ဆီးရီးယားစစ်ပွဲတွင် ဗြိတိန်ပါဝင်မှုကို ပြည်သူများ ရှုတ်ချ

ဒီဇင်ဘာ ၁၄၊ ၂၀၁၅
M-Media

– ဆီးရီးယားအရေးတွင် ယူကေက ကြားဝင်စွက်ဖက်မှုများနှင့် မကြာသေးမီက လေကြောင်းတိုက်ခိုက်မှု ပြုလုပ်ခဲ့သည့်အတွက် လန်ဒန်တွင် ပြည်သူထောင်ပေါင်းများစွာက ယမန်နေ့တွင် လမ်းလျှောက်ဆန္ဒပြခဲ့ကြပြီး စစ်ဆန့်ကျင်ရေးလှုပ်ရှားသူများကလည်း ပြည်ပတွင် ယူကေ၏ စစ်ရေးလှုပ်ရှားမှုများကို လုံးဝ ရပ်တန့်ရန် တောင်းဆိုခဲ့ကြသည်။

“လူသတ်ဖို့ထောက်ခံကြတဲ့ လွှတ်တော်ကိုယ်စားလှယ်များ ဆီးရီးယားဗုံးကြဲမှု အခုရပ်” “ငြိမ်းချမ်းရေးအတွက် ဗုံးကြဲခြင်းသည် အပျိုစင်ဖြစ်ရန်ဟုဆိုကာ အဓမ္မပြုကျင့်ခြင်းသာဖြစ်သည်” “ဆီးရီးယားပြည်သူများသည် ပြဿများနှင့် အသက်ရှင်နေရသည်” စသည့် ဆောင်ပုဒ်များကို အလံများနှင့် တံခွန်များပေါ်တွင် မြင်သာအောင် ရေးသားကိုင်ဆောင်ထားကြသည်။

လူအုပ်ကြီးမှာ ဗြိတိန်ဝန်ကြီးချုပ်နေထိုင်ရာ ဒေါင်းနင်းလမ်းသို့ ရောက်သောအခါ ဟောပြောသူများက စင်မြင့်သို့တက်ကာ လက်နက်ကိုင်ပဋိပက္ခများတွင် အစိုးရ၏ ကြားဝင်စွက်ဖက်မှုကို ရှုတ်ချပြောဆိုခဲ့သည်။ ယူကေက နိုင်ငံရပ်ခြားစစ်ပွဲများတွင် ပါဝင်မှုမှာ ၂၀၀၁ ခုနှစ်တွင် အာဖဂန်တွင် စတင်ခဲ့သော အကြမ်းဖက်ဆန့်ကျင်ရေး လှုပ်ရှားမှုအပြီး လေးကြိမ်မြောက်ဖြစ်သည်။

ဆီးရီးယားတွင် ဗြိတိန်က လေကြောင်းမှ တိုက်ခိုက်မှုများပြုလုပ်ရန် ဆုံးဖြတ်ချက်ကို ဒီဇင်ဘာ ၂ ရက်တွင် ပါလီမန်က အတည်ပြုခဲ့ခြင်းဖြစ်သည်။ ထိုကဲ့သို့ ပါဝင်မှုကို အတိုက်အခံခေါင်းဆောင် ဂျယ်ရီမီ ကော်ရ်ဘန်ကလည်း ဆန့်ကျင်ခဲ့သည်။

“တိုက်ခိုက်မှုတွေ၊ အကြမ်းဖက်မှုတွေ ထပ်မဖြစ်အောင် ကျွန်မတို့ တောင်းဆိုနေတာပါ။ ဒီစစ်ပွဲကြောင့်ဖြစ်လာတဲ့ လူမျိုးရေးခွဲခြားမှုတွေကို ရပ်တန့်ဖို့ ကျွန်မတို့ ပြောနေတာပါ” ဟု ဆိုရှယ်လစ်ပါတီမှ နန်စီ တာအက်ဖီက ပြောကြားခဲ့သည်။

ဒေါင်းနင်းလမ်းအပြင်ဘက်တွင် ပြောကြားသော မိန့်ခွန်း၌ Green ပါတီ၏ ဒုတိယခေါင်းဆောင် ရှာရာဟ်အလီက ယူကေအစိုးရအနေဖြင့် ဆီးရီးယားဒုက္ခသည်များကို ပိုမိုလက်ခံရန်အတွက် တိုက်တွန်းပြောဆိုခဲ့သည်။

Ref: RT