တောင်အမေရိကတွင် နှစ် ၅၀ အတွင်း အဆိုးဝါးဆုံး ရေကြီးမှုဖြစ်

ဒီဇင်ဘာ ၃၁၊ ၂၀၁၅
M-Media

– တောင်အမေရိကတိုက်တွင် နှစ်ပေါင်း ၅၀ အတွင်း အဆိုးဝါးဆုံးသော ရေကြီးမှုများနှင့် ကြုံတွေ့နေရသောကြောင့် လူပေါင်း ၁၆၀၀၀၀ ကျော်ကို ပြောင်းရွှေ့ နေရာချထားပေးထားရသည်ဟု သိရသည်။

ပြီးခဲ့သည့်ရက်ပိုင်းအတွင်း မိုးသည်းထန်စွာရွာသွန်းမှုနှင့် မြစ်ရေလျှံမှုများကြောင့် ထိုကဲ့သို့ ရေကြီးရေလျှံမှုများ ဖြစ်ပွားခဲ့ရခြင်းဖြစ်ပြီး ပါရာဂွေးနိုင်ငံတစ်ခုတည်းတွင်ပင် အနည်းဆုံး လူပေါင်း ၁၄၄၀၀၀ ခန့် ရွှေ့ပြောင်းခဲ့ရသည်။ အာဂျင်တီးနားတွင်မူ လူပေါင်း ၂၀၀၀၀ ခန့် ကယ်ဆယ်ခဲ့ရပြီး ဥရုဂွေးနှင့် ဘရာဇီးလ်တို့တွင်မှု ပြောင်းရွှေ့ပေးခဲ့ရသူ အရေအတွက်မှာ ထောင်ချီ၍ ရှိနေသည်။

အလ်နီညို၏ နောက်ဆက်တွဲကြောင့် ဖြစ်ပေါ်လာသည့် အဆိုပါ ဘေးအန္တရာယ်ကြောင့် စုစုပေါင်း လူ ၈ ဦး သေဆုံးခဲ့ပြီး ပါရာဂွေးတွင် ၆ ဦးနှင့် ဥရုဂွေးတွင် ၂ ဦးတို့ ဖြစ်ကြသည်။ သေဆုံးရသည့် အကြောင်းအရင်းများတွင် သစ်ပင်ပြုတ်ချခြင်းမှ ဓာတ်လိုက်ခြင်းအထိ ပါဝင်သည်။

တောင်အမေရိကန်နိုင်ငံများရှိ အာဏာပိုင်များမှာ အဆိုပါဘေအန္တရာယ်ကို ကျော်လွှားရန် ဆောင်ရွက်နေပြီး ခြင်နှင့် မြွေတို့ကဲ့သို့ သတ္တ၀ါများကြောင့် ပြန်နှံ့သည့် ရောဂါများ၏ ခြိမ်းခြောက်မှုများလည်း ရှိနေသည်။

Ref: Aljazeera