ပါလက်စတိုင်းသယံဇာတများအား အစ္စရေးက အမြတ်ထုတ်ခြင်းကို ဟန့်တားသည့် ဆုံးဖြတ်ချက်တစ်ခုကို ကုလ အတည်ပြု

ဒီဇင်ဘာ ၂၅၊ ၂၀၁၅
M-Media

– ပါလက်စတိုင်းရှိ သဘာဝသယံဇာတများမှာ ပါလက်စတိုင်းပြည်သူများသာ အမြဲတမ်းအတွက် သုံးစွဲပိုင်ခွင့် အချုပ်အခြာအာဏာ ရှိသည်ဆိုသော အခွင့်အရေးကို သေချာစေသည့် ဆုံးဖြတ်ချက်တစ်ခုကို ကုသမဂ္ဂ အထွေထွေညီလာခံက အတည်ပြုလိုက်သည်ဟု သိရသည်။

ယခုသီတင်းပတ်အတွင်း အတည်ပြုခဲ့ခြင်းဖြစ်ပြီး ဆုံးဖြတ်ချက်တွင် “အရှေ့ဂျေရုစလင် အပါအ၀င် အစ္စရေးက ပိတ်ဆို့ထားသော နယ်နမိတ်များ၊ ဆီးရီးယားရှိ အစ္စရေးက သိမ်းယူထားသော ဂိုလန်တောင်ကုန်း၊ စသည်တို့မှ ပြည်သူများမှာ ၎င်းတို့နယ်မြေတွင်ရှိသည့် သဘာဝ သယံဇာတများအပေါ် သုံးစွဲပိုင်ခွင့် အချုပ်အခြာရှိသည်” ဟု ဖော်ပြထားသည်။ ထိုဆုံးဖြတ်ချက်အား အဖွဲ့ဝင် ၁၆၄ နိုင်ငံက ထောက်ခံမဲပေးခဲ့ပြီး ၅ နိုင်ငံက ကန့်ကွက်မဲပေးခဲ့ကြသည်။

မြေနှင့် ရေအရင်းအမြစ်များ အပါအ၀င် ပါလက်စတိုင်းတို့သာပိုင်ဆိုင်ပြီး မည်သူ့ကိုမှ လွှဲပြောင်းပေး၍မရသော သဘာဝသယံဇာတအခွင့်အရေးများကို အဆိုပါဆုံးဖြတ်ချက်က ဖြေရှင်းပေးလိုက်ခြင်းဖြစ်ပြီး အစ္စရေးအာဏာပိုင်များက တရားမ၀င်ဆောင်ရွက်မှုများကြောင့် သယံဇာတများ အမြတ်ထုတ်ခံရခြင်း၊ ဆုံးရှုံးခြင်းတို့ မရှိစေရေးအတွက် စီမံခန့်ခွဲမှုများပြုလုပ်ရန် ပါလက်စတိုင်းအာဏာပိုင်များကိုလည်း တာဝန်များ အပ်နှင်းခဲ့သည်။

ထို့ပြင် ပါလက်စတိုင်းပိုင်နက်များရှိ သဘာဝ သယံဇာတများအား အစ္စရေးက အမြတ်ထုတ်ခြင်း၊ ဖျက်ဆီးခြင်း၊ ဆုံးရှုံးစေခြင်း သို့မဟုတ် လျော့ပါးအောင်ပြုလုပ်ခြင်းနှင့် ထိုသယံဇာတများကို အန္တရာယ်ဖြစ်လာအောင် ဆောင်ရွက်ခြင်းတို့ကိုလည်း ရပ်တန့်ရန် ထိုဆုံးဖြတ်ချက်တွင် တောင်းဆိုထားသည်။

ဆုံးဖြတ်ချက်အား အတည်ပြုရေးအတွက် တင်သွင်းသော အကြံပြုချက် အစီရင်ခံစာတွင် အစ္စရေးက ပါလက်စတိုင်းတို့၏ လယ်ယာမြေများ၊ စီးပွားရေးနှင့် သဘာဝပတ်ဝန်းကျင်များအား သိသိသာသာ ဖျက်ဆီးနေမှုများကို ဖော်ပြထားသည်။ ပါလက်စတိုင်း၏ သောက်သုံးရေပိုက်လိုင်းများ၊ ရေဆိုးမြောင်းများ၊ လျှပ်စစ်ဓာတ်အားလိုင်းများကို အစ္စရေးက ဖျက်ဆီးနေခြင်းကိုလည်း အဆိုပါ အစီရင်ခံစာတွင် ဖော်ပြထားပြီး ၂၀၁၄ ခုနှစ်က ဂါဇာအား အစ္စရေးမှ ဗုံးကြဲမှုအတွင်း ထိုကဲ့သို့ အရေးပါသည့် အခြေခံ အဆောက်အဦးများအား ဖျက်ဆီးခဲ့ခြင်းကိုလည်း ထောက်ပြရေးသားထားသည်။

ဆုံးဖြတ်ချက်ကို အတည်ပြုခဲ့သည့်အချိန်တွင် အနောက်ဖက်ကမ်း၊ အရှေ့ဂျေရုစလင်နှင့် ဂိုလန်တောင်ကုန်းများတွင် အစ္စရေးက အခြေချအိမ်ယာ ဆောက်လုပ်မှုများမှာ တရားမ၀င်ဟုလည်း ကုလက ထပ်မံပြောကြားခဲ့သည်။

Ref: Ma’an News