မြန်မာဆိပ်ကမ်းများတွင် ကွန်ပျူတာသုံး အချက်အလက်ထည့်သွင်းမှု စနစ်ကို Hitachi က ဆောင်ရွက်ပေးသွားမည်

ဒီဇင်ဘာ ၁၆၊ ၂၀၁၅
M-Media

– မြန်မာနိုင်ငံအတွင်း ဆိပ်ကမ်းများတွင် စာရွက်အသုံးပြု စာရင်းမှတ်မှုများအား ကွန်ပြုတာအသုံးပြုစနစ် ဖြစ်လာစေရန်အတွက် မိမိတို့က ဆောင်ရွက်ပေးသွားမည်ဟု Hitachi ကုမ္ပဏီ အမှုဆောင်အကြီးအကဲ ကိုင်ချီရို ဆာကူမာက ယမန်နေ့တွင် ပြောကြားလိုက်သည်။

မြန်မာနိုင်ငံရှိ ဆိပ်ကမ်းများ၌ သင်္ဘောအ၀င်အထွက်၊ ကုန်ပစ္စည်းအတင်အချများ ဆောင်ရွက်ရာတွင် ယခုအချိန်အထိ စာရွက်မှတ်တမ်းများကိုသာ မှီခိုနေရသည်။

အဆိုပါ ရှေးဟောင်းစနစ်ကို Hitachi က အီလက်ထရောနစ် အချက်အလက်ဖလှယ်စနစ် EDI ဖြင့် အစားထိုးမည်ဖြစ်ပြီး ထိုစနစ်တွင် စီးပွားရေဆိုင်ရာအချက်အလက်များကို စံပုံစံဖြင့် ကွန်ပျူတာတစ်ခုမှ တစ်ခုသို့ ပို့ဆောင်ရွှေ့ပြောင်းခြင်းလည်း ပါဝင်မည်ဖြစ်သည်။

မြန်မာအစိုးရနှင့် ပူးပေါင်းဆောင်ရွက်မှုများ ပြုလုပ်နေသည့် ဂျပန် နိုင်ငံတကာ ပူးပေါင်းဆောင်ရွက်ရေး အေဂျင်စီ JICA က ထိုသို့ စနစ်ပြောင်းရန်အတွက် Hitachi ကို သြဂုတ်လကတည်းက လုပ်ပိုင်ခွင့်ပေးခဲ့ခြင်းဖြစ်သည်။

လက်ရှိအချိန်တွင် Hitachi က အဖွဲ့ဝင် ၁၀ ဦးပါဝင်သော အဖွဲ့တစ်ခုကို ဖွဲ့စည်းကာ ပထမအဆင့်ကို ဆောင်ရွက်သွားရန် ရှိနေပြီး ၂၀၁၇ ခုနှစ် မတ်လတွင် ကွန်ပျူတာသုံး စနစ်သစ်အား သုံးစွဲသွားနိုင်ရန် ရည်ရွယ်ထားသည်ဟု မစ္စတာ ဆာကူမာက ပြောကြားခဲ့သည်။

အဆိုပါ EDI စနစ်မှာ မြန်မာဆိပ်ကမ်းများကို ကုန်တင်သင်္ဘောများ ၀င်ထွက်သွားလာမှုအတွက် ကြာချိန်ကို လျော့ချနိုင်မည်ဖြစ်ပြီး လက်ခံစာရွက်ထုတ်ပေးခြင်း၊ စာရင်းအင်းပိုင်းနှင့် ဆိပ်ကမ်း စီမံဆောင်ရွက်မှုများတွင် ယခုထက် ပိုမိုလွယ်ကူမည်ဖြစ်သည်။

ရန်ကုန်ရှိ ဆိပ်ကမ်းများသို့ ကုန်တင်သင်္ဘောများ ဆိုက်ရောက်မှုမှာ လွန်ခဲ့သည့် ၁၀ နှစ်တာ ကာလအတွင်း ၂ ဆမြင့်တက်လာခဲ့ပြီး၊ ကုန်ပစ္စည်များ၊ ကွန်တိန်နာများ ၀င်ရောက်မှုမှာလည်း ၂ ဆကျော် မြင့်တက်လာခဲ့သည်။

မြန်မာ့ဆိပ်ကမ်း အာဏာပိုင်များကမူ ဆိပ်ကမ်းအုပ်ချုပ်ရေး၊ ကုန်တင်သင်္ဘောကုမ္ပဏီများနှင့် ပုဂ္ဂလိကလုပ်ငန်းများအားလုံး အဆိုပါ EDI စနစ်ကို အသုံးပြုရန် ရည်ရွယ်ထားသည်။

Ref: mmtimes