မြန်မာ့ဆက်သွယ်ရေးကဏ္ဍနှင့် အနာဂတ်အလားအလာ

ဇန်န၀ါရီ ၃၊ ၂၀၁၆
M-Media

– မြန်မာနိုင်ငံ၏ တယ်လီဖုန်းဆက်သွယ်ရေးကဏ္ဍမှာ တယ်လီနောနှင့် အော်ရီဒူးတို့ကဲ့သို့ ပုဂ္ဂလိက ကုမ္ပဏီများဖြင့် ဖွံ့ဖြိုးတိုးတက်မှု အစဦးပိုင်းအခြေအနေတွင် ရှိနေသည်။ ၂၀၁၄ ခုနှစ် ဖေဖော်ဝါရီလတွင် လုပ်ပိုင်ခွင့်လိုင်စင် ရရှိခဲ့သည့် အဆိုပါ ကုမ္ပဏီများ၏ လုပ်ငန်းလုပ်ကိုင်မှုမှာ ၁၈ လပင် ရှိခဲ့ပြီဖြစ်သည်။

၎င်းတို့မရှိခင်က မြန်မာ့စာတိုက်နှင့် ဆက်သွယ်ရေး MPT က နိုင်ငံတွင် တစ်ခုတည်းသော တယ်လီဖုန်း အော်ပရေတာဖြစ်ပြီး တယ်လီဖုန်းဈေးကွက်အား အကျိုးအမြတ်ရှာဖွေသည့် အရာအဖြစ် အသုံးချခဲ့လေသည်။၂၀၀၆ ခုနှစ်တွင် MPT ဆင်းမ်ကဒ်တစ်ကဒ်၏ မှောင်ခိုဈေးမှာ သိန်း ၄၀ အထိ ရှိခဲ့သည်။

နိုင်ငံခြား အော်ပရေတာနှစ်ခု ၀င်ရောက်လာသည့် အချိန်မှ ဆင်းမ်ကဒ်ဈေနှုန်းမှာ လူတိုင်းတတ်နိုင်သည့် ၁၅၀၀ ကျပ်သို့ ကျဆင်းသွားခဲ့လေသည်။

ထိုအချိန်မှစ၍ အခြေအနေအရပ်ရပ်မှာ တစ်ဖြည်းဖြည်းချင်း တိုးတက်လာခဲ့ပြီး မြန်မာနိုင်ငံ၏ တယ်လီဖုန်း ပြန့်နှံ့မှု ရာခိုင်နှုန်းမှာလည်း ၂၀၁၃ ခုနှစ်တွင် ၁၀ ရာခိုင်နှုန်းရှိရာမှ ၂၀၁၅ ခုနှစ် စက်တင်ဘာလတွင် ၅၁ သန်းရှိသော လူဦး ရေ၏ ၆၀ ရာခိုင်နှုန်းမှာ တယ်လီဖုန်းကို အသုံးပြုနိုင်နေပြီဖြစ်သည်ဟု ဆက်သွယ်ရေးဝန်ကြီးဌာနက ပြောကြားခဲ့သည်။

ယခုအချိန်တွင်တော့ စတုတ္ထမြောက် အော်ပရေတာတစ်ခုမှာ ၀င်ရောက်ရန် တာဆူနေပြီး ၂၀၁၆ ခုနှစ် နှစ်အလယ်ပိုင်းတွင် လုပ်ပိုင်ခွင့်ရရှိသည့် ကုမ္ပဏီကို ကြေငြာသွားမည်ဖြစ်သည်။

၂၀၁၅ ခုနှစ် ဒီဇင်ဘာတွင် ဆက်သွယ်ရေး၊ သတင်းအချကအလက်နှင့် နည်းပညာ ၀န်ကြီးဌာနက ကြေငြာချက်တစ်စောင် ထုတ်ပြန်ခဲ့ပြီး နိုင်ငံအတွင်း စတုတ္ထမြောက် တယ်လီဖုန်းအော်ပရေတာအဖြစ် လုပ်ကိုင်ရန်အတွင် တင်ဒါခေါ်ယူခဲ့သည်။

ယခင်တင်ဒါခေါ်ယူမှုနှင့် မတူညီသည့် အချက်တစ်ခုက လုပ်ပိုင်ခွင့်ရရှိသည့် ကုမ္ပဏီမှာ ပြည်တွင်းမှ ပုဂ္ဂလိက ကုမ္ပဏီတစ်ခု၊ နိုင်ငံခြား ကုမ္ပဏီတစ်ခုတို့နှင့် ပူးတွဲလုပ်ကိုင်ရမည်ဖြစ်သည်။

