တရုတ်က သတိပေးသော်လည်း တောင်တရုတ်ပင်လယ်တွင် ထောက်လှမ်းရေးပျံသန်းမှုများ သြဇီဆက်လုပ်မည်

ဒီဇင်ဘာ ၁၈၊ ၂၀၁၅
M-Media

– တရုတ်နှင့် အိမ်နီးချင်းနိုင်ငံအချို့ကြား ပိုင်နက်အငြင်းပွားမှုများ ရှိနေသည့် တောင်တရုတ်ပင်လယ်တွင် ထောက်လှမ်းရေးယာဉ်များ ပျံသန်းခြင်အား ရုတ်သိမ်းပေးရန် တရုတ်၏ဖိအားပေးမှုကို လိုက်လျောမည်မဟုတ်ဟု သြစတေးလျကာကွယ်ရေးဝန်ကြီး မာရိုက်စ် ပေနီက ယမန်နေ့တွင် ပြောကြားလိုက်သည်။

နှစ်စဉ်သင်္ဘောကုန်သွယ်မှုတန်ဖိုး ကန်ဒေါ်လာ ငါးထရီလီယံကျော်ရှိသော တောင်တရုတ်ပင်လယ်မှ နေရာအများစုကို တရုတ်က ၎င်းတို့ပိုင်ဆိုင်ကြောင်း ကြေငြာထားပြီး ဗီယက်နမ်၊ မလေးရှား၊ ဘရူးနိုင်း၊ ဖိလစ်ပိုင်နှင့် ထိုင်ဝမ်တို့သည်လည်း တောင်တရုတ်ပင်လယ်၏ အစိတ်အပိုင်းအချို့ကို တောင်းဆိုထားမှုများ ရှိနေသည်။

ဂြိုဟ်တုဓာတ်ပုံများအရ တရုတ်သည် အဆိုပါပိုင်နက်များအနက်မှ တစ်ခုတွင် မီတာ ၃၀၀၀ ကျော် ရှည်လျားသည့် လေယာဉ်ပြေးလမ်းတစ်ခု အပါအ၀င် စပရက်တလေကျွန်းများရှိ သန္တာကျောက်တန်းများအပေါ်တွင် လူလုပ်ကျွန်းပေါင်း ခုနှစ်ခုကိုလည်း တည်ဆောက်လျက်ရှိသည်။

ဤကဲ့သို့လုပ်ဆောင်မှုများက ပိုက်နက်တောင်းဆိုထားသည့် နိုင်ငံများအကြား တင်းမာမှုများကို မီးလောင်ရာလေပင့်သကဲ့သို့ ရှိနေသည်။ အောက်တိုဘာလတွင် အမေရိကန် ပဲ့ထိန်းဒုံးကျည်ဖျက် စစ်သင်္ဘောတစ်စီးမှာ တရုတ်၏လူလုပ်ကျွန်းတစ်ခုအနီး ချဉ်းကပ်လာခြင်းကြောင့် တရုတ်မှ ပြင်းထန်စွာ ပြစ်တင်ပြောဆိုခဲ့သည်။

တရုတ်နိုင်ငံပိုင်သတင်းစာတစ်စောင်ဖြစ်သည့် ဂလိုဘယ်တိုင်းမ်သတင်းစာက အငြင်းပွားနေသည့် နေရာများရှိ လေပိုင်နက်ထဲသို့ သြစတေးလျက ၀င်ရောက်မှုအတွက် သတိပြုရန် ပြောကြားခဲ့ပြီထပ်မံပြုလုပ်မည်ဆိုပါက စစ်ရေးဖြင့် တုန့်ပြန်သွားမည်ဟု သတိပေးခဲ့သည်။

“သြစတေးလျစစ်လေယာဉ်တွေဟာ တောင်တရုတ်ပင်လယ်မှာ ပျံသန်းပြီး ၀င်ရောက်စွက်ဖက်တာမျိုး မလုပ်တာ ပိုကောင်းပါလိမ့်မယ်၊ အထူးသဖြင့် တရုတ်ရဲ့ ကျွန်းစုတွေအနီးကို ကပ်ပြီး ပျံသန်းခြင်းအားဖြင့် တရုတ်နိုင်ငံရဲ့ သည်းခံနိုင်မှုကို မစမ်းသပ်မိဖို့တော့ လိုပါတယ်။ လူတိုင်းက သတိထားစောင့်ကြည့်နေပါတယ်၊ တစ်နေ့ မိုးပေါ်ကပျက်ကျလာမယ့် လေယာဉ်တစ်စီးဟာ သြစတေးလျလေယာဉ် ဖြစ်မယ်ဆိုရင်တော့ ရှက်စရာပါပဲ” ဟု သတင်းစာတွင် ဖော်ပြခဲ့သည်။

Ref : Reuters