အမေရိကန် စစ်အခြေစိုက်စခန်းအတွက် အိုကီနာဝါပြယ်နယ်က ဂျပန်အစိုးရအား တရားစွဲ

ဒီဇင်ဘာ ၂၆၊ ၂၀၁၅
M-Media

– မဟာဗျူဟာမြောက်သည့် ၎င်းတို့၏ကျွန်းတွင် အမေရိကန်စစ်အခြေစိုက်စခန်းအား ပြန်လည်နေရာချထားခြင်းအပေါ် ဒေသခံများ မကျေနပ်ကြမှုနှင့် ပတ်သက်၍ ဂျပန်နိုင်ငံရှိ အိုကီနာဝါပြည်နယ်က ဗဟိုအစိုးရကို တရားစွဲဆိုလိုက်သည်ဟု သိရသည်။

ပြည်နယ်မြို့တော် နာဟာတွင် ယမန်နေ့က ထိုကဲ့သို့ တရားစွဲဆိုလိုက်ခြင်းဖြစ်ပြီး ဆောက်လုပ်ရေးလုပ်ငန်းများ လုပ်ကိုင်မည့်နေရာဖြစ်သော နာဂိုရှိ ဟီနိုကိုဧရိယာတွင် နယ်မြေခွင့်ပြုလိုက်ခြင်းနှင့်ပက်သက်၍ ဂျပန်အစိုးရ၏ ဆုံးဖြတ်ချက်ကို သုံးသပ်မှုများ ပြုလုပ်ပေးရန် တရားရုံးသို့ ဦးတိုက်လျှောက်ထားခဲ့သည်။

ပြီးခဲ့သည့် အောက်တိုဘာလက အိုကီနာဝါ အုပ်ချုပ်ရေးမှူး တာကီရှီအိုနာဂါသည် အမေရိကန်အခြေစိုက်စခန်းအတွက် အုပ်ချုပ်ရေးမှူးဟောင်းက မြေနေရာချထားပေးမှုမှာ တရားမ၀င်ဟု ပြောကြားခဲ့သည်။ သို့သော်လည်း ဂျပန်အစိုးရနှင့် တရားရုံးတော်က ချေဖျက်ခဲ့ပြီး နိုဝင်ဘာတွင် ဗဟိုအစိုးရမှာ အိုကီနာဝါ ပြည်နယ်အုပ်ချုပ်ရေးအဖွဲ့အား တရားစွဲဆိုမှုပင် ပြုလုပ်ခဲ့သည်။

ယမန်နေ့က ပြုလုပ်သည့် ဗဟိုအစိုးရအား တရားစွဲဆိုမှုတွင် ကျွန်းမြောက်ပိုင်း၌ အမေရိကန်စစ်အခြေစိုက်စခန်း နေရာချထားမှုကို ရပ်တန့်ရေးအတွက် မြေနေရာခွင့်ပြုချက်ကို ရုပ်သိမ်းပေးရန် တောင်းဆိုထားသည်။

ကက်ဘိနတ်အဖွဲ့မှ အတွင်းရေးမှူးဖြစ်သူ ယူရှီဟိုက် ဆူဂါကမူ အဆိုပါ တရားစွဲဆိုမှုမှာ အလွန်နောင်တရဖွယ်ကောင်းသော လုပ်ရပ်ဖြစ်သည်ဟု ဆိုပြီး မူလခွင့်ပြုချက်မှာ တရားဝင်ကာ ဆောက်လုပ်ရေးလုပ်ငန်းများကို စတင်ဆောင်ရွက်ရန် ခွင့်ပြုထားပြီးဖြစ်သည်ဟု တုံ့ပြန်ဖြေကြားခဲ့သည်။

ဂျပန်ရှိ အမေရိကန်စစ်အခြေစိုက်စခန်းဖြစ်သော MCAS Futenma မှာ အိုကီနာဝါပြည်နယ် ဂီနိုဝမ်မြို့တွင် ရှိနေပြီး ထောင်ပေါင်းများစွာသော အမေရိကန်စစ်သားများ ပါဝင်သည်။ အမေရိကန်နှင့်ချုပ်ဆိုထားသော ၁၉၉၆ သဘောတူညီမှုအရ ဂျပန်အစိုးရမှာ လူနေဧရိယာတွင်တည်ရှိသော Futenma လေတပ်စခန်းကို နေရာရွှေ့ပြောင်း ပေးရမည်ဖြစ်သည်။

ဒေသခံများကမူ အဆိုပါစခန်းကို ကျွန်းပေါ်သို့ ရွှေ့ပြောင်းမည့်အစား အပြီးပိတ်ပစ်ရန် လိုလားနေကြသည်။ အမေရိကန်တပ်သားများ၏ လိင်ပိုင်းဆိုင်ရာ စော်ကားမှုများရှိခဲ့ခြင်းကြောင့် ဒေသခံများမှာ အလွန်အမင်း ဒေါသူပုန်ထနေကြပြီး ပြင်းပြင်းထန်ထန်ဆန္ဒပြမှုများ ဖြစ်ပေါ်ခဲ့သည်။ ကျူးလွန်ခဲ့သည့် အမေရိကန်စစ်သား အများစုမှာ အလွန်နည်းပါးသော အပြစ်ဒဏ်ကိုသာ ခံခဲ့ရပြီး အချို့မှာ လုံးဝအရေးယူမခံခဲ့ရပေ။

Ref: Press TV