တူရကီတွင် လေကြောင်းရန်ကာကွယ်ရေးစနစ် ထားရှိရန် နေတိုးအဖွဲ့ စီစဉ်

ဒီဇင်ဘာ ၁၈၊ ၂၀၁၅
M-Media

– ပြီးခဲ့သည့်လက ရုရှားတိုက်လေယာဉ်တစ်စီးကို နယ်စပ်တွင် ပစ်ချခဲ့ပြီးနောက်ပိုင်း ရုရှားနှင့် စကားလုံးတိုက်ပွဲများ ဖြစ်ပွားနေသည့် တူရကီနိုင်ငံတွင် နေတိုးအဖွဲ့က လေကြောင်းရန်ကာကွယ်ရေးစနစ်များကို ပေးဖို့ထောက်ပံ့ရန် စီစဉ်နေသည်ဟု သိရသည်။

အဆိုပါစနစ်တွင် ကြားဖြတ်ဟန့်တားနိုင်မည့် မြန်နှုန်းမြင့်တိုက်လေယာဉ်များ၊ လေကြောင်းသတိပေးမှုနှင့် ထိန်းချုပ်မှုများ ပြလုပ်နိုင်မည့် ရေဒါသုံးလေယာဉ်များ၊ ထိန်းချုပ်ရေးသင်္ဘောများ၊ သင်္ဘောဖျက်နှင့် လေယာဉ်ပစ် ဒုံးကျည်များ တပ်ဆင်ထားသည့် ဖရီးဂိတ် စစ်သင်္ဘောများ ပါဝင်မည်ဖြစ်သည်။

ထိုကဲ့သို့ ပေးပို့ထောက်ပံ့မှု အစီအစဉ်အတွက် ၁၀ လကြာမျှ ပြင်ဆင်ခဲ့ခြင်းဖြစ်ပြီး ယနေ့တွင် နေတိုးအဖွဲ့က အတည်ပြုမည်ဟု မျှော်လင့်ရသည်။

နေတိုးအဖွဲ့၏ အထွေထွေအတွင်းရေးမှူး ဗိုလ်ချုပ်စတိုလ်တန်ဘာ့ဂ်ကမူ ၎င်းအစီအစဉ်သည် တူရကီက ရုရှားဂျက်လေယာဉ်ကို ပစ်ချခဲ့သည့်ကိစ္စနှင့် မပတ်သက်ဟု ပြောကြားခဲ့သည်။ သို့သော် ခိုင်လုံသောသတင်းများအရ အဆိုပါပစ်ချခဲ့မှုကပင် တူရကီအား အထောက်အပံ့များပေးပို့ရန် ဆုံးဖြတ်ခဲ့သည့် အခြေအနေတစ်ခုဖြစ်သည်ဟု ဆိုသည်။

သုတေသီများက အဆိုပါထောက်ပံ့မှုသည် တူရကီအား ကန့်သတ်ထိန်းချုပ်မှု ပြုလုပ်လိုသည့်အတွက်နှင့် အကာအကွယ်ပေးလိုသည့်အတွက်ပါ ရည်ရွယ်ချက်နှစ်မျိုးဖြစ်နိုင်သည်ဟု ဆိုသည်။

“ဒါဟာ တူရကီကို မဟာမိတ်ဖြစ်လို့ ထောက်ပံ့ပေးတဲ့ ဟန်ပြသဘောမျိုးဖြစ်ပြီး၊ ပိုပြီး စောင့်ကြည့်ဖို့အတွက် ကြိုးစားတာဖြစ်ပါတယ်” ဟု ဥရောပကာကွယ်ရေးအေဂျင်စီ၏ အကြီးအကဲဟောင်း နစ်က် ၀စ်တနီက ပြောကြားခဲ့သည်။

တူရကီက ရုရှားဂျက်လေယာဉ်မှာ တူရကီလေကြောင်းပိုင်းနက်အတွင်းသို့ ၀င်ရောက်လာခဲ့သောကြောင့် ပစ်ချခဲ့ခြင်းဖြစ်သည်ဟု ပြောကြားခဲ့သည်။ ရုရှားကမူ လေယာဉ်သည် ဆီးရီးယားအစိုးရ၏ တောင်းဆိုမှုအရ IS များကို တိုက်ခိုက်ရန်အတွက် စစ်ဆင်ရေးပြုလုပ်နေစဉ် ဆီးရီးယားလေပိုင်နက်တွင်သာ ရှိနေသည်ဟု တုန့်ပြန်ခဲ့ပြီး နှစ်နိုင်ငံ ဆက်ဆံရေးမှာ တင်းမာလျက် ရှိနေသည်။

Ref: PressTV