နှစ်ကူးပွဲတွင် အသေခံဗုံးခွဲရန်ကြံစည်သူများကို တူရကီ ဖမ်းဆီး

ဒီဇင်ဘာ ၃၁၊ ၂၀၁၅
M-Media

– မြို့တော်အန်ကာရာတွင် ကျင်းပရန်ရှိနေသည့် နှစ်သစ်ကူးပွဲတော်များ၌ အသေခံဗုံးခွဲရန် ကြံစည်နေသော ISအဖွဲ့ဝင်ဟု ယုံကြည်ရသည့် သံသယရှိသူနှစ်ဦးကို တူရကီရဲတပ်ဖွဲ့က ဖမ်းဆီးထိန်းသိမ်းခဲ့သည်ဟု သိရသည်။

အန်ကာရာမြို့အနီး မားမက်မြို့ရှိ IS အဖွဲ့ဝင်များ ခိုလှုံရာနေရာဟု သံသယရှိသည့် အိမ်တွင် အဆိုပါ လူ ၂ ဦးကို
ဖမ်းဆီးထိန်းသိမ်းနိုင်ခဲ့ခြင်း ဖြစ်သည်။ ဗုံးတစ်လုံးနှင့် ပေါက်ကွဲနိုင်သောကိရိယာကို အတွင်းဘက်၌ တပ်ဆင်ထားသည့် အသေခံဗုံးခွဲဝတ်ရုံတစ်ခုနှင့်အတူ ဗုံးလုပ်သည့်ကိရိယာများကိုလည်း ရဲတပ်ဖွဲ့က သိမ်းဆည်းနိုင်ခဲ့သည်ဟု အန်ကာရာတရားရုံးက သတင်းထုတ်ပြန်ခဲ့သည်။

အောက်တိုဘာလတွင် အသေခံဗုံးခွဲသမားနှစ်ဦးမှာ အန်ကာရာမြို့တော် ဘူတာကြီး၏ အပြင်ဘက်တွင် ငြိမ်းချမ်းရေးအတွက် ချီတက်ဆန္ဒပြသူ လူအုပ်စုအတွင်း ဗုံးဖောက်ခွဲမှု ပြုလုပ်ခဲ့သည်။ အဆိုပါဗုံးခွဲမှုတွင် လူ ၁၀၀ ကျော်သေဆုံးခဲ့ပြီး တူရကီနိုင်ငံ၏ အသေအပျောက်အများဆုံး ဖြစ်ရပ်တစ်ခုလည်း ဖြစ်သည်။ တရားရုံးကမူ ထိုအသေခံဗုံးခွဲမှုမှာ ပြည်တွင်းရှိ IS အဖွဲ့တစ်ခု၏ လုပ်ဆောင်ချက်ဖြစ်ကြောင်း ပြောကြားခဲ့သည်။

ယခုနှစ်အစောပိုင်းတွင်း တူရကီမှာ IS ကို ချေမှုန်းတိုက်ခိုက်နေသည့် အမေရိကန်ဦးဆောင်သည့်စစ်ပွဲများ၌ ပိုမို တက်ကြွစွာ ပါဝင်လှုပ်ရှားရန် သဘောတူညီခဲ့သည်။ ဆီးရီးယားရှိ IS အဖွဲ့အပေါ် လေကြောင်းမှ တိုက်ခိုက်ရန်အတွက် အမေရိကန်လေတပ်စခန်းကို တူရကီက ၎င်းတို့၏မြေတွင် ဖွင့်ခွင့်ပြုထားပြီ တူရကီကိုယ်တိုင်လည်း လေကြောင်းမှ တိုက်ခိုက်မှုအချို့ ပြုလုပ်ခဲ့သည်။

ထို့ပြင် အကြမ်းဖက်သမားများ မ၀င်ရောက်လာရေးအတွက် ဆီးရီယားနယ်စပ်တစ်လျှောက် ကီလိုမီတာ ၉၀၀ ကို
လုံခြုံရေးတင်းကြပ်စွာ ချထားခဲ့သည်။

Source: Agencies