ကနေဒါ ခရစ်ယာန်သင်းအုပ်ဆရာအား မြောက်ကိုရီးယားက ထောင်ဒဏ် တစ်သက်တစ်ကျွန်း ချမှတ်

ဒီဇင်ဘာ ၁၇၊ ၂၀၁၅
M-Media

– မြောက်ကိုးရီးယားတွင် ၁၀ လ ခန့် ချုပ်နှောင်ထိန်းသိမ်းခံထားရသည့် ကနေဒါ ခရစ်ယာန်သင်းအုပ်ဆရာကို “အစိုးရအား ဖြုတ်ချရန် ကြံစည်မှု” ဖြင့် ထောင်ဒဏ် တစ်သက်တစ်ကျွန်း ချမှတ်ခဲ့သည်ဟု သိရသည်။

တောင်ကိုရီးယားနွယ်ဖွား ဘုန်းတော်ကြီး ဟွန်ဆူလင်မ် ဖြစ်ပြီး အစိုးရဆန့်ကျင်ရေး လှုပ်ရှားမှုများနှင့် မဟုတ်မမှန်ဝါဒဖြန့်မှုများ လုပ်ဆောင်ခဲ့သည့်အတွက် အပြစ်ရှိသည်ဟု သတ်မှတ်ခဲ့ခြင်းဖြစ်ကြောင်း တရုတ်အစိုးရ သတင်းဌာန Xinhua က ဖော်ပြခဲ့သည်။

“တရားရုံးချုပ်က ဟွန်ဆူလင်မ်ဟာ အမေရိကန်နဲ့ တောင်ကိုးရီးယားရှိ လူ့အခွင့်အရေးလှုပ်ရှားသူများနဲ့ ဆက်သွယ်ခဲ့ပြီး နိုင်ငံ့ပုံရိပ်ကျဆင်းစေသည့် မဟုတ်မတရားဝါဒဖြန့်မှုများ ပြုလုပ်မှုဖြင့် အပြစ်ရှိကြောင်း တွေ့ရှိခဲ့ရသောကြာင့်” အလုပ်နှင့် ထောင်ဒဏ် တစ်သက်တစ်ကျွန်း ချမှတ်ခဲ့ခြင်းဖြစ်သည်ဟု ဆိုသည်။

အသက် ၆၀ အရွယ် လင်မ်မှာ အသင်းဝင် ၃၀၀၀ ခန့်ရှိသော တိုရွန်တိုရှိ Light Korean Presbyterian ခရစ်ယာန်အသင်းတော်မှ တာဝန်ရှိသူတစ်ဦးဖြစ်ပြီး ၁၉၈၆ တွင် တောင်ကိုးရီးယားမှ ကနေဒါသို့ ပြောင်းရွှေ့နေထိုင်ခဲ့ခြင်းဖြစ်သည်။

၎င်းသည် ဇန်န၀ါရီ ၃၀ တွင် လူသားချင်းစာနာထောက်ထားမှုဆိုင်ရာ ခရီးစဉ်အဖြစ် တရုတ်နိုင်ငံမှ မြောက်ကိုးရီးယားသို့ ခရီးထွက်ခဲ့သည်ဟု ၎င်းမိသားစု၏ ပြောရေးဆိုခွင့်ရှိသူ အမျိုးသမီးတစ်ဦးက ပြောကြားခဲ့သည်။ မြောက်ကိုရီးယားအစိုးရက ၎င်းအား ဖေဖော်ဝါရီလတွင် ထိန်းသိမ်းခဲ့ခြင်းဖြစ်သည်။

ဟွန်ဆူလင်မ်မှာ မြောက်ကိုးရီးယားသို့ အကြိမ် ၁၀၀ မက သွားရောက်ခဲ့ပြီးဖြစ်သည်ဟု ၎င်းမိသားစုက ဆိုသည်။

ယခုခရီးစဉ်၌ နိုင်ငံအရှေ့မြောက်ပိုင်း ရာဂျင်မြို့တွင် ၎င်းတည်ထောင်ထားသည့် ခရစ်ယာန်ဘုရားကျောင်းမှတစ်ဆင့် အကူအညီပေးရေး စီးမံကိန်းများကို ဆောင်ရွက်ရန် စီစဉ်ခဲ့ခြင်းဖြစ်သည်။ အဆိုပါ ဘုရားကျောင်းနှင့်အတူ မိဘမဲ့ဂေဟာတစ်ခု၊ မူကြိုတစ်ခုနှင့် သက်ကြီးစောင့်ရှောက်ရေးစင်တာတစ်ခုတို့ကို ၎င်းက ဖွင့်လှစ်ထားသည်။

Ref: CNN