“စတုတ္ထမြောက် အော်ပရေတာဟာ အနာဂတ်မှာ အောင်မြင်ကောင်းအောင်မြင်နိုင်ပေမယ့် စစချင်းတော့ ဇီးရိုးက စရမှာပါ။ အခြားသော ကုမ္ပဏီတွေနဲ့ယှဉ်ပြိုင်ဖို့အတွက် ဈေးကွက်အလွတ်တွေကို မြန်နိုင်သမျှမြန်အောင် ရှာဖို့လိုပါတယ်” ဟု ဥပဒေရေးရာနှင့် အကြံပေးလုပ်ငန်းဖြစ်သော Polastri Wint & Partners မှ တာဝန်ရှိသူတစ်ဦးဖြစ်သည့် အလက်စီယို ပိုလာစထရီက ပြောကြားခဲ့သည်။

အခြေခံအဆောက်အဦး စိန်ခေါ်မှု

သို့သော်လည်း နောက်ဆုံး ရောက်ရှိလာမည့် အော်ပရေတာအသစ်မှာ လွန်ခဲ့သည့် တစ်နှစ်ခွဲအရင်က ၎င်း၏ အရင် ရောက်ရှိလာခဲ့သူများ ကြုံတွေခဲ့ရသည့် အခြေခံအဆောက်အဦး ပြဿနာဖြင့် ရင်ဆိုင်ရမည်ဖြစ်သည်။

၎င်းက ထိုပြဿနာနှင့် ရင်ဆိုင်နေရချိန်တွင် ရှိပြီးသား အော်ပရေတာများကတော့ မြန်မာနိုင်ငံအလယ်ပိုင်းဒေသများတွင် တာဝါတိုင်များတည်ဆောက်ကာ ဝေးလံခေါင်ဖျားသော ဒေသများတွင် ကွန်ယက်များဖြန့်ကျက်နိုင်ရန် ကြိုးစားနေသည့်အတွက်ကြောင့် အော်ပရေတာအသစ်အနေဖြင့် အဆိုပါ တာဝါတိုင်များကို မျှဝေသုံးစွဲရန်အတွက် ချဉ်းကပ်မှုတစ်မျိုး ပြုလုပ်ရမည့် အခြေအနေ ရှိနေလေသည်။

တယ်လီနောကမူ ၂၀၁၅ ခုနှစ် စက်တင်ဘာ လအထိ တာဝါတိုင်ပေါင်း ၂၈၀၀ ခန့်ကို စိုက်ထူပြီးဖြစ်ပြီး အသုံးပြုသူ ပေါင်း ၁၂ သန်းကို ၀န်ဆာင်မှုပေးနိုင်နေပြီဖြစ်သည်။ ၂၀၁၅ ခု နှစ်ကုန်ပိုင်းတွင်တော့ တာဝါတိုင် ၄၀၀၀ ခန့်ကို စိုက်ထူနိုင်ရန် တယ်လီနောက ရည်ရွယ်ထားလေသည်။

လူဦးရေများပြားသည့် မြို့ပြဒေသများတွင် မိုဘိုင်းဖုန်းအသုံးပြုမှု အဆင်ပြေစေရန်အတွက် ကွန်ယက်ငယ်များဖြင့် ဖြေရှင်းမှုကိုလည်း တယ်လီနောက ဆောင်ရွက်လျက်ရှိပြီး ရန်ကုန်တစ်ဝှမ်းတွင် ကွန်ယက်ငယ် ၂၀ ကျော်ကို ဖန်တီးပေးခဲ့သည်ဟု တယ်လီနောမှ တာဝန်ရှိသူတစ်ဦးက ပြောကြားခဲ့သည်။

အရေးပါသော ကျွမ်းကျင်မှု

ပြီးခဲ့သည့် ၂၀၁၅ ခုနှစ်မှာ အသုံးပြုသူများကို စွဲဆောင်နိုင်ရန်အတွက် အော်ပရေတာများ တစ်ခုနှင့်တစ်ခု အကောင်းဆုံးဝန်ဆောင်မှုကို တတ်နိုင်သလောက် ပေးနိုင်ရန် ပြိုင်ဆိုင်ကြသည့် နှစ်တစ်နှစ် ဖြစ်ခဲ့လေသည်။ ပြည်သူများ၏ သုံးစွဲမှုအရေအတွက်တွင် MPT က ၁၆ သန်း၊ တယ်လီနောက ၁၁ သန်းနှင့် အော်ရီဒူးက ၅ သန်း ရှိခဲ့လေသည်။

အဆိုပါ ဆက်သွယ်ရေးကဏ္ဍတွင် ၀န်ဆောင်မှုပိုမိုပေးနိုင်ခြင်းက အော်ပရေတာများအနေဖြင့် ဈေးကွက်ဝေစုကို ပိုမိုရရှိနိုင်ပြီး ထိန်းသိမ်းထားနိုင်မည်လည်းဖြစ်သည်။

