အကြမ်းဖက်ဝါဒအား အမြစ်ဖြုတ်ရန် ပါကစ္စတန် သန္နိဌာန်ပြု

ဒီဇင်ဘာ ၁၉၊ ၂၀၁၅
M-Media

– ပက်ရ်ှဝါရ် စာသင်ကျောင်းတွင် အစုလိုက်အပြုံ အကြမ်းဖက်သတ်ဖြတ်ခံရမှု နှစ်ပတ်လည်အဖြစ် ဗုဒ္ဓဟူးနေ့က ကျင်းပခဲ့သော အခမ်းအနားတွင် အကြမ်းဖက်ဝါဒအား အမြစ်ပြတ်ချေမှုန်းသွားမည်ဟု ပါကစ္စတန်ဝန်ကြီးချုပ် နာဝဇ်ရှရီးဖ်က ကတိသစ္စာပြုခဲ့သည်။

နိုင်ငံအနောက်မြောက်ပိုင်းရှိ အခင်းဖြစ်ပွားရာ အဆိုပါစစ်တပ်ပိုင်ကျောင်းတွင် ပြုလုပ်ခဲ့သည့် နှစ်ပတ်လည်ပွဲသို့ ၀န်ကြီးချုပ်ရှရီးဖ်သည် လုံခြုံရေးတင်းကြပ်စွာဖြင့် တက်ရောက်ခဲ့သည်။ ထိုနေရာတွင် ၂၀၁၄ ဒီဇင်ဘာ ၁၆ ရက်နေ့၌ ကျောင်းသားအများစုအပါအ၀င် လူအယောက် ၁၅၀ ခန့် ကို တာလီဘန်စစ်သွေးကြွများက ၀င်ရောက်ပစ်သတ်ခဲ့ခြင်း ဖြစ်သည်။

“ပညာရေးနဲ့ ကလေးငယ်တွေရဲ့ ရန်သူတွေကို ချေမှုန်းသွားမှာဖြစ်ပြီး နောက်မျိုးဆက်တွေအတွက် တည်ငြိမ်အေးချမ်းတဲ့ ပါကစ္စတန်နိုင်ငံကို ပေးအပ်သွားမှာဖြစ်ပါတယ်။ ဒီလိုတိုက်ခိုက်မှုဖြစ်ပွားမှုအပြီးမှာ တာလီဘန်တွေနဲ့ ငြိမ်းချမ်းရေးဆွေးနွေးမယ့် ကျနော့်ရဲ့စိတ်ကူးကို အပြီးတိုင် စွန့်လွှတ်လိုက်ပါတယ်။ ပူးဆွေးသောကတွေ၊ ၀မ်းနည်းမှုတွေနဲ့ ကျွန်တော်တို့ ဒီကို ရောက်ရှိလာတာပါ။ သွေးတစ်စက်တိုင်းအတွက် ကျွန်တော်တို့ လက်တုံ့ပြန်မှုတွေ ပြုလုပ်သွားမှာပါ” ဟု ပါကစ္စတန်ဝန်ကြီးချုပ်က ၎င်း၏ မိန့်ခွန်းတွင်
ပြောကြားခဲ့သည်။

“ဒီတိုက်ခိုက်မှုဟာ လူတိုင်းကိုနာကျင်စေတဲ့အတွက် ဂိုဏ်းဂနတွေကွဲနေတဲ့ နိုင်ငံတော်ကို ပြန်လည်စုစည်းစေလိုက်တာ ဖြစ်ပါတယ်”

ပက်ရ်ှဝါမြို့တွင် လုံခြုံရေးတိုးမြှင့်ထားပြီး နိုင်ငံ၏ အခြားဒေသများတွင်လည် အလစ်ဝင်တိုက်ခိုက်မှုများကို အလျင်မီတုံ့ပြန်နိုင်ရန် ကျောင်းများတစ်ဝိုက်တွင် စစ်သားရာပေါင်းများစွာ ဖြန့်ကျက်ထားခဲ့သည်။

အဆိုပါ စာသင်ကျောင်းတိုက်ခိုက်မှု ဖြစ်ပွားပြီးနောက်ပိုင်းတွင် ပါကစ္စတန်မှာ စစ်သွေးကြွများကို စစ်ကြေငြာခဲ့ပြီး အကြမ်းဖက်မှု၊ အခြားသော ဆိုရွားရာဇ၀တ်မှုများအတွက် သေဒဏ်ကျခံနေရသူများကိုလည်း သုတ်သင်ခဲ့သည်။

စစ်ဆင်ရေးတွင် သူပုန် ၃၄၀၀ ခန့်ကို သုတ်သင်နိုင်ခဲ့သည်ဟု စစ်တပ်က ပြောကြားခဲ့သည်။ သို့သော်လည်းသူပုန်များမှာ ပြည်သူများနှင့် စစ်တပ်ကို ပစ်မှတ်ထားတိုက်ခိုက်နိုင်စွမ်း ရှိနေသေးသည်ဟု တာဝန်ရှိသူများက ပြောကြားခဲ့သည်။

Ref: IINA