လိပ်ကျွန်းစီရင်ချက်အတွက် ဆန္ဒပြမှုများ၏ နောက်ကွယ်မှ ကြိုးကိုင်သူကို ရှာဖွေဖော်ထုတ်ရန် ထိုင်းရဲချုပ် အမိန့်ပေး

ဒီဇင်ဘာ ၂၉၊ ၂၀၁၅
M-Media

– လိပ်ကျွန်းလူသတ်မှု စီရင်ချက်အတွက် လှုံ့ဆော်မှုများရှိနေသော ဆန္ဒပြမှုများ၏ နောက်ကွယ်မှ ကြိုးကိုင်သူများဟု ယူဆရသူများကို ရှာဖွေဖော်ထုတ်ရန်အတွက် ထိုင်းအမျိုးသားရဲတပ်ဖွဲ့အကြီးအကဲ ချက်သစ် ချိုင်ဂျင်ဒါက ယမန်နေ့တွင် နိုင်ငံတစ်ဝှမ်းရှိ ရဲတပ်ဖွဲ့ဝင်များအား အမိန့်ပေးလိုက်သည်။

မြန်မာနိုင်ငံခြားရေး ၀န်ကြီးဌာနကမူ ကျယ်ကျယ်ပြန့်ပြန်ဖြစ်လာသော အဆိုပါဆန္ဒပြမှုများ၏ နောက်ကွယ်တွင် မည်သည့်အဖွဲ့အစည်းမှ ရှိမနေဘဲ၊ ထိုစွပ်စွဲချက်များအတွက် ခိုင်လုံသည့် သက်သေအထောက်အထား မရှိဟုလည်း ဆိုသည်။

ထိုင်းရဲတပ်ဖွဲ့က မြန်မာရွှေ့ပြောင်းလုပ်သားနှစ်ဦးအား သေဒဏ်ချမှတ်မှုနှင့်ပတ်သက်၍ ဖြစ်လာသော ဆန္ဒပြမှုများမှာ အချို့အုပ်စုများက နိုင်ငံရေးရည်ရွယ်ချက်အတွက် အမြတ်ထုတ်ရန် ကြိုစားမှုမှ ထွက်ပေါ်လာခြင်းဖြစ်သည်ဟု ထိုင်းရဲတပ်ဖွဲ့က အခိုင်အမာ ပြောဆိုထားသည်။

ရန်ကုန်မြို့ရှိ ထိုင်းသံရုံးနှင့် ထိုင်းနယ်စပ်အနီး မြန်မာဘက်ခြမ်းတွင် ဆန္ဒပြမှုများမှာ ကြာသာပတေးနေ့ကတည်းက စတင်ဖြစ်ပွားခဲ့ခြင်းဖြစ်သည်။ ယမန်နေ့ကမူ သီရိလင်္ကာနိုင်ငံတွင်ပါ ပြန်နှံ့ခဲ့ပြီး မြန်မာနိုင်ငံမှ ဘုန်းကြီးများမှာ ကိုလံဘိုရှိ ထိုင်းသံရုံးရှေ့တွင် ဆန္ဒပြခဲ့ကြသည်။ ဂျပန်နိုင်ငံတွင်လည်း ထိုကဲ့သို့ ဆန္ဒပြမှု အငယ်စားများ ဖြစ်ပွားခဲ့သည်။

“တရားရုံးရဲ့ ဆုံးဖြတ်ချက်ကို အုပ်စုအချို့က ဆန့်ကျင်ဖို့ ဆောင်ရွက်နေပါတယ်။ ထိုင်းမှာလည်း ရဲတပ်ဖွဲ့က ဒါက တားဆီးနေပါတယ်” ဟု ထိုင်းရဲတပ်ဖွဲ့အကြီးအကဲက ပြောကြားခဲ့သည်။

ထို့ပြင် ထိုင်းနိုင်ငံတွင် ယခင်က မြန်မာနိုငံသားများ၏ လူသတ်မှု ၁၂၆ မှုအတွက် စီရင်မှုများ ပြုလုပ်ခဲ့သော်လည်း ယခုတစ်ခုမှပင် ဆန္ဒပြမှုများ ဖြစ်ပွားနေခြင်းဟု ၎င်းက ထည့်သွင်းပြောကြားခဲ့သည်။ ပြီးခဲ့သည့် တနင်္ဂနွေနေ့က ပြုလုပ်သည့် သတင်းစာရှင်းလင်းပွဲတွင်လည်း အဆိုပါအချက်ကို ရဲတပ်ဖွဲ့၏ ဒုတိယပြောရေးဆိုခွင့်ရှိသူက ထည့်သွင်းပြောကြားခဲ့သည်။

“ဒီလို လှုံ့ဆော်မှုလုပ်တဲ့သူတွေကို ရဲတပ်ဖွဲ့က ရှာဖွေနေပါတယ်။ လုံခြုံရေးနဲ့စက်ဆပ်တဲ့ တပ်ဖွဲ့အားလုံး အထူးသဖြင့် အထူးတပ်ဖွဲ့ကို မြန်မာပြည်သူတွေရဲ့ ဆန္ဒပြမှုနောက်ကွယ်မှာရှိနေတဲ့ အုပ်စုတွေကို ဖော်ထုတ်ဖို့ အမိန့်ပေးထားပါတယ်” ဟု ရဲချုပ် ချက်တစ်ပ်က ပြောကြားခဲ့သည်။ သို့သော်လည်း အဆိုပါ လှုံ့ဆော်သူများမှာ မည်သူမည်ဝါ ဖြစ်သည်ဆိုသည်နှင့် ထိုင်းနိုင်ငံအတွင်း ရှိနေလားဆိုသည်ကို မပြောတတ်သေးဟု ၎င်းက ထပ်လောင်း ပြောကြားခဲ့သည်။

ထိုင်းဝန်ကြီးချုပ် ပရာယွတ် ချန်အိုချာကလည်း ဆန္ဒပြမှုများနှင့်ပတ်သက်၍ ယမန်နေ့က ဒေါသတကြီး ဝေဖန်ခဲ့သည်။

Ref: Bangkokpost