၂-၂ ၀က်စ်ဘရွန်း
စပါး ၁-၂ နယူးကာဆယ်