လာလီဂါအပြောင်းအရွှေ့ အရှုပ်တော်ပုံကို ဘလတ္တာထုတ်ဖော်

ဒီဇင်ဘာ ၁၆၊ ၂၀၁၅
M-Media

– ဘာစီလိုနာကဲ့သို့ပင် ရီးယဲလ်နှင့် အက်သလက်တီကိုမက်ဒရစ် အသင်းများမှာလည်း အပြောင်းအရွှေ့ မသမာမှုများကြောင့် စုံစမ်းစစ်ဆေးမှုများကို ခံနေရသည်ဟု ရာထူးမှ ရပ်ဆိုင်းခံထားရသည့် ဖီဖာဥက္ကဌ ဆပ်ဘလတ္တာက ပြောကြားလိုက်သည်။

ချန်ပီယံလိဂ်ချန်ပီယံ ဘာစီလိုနာမှာ အသက် ၁၈ နှစ်အောက် ကစားသမားများ ခေါ်ယူမှုတွင် အပြောင်းအရွှေ့ စည်းမျဉ်းစည်းကမ်းများကို ဖောက်ဖျက်ခဲ့သည့်အတွက် ကစားသမားသစ်များ ခေါ်ယူမှုကို ၂ နှစ် ပိတ်ပင်ခြင်း ခံထားရသည်။ ဘလတ္တာကမူ ရီးယဲလ်နှင့် အက်သလက်တီကိုတို့မှာလည်း အပြစ်ရှိကြောင်း တွေ့ရပါက ထိုကဲ့သို့ အပြစ်မျိုးပေးရန် ဆော်သြခဲ့သည်။

“ဖီဖာရဲ့ စည်းကမ်းထိန်းသိမ်းရေးကော်မတီဟာ ရီးယဲလ်မက်ဒရစ်နဲ့ အက်သလက်တီကိုမက်ဒရစ် အသင်းတွေကိုလည်း ဘာစီလိုနာကျူးလွန်ခဲ့တဲ့ စည်းမျဉ်းဥပဒေ ချိုးဖောက်မှုနဲ့ပဲ စုံစမ်းစစ်ဆေးမှုတွေ ပြုလုပ်ခဲ့ပါတယ်။ အဲဒီစုံစမ်းစစ်ဆေးမှု ပိတ်သွားပြီဆိုတာ ကျွန်တော်သိပါတယ်။ ပြစ်ဒဏ်က ဘာလဲဆိုတာကိုတော့ ကျွန်တော်မသိပါဘူး။ ဘာ့ကြောင့်လဲဆိုတော့ သူတို့ဟာ လွတ်လပ်တဲ့ကော်မတီဖြစ်ပြီး အခုအချိန်မှာ ကျွန်တော်က တာဝန်ရပ်ဆိုင်းခံထားရတာကြောင့် ဖီဖာထဲကို ၀င်လို့မရလို့ပါ” ဟု ဘလတ္တာက Mundo Deportivo သို့ ပြောကြားခဲ့သည်။

“တကယ်လို့ ဖီဖာရဲ့ စည်းမျဉ်းစည်းကမ်းတွေကို ချိုးဖောက်လို့ ဘာစီလိုနာက အပြစ်ဒဏ်ပေးခံရရင်၊ ဒီလိုမသမာမှုကျူးလွန်တဲ့ မက်ဒရစ်ကလပ်နှစ်သင်းကလည်း ဒီလိုပြစ်ဒဏ်မျိုးပဲ ခံရသင့်ပါတယ်”

Ref: Goal