ပဲရစ်ရှိကျောင်းဆရာတစ်ဦး IS အဖွဲ့ဝင်ဟု ယူဆရသူ၏ တိုက်ခိုက်မှု ခံရ

ဒီဇင်ဘာ ၁၄၊ ၂၀၁၅
M-Media

– ပြင်သစ်နိုင်ငံ ပဲရစ်မြို့မြောက်ပိုင်း ဆင်ခြေဖုံးရှိ စာသင်ကျောင်းတစ်ခုတွင် ဆရာတစ်ဦးမှာ သေတ္တာဖျက် ကိရိယာနှင့် ကပ်ကြေးများ ကိုင်ဆောင်ထားသူတစ်ဦး၏ တိုက်ခိုက်မှုကို ခံခဲ့ရပြီး တိုက်ခိုက်သူမှာ IS အဖွဲ့၏ အမည်နာမကို သုံးစွဲခဲ့သည်ဟု ပြင်သစ်အာဏာပိုင်များက သတင်းထုတ်ပြန်ခဲ့သည်။

ယနေ့မနက်ပိုင်းက ဖြစ်ပွားခဲ့သော အဆိုပါတိုက်ခိုက်မှုအတွင်း ကျောင်းဆရာမှာ ခန္ဓာကိုယ်ဘေးဘက်နှင့် လည်ချောင်းတို့တွင် ဒဏ်ရာများ ရရှိခဲ့သော်လည်း အန္တရာယ်ရှိသည့် အခြေအနေမျိုးမဟုတ်ဟု ရဲတပ်ဖွဲ့က ပြောကြားခဲ့သည်။

တိုက်ခိုက်မှုဖြစ်ပွားစဉ် ကျောင်းဆရာမှာ စာသင်ခန်းထဲတွင် တစ်ဦးတည်းရှိနေပြီး စာသင်ကြားရန်အတွက် ပြင်ဆင်နေသည့်အချိန် ဖြစ်သည်။ တိုက်ခိုက်သူမှာ ဆေးသုတ်သမားများ ၀င်ဆင်သော အပေါ်ယံအ၀တ်နှင့် ဦးခေါင်းပါလုံသည့် ချည်သားခေါင်းစွပ်ကို ၀တ်ဆင်ထားပြီး စာသင်ခန်းအတွင်းရှိသော လက်နက်များကို ယူ၍ တိုက်ခိုက်ခဲ့ခြင်းဖြစ်သည်။

ထို့ပြင် “ဒါဟာ Daesh (IS) ပဲ။ ဒါဟာ သတိပေးလိုက်တာပဲ” ဟု ဟစ်အော်ခဲ့ကြောင်း တရားသူကြီးများက ပြောကြားခဲ့သည်။ မျက်မြင်သက်သေများကမူ တိုက်ခိုက်သူမှာ တိုက်ခိုက်မှုပြုလုပ်ခဲ့ပြီးနောက်ပိုင်း အခင်းဖြစ်ရာနေရာမှ ထွက်ပြေးသွားခဲ့သည်ဟု ဆိုသည်။

IS ၏ ပြင်သစ်ဘာသာစကားဖြင့်ထုတ်ဝေသော Dar-al-Islam မဂ္ဂဇင်း နိုဝင်ဘာလထုတ်တွင် ပြင်သစ်ပညာရေးစနစ်မှ ဆရာများကို သတ်ပစ်ရန် ၎င်းတို့၏ နောက်လိုက်များအား တိုက်တွန်းထားပြီး ထိုဆရာများမှာ လောကီပညာများကိုသာ သင်ပေးခြင်းကြောင့် “ဘုရားသခင်၏ ရန်သူများ” ဖြစ်ကာ ၎င်းတို့မှာ “မွတ်စလင်မိသာစုများအား စစ်ပွဲ ဆင်နွှဲနေသည်” ဟုလည်း သွေးထိုး လှုံ့ဆော်ထားသည်။ ထိုဖြစ်ရပ် ဖြစ်ပွားပြီးနောက် ပြင်သစ်ရှိ စာသင်ကျောင်းများတွင် လုံခြုံရေးများ တိုးမြှင့်ခဲ့သည်။

အီရတ်အား အမေရိကန်ဦးဆောင်သည့် ကျူးကျော်စစ်၏ ရလဒ်အဖြစ် ထွက်ပေါ်လာခဲ့သော IS အကြမ်းဖက်အဖွဲ့က အစ္စလာမ်၏ အမည်နာမကို အလွဲသုံးစားလုပ်ကာ အကြမ်းဖက်မှုများ ပြုလုပ်ခြင်းကို ကမ္ဘာတစ်ဝှမ်းရှိ မွတ်စလင်များက ပြင်းပြင်းထန်ထန် ဆန့်ကျင်ရှုတ်ချခဲ့ပြီး ၎င်းတို့အဖွဲ့အား “အစ္စလာမ့်ရန်သူ” အဖြစ် သတ်မှတ်ခဲ့သည်။ ထို့ပြင် မွတ်စလင်လူငယ်များ IS ၏ သွေးဆောင်ဖျားယောင်းမှုအတွင်းသို့ မကျရောက်စေရေးအတွက်လည်း အစွမ်းကုန် ဆောင်ရွက်နေကြသည်။

Ref: Aljazeera