အာဖဂန်မှ တာလီဘန် ဂိုဏ်းခွဲများ အပစ်ရပ်ရေး သဘောတူ

ဇန်န၀ါရီ ၃၊ ၂၀၁၆
M-Media

– အာဖဂန်မှ တာလီဘန်ဂိုဏ်းခွဲများမှာ ၎င်းတို့၏ တိုက်ခိုက်မှုများကို ရပ်တန့်ရန် သဘောတူညီမှု ယူခဲ့ကြောင်း တာဝန်ရှိသူများက ပြောကြားခဲ့ပြီး ခေါင်းဆောင်သစ် မွလ္လာအခ်တာမန်ဆူရ်၏ အခန်းကဏ္ဍနှင့်ပတ်သက်၍ တင်းမာမှုများမှာ ဆက်လက်ရှိနေဆဲဖြစ်သည်။

တာလီဘန်ခေါင်းဆောင်ဟောင်း မွလ္လာအိုမာရ်မှာ လွန်ခဲ့သည့် ၂ နှစ်အရင်က သေဆုံးခဲ့ပြီဟု ဇူလိုင်လက အတည်ပြုနိုင်ခဲ့ပြီးနောက်ပိုင်းတွင် အဖွဲ့၏ ခေါင်းဆောင်ပိုင်းနှင့်ပတ်သက်၍ ဂိုဏ်းခွဲများအကြား အငြင်းပွားမှုများ ဖြစ်ပွားနေခဲ့ခြင်းဖြစ်သည်။ ခေါင်းဆောင်သစ်အဖြစ် ခန့်အပ်ထားသည့် မွလ္လာ အခ်တာရ် မန်ဆူရ်မှာလည်း ဒီဇင်ဘာလအတွင်းက ပစ်ခတ်ခံလိုက်ရသည်ဟု သတင်းများ ထွက်ပေါ်ပြီး နောက်ပိုင်းတွင် ထပ်မံ တွေ့မြင်ရတော့ခြင်း မရှိပေ။

ခေါင်းဆောင်လုပွဲများ ရှိနေသော်ငြားလည်း တာလီဘန်မှာ ပြီးခဲ့သည့် ၂၀၁၅ ခုနှစ်အတွင်း အာဖဂန်တွင် တိုက်ခိုက်မှုမြောက်မြားစွာကို ပြုလုပ်ခဲ့သည်။

သောကြာနေ့က မိမိတို့မှာ အိုလာမာဟု ကြေငြာထားသည့် မွလ္လာ မိုဟာမက် ရဆူလ် အက်ဟွဒ်ခေါင်းဆောင်သည့် အဖွဲ့ခွဲတစ်ခု၏ ကိုယ်စားလှယ်များမှာ မန်ဆူရ် ခေါင်းဆောင်သည့်အဖွဲ့နှင့် လျှို့ဝှက်နေရာတစ်ခုတွင် သွားရောက်တွေ့ဆုံခဲ့ကြောင်း နှစ်ဖက်အဖွဲ့၏ တာဝန်ရှိသူများက ပြောကြားခဲ့သည်။ အဆိုပါ အိုလာမာအဖွဲ့မှာ မန်ဆူရ်အား ခေါင်းဆောင်တင်ထားမှုကို လက်မခံသည့်အဖွဲ့ ဖြစ်သည်။

“အပစ်အခတ်ရပ်စဲရေးနဲ့ အကျဉ်းသားလဲလှယ်ရေးကို ကျွန်တော်တို့ သဘောတူညီခဲ့ပါတယ်၊ သို့သော် အိုလမာတွေကိုတော့ မန်ဆူရ်နဲ့ တွေ့ဆုံခွင့် မပေးပါဘူး”ဟု ရဆူလ်၏ လက်ထောက် မွလ္လာ အဗ္ဗဒူလ်မာနန် နီယာဇီက တယ်လီဖုန်းဖြင့် ပြောကြားခဲ့သည်။

မိမိတို့အဖွဲ့မှာ မန်ဆူရ်၏ လက်ထောက်နှင့်သာ တွေ့ဆုံခွင့်ရခဲ့ပြီး လုံခြုံရေးပြဿနာများကြောင့် မန်ဆူရ်နှင့် တွေ့ဆုံခွင့်မရခဲ့ဟု ထည့်သွင်းပြောကြားခဲ့သည်။

“တခြားလူတွေလိုပဲ ကျွန်တော်တို့လည်း မွလ္လာမန်ဆူးရ် သေပြီလို့ ယုံကြည်နေပါတယ်၊ ဒါကြောင့်မို့လို့လည်း သူ့လက်ထောက် ရှိက် ဟီဘာတွလ္လာက အိုလမာကောင်စီကို သူ့နဲ့ တွေ့ဆုံပေးဖို့ ငြင်းဆိုခဲ့တာ ဖြစ်ပါတယ်” ဟု နီယာဇီက ပြောကြားခဲ့သည်။

Ref: Reuters