အစ္စလာမ်ကမ္ဘာရှိ ပြဿနာများကို ဖြေရှင်းရန် မွတ်စလင်များ ညီညွတ်ရမည်ဟု အီရန်သမ္မတပြော

ဒီဇင်ဘာ ၂၈၊ ၂၀၁၅
M-Media

– အစ္စလာမ်ကမ္ဘာမှာ လက်ရှိအချိန်တွင် အရေးပါသည့် အချိုးအကွေ့သို့ ရောက်ရှိနေပြီး မွတ်စလင်နိုင်ငံများအနေဖြင့် ရန်သူများ၏ လှည့်ကွက်များအား တန်ပြန်တိုက်ဖျက်ရေးအတွက် စည်းလုံးညီညွတ်မှုကို တည်ဆောက်ရန် အီရန်သမ္မတ ဟာဆန် ရူဟာနီက တိုက်တွန်းပြောကြားလိုက်သည်။

ယမန်နေ့က တီဟီရန်တွင်ပြုလုပ်သည့် ၂၉ ကြိမ်မြောက် အစ္စလာမ့်ညီညွတ်ရေးညီလာခံ၌ ပြောကြားသော မိန့်ခွန်းတွင် ထိုကဲ့သို့ သတိပေး တိုက်တွန်းခဲ့ခြင်းဖြစ်ပြီး အစ္စလာမ်သာသနာအား အကြမ်းဖက်သာသနာအဖြစ် ပုံဖော်ရန်အတွက် နိုင်ငံကြီးများမှာ အကောင်းဆုံး လုပ်ဆောင်နေကြသည်ဟု ထည့်သွင်းပြောကြားခဲ့သည်။

ထို့ပြင် အစ္စလာမ်အား ပုံဖျက်ရန် ရည်ရွယ်သော ကြိုးပမ်းမှုများအားလုံးကို ရှောင်ရှားရန်အတွက် မွတ်စလင်များမှာ လိုအပ်သော ဆောင်ရွက်မှုများကို ပြုလုပ်ရမည်ဟုလည်း အီရန်သမ္မတက တိုက်တွန်းပြောကြားခဲ့သည်။ ထိုလှည့်ကွက်များအား ရင်ဆိုင်ရာတွင် “မွတ်စလင်များမှာ စုစည်းညီညွတ်စွာ လက်တွဲ၍ မှန်ကန်သည့်လမ်းကြောင်းကို ရွေးချယ်ရန်မှတစ်ပါး အခြားရွေးချယ်စရာမရှိ” ဟု လည်း ထည့်သွင်းပြောဆိုခဲ့သည်။

လက်ရှိဖြစ်ပွားနေသော တိုက်ခိုက်မှုများ၊ အကြမ်းဖက်လုပ်ရပ်များနှင့် အစုလိုက်အပြုံလိုက် သတ်ဖြတ်မှုများမှာ မြောက်အာဖရိက၊ အရှေ့အလယ်ပိုင်းနှင့် အနောက်အာရှတို့ဖြစ်သော မွတ်စလင်ကမ္ဘာတွင် ဖြစ်ပွားနေခြင်းဖြစ်ပြီး ထိုလုပ်ရပ်များကို မဖြစ်မနေ ရပ်တန့်ရမည်ဟု ၎င်းက ထည့်သွင်းပြောကြားခဲ့သည်။

IS အကြမ်းဖက်အဖွဲ့၏ လူသစ်များ စုဆောင်းနိုင်ခြင်းမှာ ယဉ်ကျေးမှုနှင့် စီးပွားရေး နုံချာနိမ့်ကျမှုကြောင့်ဖြစ်သည်ဟု ရူဟာနီက ဆိုပြီး မိမိတို့လူ့အဖွဲ့အစည်းအတွင်း ထိုကဲ့သို့ နုံချာနိမ့်ကျမှုကို အမြစ်ဖြတ် ဖယ်ရှားသွားရမည်ဟုလည်း ပြောကြားခဲ့သည်။

အကြမ်းဖက်ဝါဒအား တိုက်ဖျက်ရေးနှင့်ပတ်သက်၍လည်း ၎င်းက ဗုံးများ၊ စစ်လက်နက်ပစ္စည်းများက ထိုဝါဒကို တိုက်ဖျက်နိုင်ခြင်းမရှိဟုဆိုသည်။ မွတ်စလင်နိုင်ငံများ၏ အဓိကတာဝန်မှာ ကမ္ဘာ့မျက်နှာစာတွင် အစ္စလာမ်၏ ပုံရိပ်ကို ပြန်လည်ကောင်းမွန်အောင် ဆောင်ရွက်ရန်ဖြစ်သည်ဟုလည်း ရူဟာနီက မီးမောင်းထိုးပြခဲ့သည်။

ထို့ပြင် မိမိတို့နိုင်ငံနှင့် ကမ္ဘာ့အင်အားကြီးနိုင်ငံများကြား ရှိခဲ့သည့် ပြဿနာတစ်ခုကို အသိဥာဏ်ပညာနှင့် ဆွေးနွေးညှိနှိုင်းမှုတို့မှတစ်ဆင့် အီရန်က ပြေလည်အောင် ဖြေရှင်းနိုင်ခဲ့သည်ဟု ၎င်းက ထည့်သွင်းပြောကြားခဲ့သည်။

“အရှုပ်ထွေးဆုံး နိုင်ငံတကာနိုင်ငံရေးပြဿနာကို ဆွေးနွေးပွဲမှာ ပါဝင်သူအားလုံး၊ ဒေသတွင်းနဲ့ ကမ္ဘာကြီးအတွက် အကျိုးမယုတ်စေတဲ့ အဖြေတစ်ခုရအောင် ကျွန်တော်တို့ စီမံဆောင်ရွက်နိုင်ခဲ့ပါတယ်” ဟု အီရန်နျူအရေးပြဿနာ ဆွေးနွေးမှုကို ရည်ညွှန်း၍ ရူဟာနီက ထပ်လောင်းပြောကြားခဲ့သည်။

၂၉ ကြိမ်မြောက် အစ္စလာမ့်ညီညွတ်ရေးညီလာခံသို့ နိုင်ငံပေါင်း ၇၀ မှ ထင်ရှားသည့် ဘာသာရေးခေါင်းဆောင်များ၊ ၀န်ကြီးများနှင့် ပညာရှင်များစွာ တက်ရောက်ခဲ့ကြသည်။ မွတ်စလင်ကမ္ဘာတွင် ဖြစ်ပေါ်နေသည့် ကိစ္စရပ်များကို အဓိကထားဆွေးနွေးမည့် အဆိုပါ ညီလာခံမှာ အင်္ဂါနေ့တွင် ပြီးဆုံးမည်ဖြစ်သည်။

Ref: PressTV