ထိပ်ဆုံး ၂ သင်းစလုံးရှုံး၊ မန်ယူ အရှုံးမှတ်တမ်းတစ်ခု ထပ်ရခဲ့ပြီး၊ နည်းပြသစ်နဲ့ချယ်ဆီး သရေသာရခဲ့တဲ့ ပရီးမီးယားလိဂ် ပွဲစဉ် ၁၈

ဒီဇင်ဘာ ၂၇၊ ၂၀၁၅
M-Media

– ဒီဇင်ဘာ ၂၆ ရက် Boxing Day မှာ ကစားခဲ့တဲ့ ပရီးမီးယားလိဂ် ပွဲစဉ် ၁၈ မှာ ထိပ်ဆုံး ၂ သင်းစလုံး ရှုံးနိမ့်ခဲ့ရပြီး နည်းပြသစ်နဲ့ ပွဲထွက်တဲ့ ချယ်ဆီးက သရေသာ ရခဲ့ပါတယ်။ မန်ယူကတော့ နောက်ဆုံး ၆ ပွဲမှာ စတုတ္ထမြောက်အရှုံးကို ထပ်မံမြည်းစမ်းလိုက်ရပါတယ်။

အန်ဖီးလ်က လီဗာပူးလ်နဲ့ လက်စတာတို့ပွဲမှာတော့ အိမ်ရှင်တို့ အကောင်းဆုံး ခြေစွမ်းပြနိုင်ခဲ့ပြီး ၆၃ မိနစ် ဘန်တီကီရဲ့ဂိုးနဲ့ ၄ ပွဲဆက်တိုက် နိုင်ပွဲပျောက်မှုကို အဆုံးသတ်လိုက်နိုင်ပါတယ်။ တန်ပြန်တိုက်စစ်ကိုအားပြုတဲ့ လက်စတာ ပွဲပြီးကာနီးမှာ လီဗာပူးလ်ကို ဖိအားပေးနိုင်ခဲ့ပေမယ့် လိုအပ်နေတဲ့အနိုင်ဂိုးတော့ မရခဲ့ပါဘူး။ လီဗာပူးလ်ဟာ ဒီနှစ်မှာ လက်စတာနဲ့တွေ့ရင် ဂိုးမပေးရတဲ့ ပထမဆုံး အသင်းကြီးတစ်သင်းလည်း ဖြစ်ခဲ့ပါတယ်။ လက်စတာကတော့ ပွဲတိုင်း ဂိုးသွင်းနိုင်တဲ့စံချိန် ရပ်တန့်သွားခဲ့ပါတယ်။

ပြီးခဲ့တဲ့တစ်ပတ်မှာ မန်စီးတီးကို အနိုင်ကစားပြီး ပရီးမီးယားလိဂ်ဖလားကို ရယူနိုင်စွမ်းရှိတဲ့အသင်းအဖြစ် ရေးပန်းစားခဲ့တဲ့ အာဆင်နယ်ကတော့ ဆောက်သက်တမ်ကို မရှုမလှ အရေးနိမ့်ခဲ့ပါတယ်။ အသင်းကြီးတစ်သင်းရဲ့ ခြေစွမ်းမျိုး မပြသနိုင်ခဲ့တဲ့ အာဆင်နယ်အတွက် အရှုံးဟာ ထိုက်တန်ခဲ့ပြီး ဆောက်သက်တမ်ကတော့ နောက်ဆုံး ၅ ပွဲမှာ နိုင်ပွဲမရှိမှု မှတ်တမ်းကနေ ရုန်းထွက်နိုင်ခဲ့ပါတယ်။

ဖိအားဒဏ်ခံနေရတဲ့ဗန်ဂါးလ်ကလည်း အပြောင်းအလဲမလုပ်နိုင်ခဲ့ဘဲ စတုတ်ကို အဝေးကွင်းမှာ ၂ ဂိုး ပြတ်နဲ့ လွယ်လွယ်ကူကူပဲ အရှုံးပေးခဲ့ရပါတယ်။ ဒီပွဲအရှုံးဟာ ၁၉၆၁ ခုနှစ်နောက်ပိုင်း ပထမဆုံးအကြိမ် မန်ယူရဲ့ ပရီးမီးယားလိဂ် လေးပွဲဆက်တိုက်အရှုံး ဖြစ်ခဲ့ပါတယ်။ စတုတ်အတွက် ဂိုးတွေကိုတော့ ၁၉ မိနစ်မှာ ဘိုဂျန်နဲ့ ၂၆ မိနစ်မှာ အာရ်နူတိုဗစ်တို့က သွင်းယူပေးခဲ့တာပါ။

ယာယီနည်းပြ ဟစ်ဒင့်နဲ့ ပထမဆုံးပွဲထွက်လာတဲ့ချယ်ဆီး အော်စကာရဲ့ မိနစ် ၈၀ ပင်နယ်တီလွဲချော်မှုနဲ့အတူ သရေနဲ့သာ ကျေနပ်ခဲ့ရပါတယ်။ ၃၂ မိနစ်မှာ အိမ်ရှင်တို့အတွက် ဒီယေဂိုကော်စတာက ဦးဆောင်ဂိုးသွင်းခဲ့ပေမယ့် နောက်ပိုင်းမှာ ၀က်ဖို့ဒ်ရဲ့ ဖိအားပေးခြင်းကို ခံခဲ့ရပြီး ချေပဂိုးနဲ့ အနိုင်ဂိုးတွေ ပြန်ပေးလိုက်ရပါတယ်။ ချယ်ဆီးအတွက် ဒုတိယချေပဂိုးကိုတော့ ၆၅ မိနစ်မှာ ကော်စတာကပဲ သွင်းပေးခဲ့တာဖြစ်ပါတယ်။

မန်စီးတီးကတော့ အမှားအယွင်းမရှိခဲ့ဘဲ တန်းဆင်းဇုန်က ဆန်းဒါးလန်းကို စတာလင်၊ တိုးယေး၊ ဘိုနီ၊ ဒီဘရူနီတို့ရဲ့ဂိုးတွေရဲ့ အနိုင်ယူပြီး ထိပ်ဆုံး ၂ သင်းနဲ့ အမှတ်ကွာဟမှုကို ကျဉ်းမြောင်းအောင် လုပ်နိုင်ခဲ့ပါတယ်။ အဆင့် ၄ မျှော်မှန်းနေတဲ့စပါးကလည်း မန်ယူရဲ့ ခြေချော်မှုကို အခွင့်အရေးယူနိုင်ခဲ့ပါတယ်။

ဒီတစ်ပတ် ပရီးမီးယားလိဂ်ပွဲ ရလဒ်များကတော့ အောက်ပါအတိုင်း ဖြစ်ပါတယ်။

စတုတ် ၂-၀ မန်ယူ
ဘုန်းမောက် ၀-၀ ခရစ္စတယ်ပဲလေ့စ်
လီဗာပူးလ် ၁-၀ လက်စတာ
စပါး ၃-၀ နော်ဝစ်ခ်ျ
မန်စီးတီး ၄-၁ ဆန်းဒါးလန်း
ချယ်ဆီး ၂-၂ ၀က်ဖို့ဒ်
ဆွမ်ဆီး ၁-၀ ၀က်စ်ဘရွန်း
အက်စတွန်ဗီလာ ၁-၁ ၀က်စ်ဟမ်း
နယူးကာဆယ် ၀-၁ အဲဗာတန်
ဆောက်သက်တမ် ၄-၀ အာဆင်နယ်