ဗီယက်နမ်တွင် ဆင်စွယ်နှစ်တန်ကို လက်ရဖမ်းဆီး

ဒီဇင်ဘာ ၁၉၊ ၂၀၁၅
M-Media

– မိုဇမ်ဘတ်နိုင်ငံမှ ဗီယက်နမ်နိုင်ငံအတွင်းသို့ တရားမ၀င်ခိုးသွင်းလာသည့် ဆင်စွယ်နှစ်တန်ကျော်ကို မိမိတို့က ဖမ်းဆီးရမိခဲ့သည်ဟု ဗီယက်နမ်အာဏာပိုင်များက ယမန်နေ့တွင် ပြောကြားခဲ့သည်။

ဆင်စွယ် ၈၃၅ ခု (တန်ချိန် ၂.၂ တန်) ကို ပဲအိတ်များကြားတွင် ရှာဖွေတွေ့ရှိခဲ့ခြင်းဖြစ်ပြီး၊ နိုင်ငံပိုင်သတင်းစာဖြစ်သော Phap Luat Vietnam ကမူ ထိကဲ့သို့တင်ပို့မှုမှာ ဗီယက်နမ်တွင် မှတ်ပုံတင်ထားသည့် ပြည်တွင်းကုမ္ပဏီတစ်ခုကို ပို့ဆောင်ပေးခြင်းဖြစ်သည်ဟု ယူဆရကြောင်း ဖော်ပြထားသည်။

သို့သော်လည်း ထိုကုမ္ပဏီကမူ ဆင်စွယ်များမှာယူမှု မရှိဟု ငြင်းဆိုခဲ့ပြီး မိုဇမ်ဘတ်နိုင်ငံမှ ရောက်ရှိလာသည့် အဆိုပါ ကွန်တိန်နာမှာ ဟိုင်ဖွန်ဆိပ်ကိမ်းသို ပြီးခဲ့သည့် နိုဝင်ဘာလနှောင်းပိုင်းက ရောက်ရှိလာခြင်းဖြစ်သည်ဟု ထည့်သွင်းပြောကြားခဲ့သည်။

ဆင်စွယ်နှင့် ခန္ဓာကိုယ်အစိတ်အပိုင်းများသည် သိပ္ပံနည်းကျ စမ်းသပ်မှုများအရ မည်သည့်ရောဂါမျှ ပျောက်ကင်းနိုင်စွမ်းမရှိဘဲ အာရှတစ်လွှားတွင် ကံကောင်းစေသော အဆောင်အဖြစ်လည်းကောင်း၊ တိုင်းရင်းဆေးများတွင် အသုံးပြုရန်အတွက်လည်းကောင်း တန်ဖိုးကြီးမြင့်စွာပေး၍ ၀ယ်ယူသုံးစွဲလျက် ရှိကြသည်။

ဗီယက်နမ်တွင် ဆင်စွယ်ကုန်သွယ်မှုကို ၁၉၉၂ တွင် တရားမ၀င်ဟု သတ်မှတ်ထားပြီးဖြစ်သော်လည်း ယင်းကာလမတိုင်မီကတည်းက ဆိုင်များတွင် တင်ထားသည့် ဆင်စွယ်များကိုမူ ဆက်လက်ရောင်းချခွင့်ရှိသည်။ နိုင်ငံအတွင်း မှောင်ခိုဈေးကွက်တွင် ဆင်စွယ်တစ်ကီလိုကို ဒေါ်လာ ၂၁၀၀ ထိတန်ကြေးရှိပြီး အရောင်းအ၀ယ်အားကောင်းနေဆဲ ဖြစ်သည်။

အာဖရိကတွင် ၂၀ရာစုအလယ်၌ ဆင်ကောင်ရေ သန်းပေါင်းများစွာရှိရာမှ ၁၉၈၀ အကုန်တွင် ကောင်ရေခြောက်သိန်းခန့်ထိ ထိုးကျသွားသည့်အတွက် နိုင်ငံတကာတွင် ဆင်စွယ်ကုန်သွယ်မှုကို ၁၉၈၉ မှစ၍ တရားမ၀င်အဖြစ် သတ်မှတ်ထားပြီးဖြစ်သည်။

ကွန်မြူနစ်ဗီယက်နမ်နိုင်ငံသည် မျိုးတုံးအန္တရာယ်ရှိသည့် တိရစ္ဆာန်များ ကုန်သွယ်ရာတွင် ကမ္ဘာ့အဆိုးဆုံးနိုင်ငံအဖြစ် စွပ်စွဲခံထားရသည့် နိုင်ငံတစ်ခုဖြစ်သည်။

ဗီယက်နမ်ပြည်သူများကို မျိုးတုံးအန္တရာယ်ရှိသည့်တိရစ္ဆာန်များမှရသော ပစ္စည်းများ အသုံးမပြုရန် စည်းရုံးမှုများစွာ ပြုလုပ်နေသော်လည်း အောင်မြင်မှု မရရှိပေ။ ယခုနှစ်တစ်လျှောက်လုံးတွင် ဗီယက်နမ်ရဲများမှာ တရားမ၀င်တင်ပို့လာသည့် ဆင်စွယ်၊ ကြံ့ချို၊ သင်းခွေချပ်တန်ပေါင်းများစွာကို အများအပြား ဖမ်းဆီးမှုများ ပြုလုပ်ခဲ့သည်။

Ref: Channelnewsasia