ပိုလာစထရီ၏ အဆိုအရ တယ်လီနောမှာ အကောင်းအဆုံးအော်ပရေတာဖြစ်နေသည်ဟု ဆိုသည်။

“၂၀၁၂ ခုနှစ်ကစလို့ ဆက်သွယ်ရေးနဲ့ ရင်းနှီးတဲ့ လူတော်တော်တော်များများက တယ်လီနောဟာ မြန်မာပြည်မှာ အကောင်းဆုံး အော်ပရေတာလို့ ပြောကြပါတယ်။ ဘာ့ကြောင့်လဲဆိုတော့ ဈေးကွက်အတွင်းမှာ ကျွမ်းကျင်သူတွေ အမြောက်အများ ခန့်အပ်ထားတဲ့အတွက်ကြောင့်ပါ။ ထိုင်းနဲ့ ပါကစ္စတန်မှာ လုပ်ဖူးတာကြောင့် ပြည်သူတွေရဲ့လိုအပ်ချက်နဲ့ ဖြေရှင်းပေးမှုတွေကို သူတို့က နားလည်ပါတယ်” ဟု ပိုလာစထရီက ပြောကြားခဲ့သည်။

သို့သော်လည်း MPT က အခြားသာအော်ပရေတာများထက် တစ်ပန်းသာနေသည်ကို သူကလည်း လက်ခံသဘောတူခဲ့သည်။ တယ်လီနောနှင့် အော်ရီဒူးတို့ထက် ပိုမိုရှည်ကြာစွာ ရှိနေခဲ့ပြီး ပြည်သူများ၏ သဘောသဘာဝနှင့် လိုအပ်ချက်တို့ကို ပိုပြီး ရင်းနှီးပြီးသားဖြစ်ကြောင့် ဈေးကွက်တွင် ပိုမိုအသာရနေလေသည်။

အင်တာနက်နှင့်ဆက်စပ်သည့် အခြားသော စီးပွားရေးများ

အင်တာနက်နှင့် ဆက်စပ်သည့် အခြေခံအဆောက်အဦးများ အားနည်းခြင်းက နိုင်ငံအတွင်း အီလက်ထရောနစ် ကုန်သွယ်မှုဆိုင်ရာ ရင်းနှီးမြှုပ်နှံခြင်း အလားအလာအတွက် ကန့်သတ်ချက် ဖြစ်နေသည်။ ပိုလာစထရီက “မြို့ကြီးတွေထက် မြန်မာနိုင်ငံက အခြားသော အစိတ်အပိုင်းတွေမှာ အင်တာနက်ဟာ အခုအချိန်အထိ သုံးလို့မရသေးပါဘူး။ လူတွေက 3G ကွန်ယက်တော့ ရရှိပေမယ့် ဖိုက်ဘာကွန်နက်ရှင် မရသေးပါဘူး” ဟု ပြောကြားခဲ့သည်။

သို့သော်လည်း အင်တာနက်နှင့် ဆက်စပ်သည့် စီးပွားရေးလုပ်ငန်းများ ဖွံ့ဖြိုးလာမည်ဟု ၎င်းက ယုံကြည်နေလေသည်။

“အင်တာနက်နဲ့ ဖုန်းခေါ်တာ၊ အိမ်ခြံမြေ၀ဘ်ဆိုက်တွေလို အထွေထွေဝန်ဆောင်မှု အက်ပလီကေးရှင်းတွေဟာ အနာဂတ်မှာ ပိုလူကြိုက်များလာပြီး အခြားတိုင်းပြည်တွေလိုပဲ ဖြစ်လာမှာပါ”

ထိုကဲ့သို့ အင်တာနက်အချိုးအကွေ့တွင် မတူညီသော ပုံစံမျိုးဖြင့် အွန်လိုင်းလောကထဲသို့ ၀င်လာခဲ့သော ဈေးကွက်များအတွက် အကျိုးရှိလာမည်ဖြစ်သည်။ ၎င်းတို့ထဲမှ အချို့မှာ work.com.mm၊ shop.com.mm နှင့် jovago.com တို့ ဖြစ်လေသည်။

ထို့ပြင် အင်တာနက်ဖွံ့ဖြိုးလာခြင်းနှင့်အတူ တစ်ဖြည်းဖြည်းဖြင့် လူကြိုက်များလာသည့် carsDB နှင့် iMyamarHouse တို့လည်း ရှိနေလေသည်။

ဟိုတယ်များကို အွန်လိုင်းမှ ဘိုကင်လုပ်နိုင်သည့် ၀ဘ်ဆိုက်ဖြစ်သော Jovago မှ စီအီးအိုဖြစ်သူ ပေါလ် မစ်ဒီက မြန်မာပြည်သူများမှာ ပို၍ပို၍ အင်တာနက် သုံးလာခြင်းကြောင့် နိုင်ငံ၏ အင်တာနက်ကဏ္ဍများ တိုးတက်နေဦးမည်ဟု မှတ်ချက်ပြုခဲ့လေသည်။

“အခုအချိန်မှာ တစ်စိတ်တစ်ပိုင်းအနေနဲ့ စည်းကမ်းသတ်မှတ်ဖို့ ကျန်ရစ်နေတဲ့ အချို့သော ကဏ္ဍတွေကို အစိုးရက လျော်ညီတဲ့ ပေါ်လစီတွေ ချမှတ်အကောင်အထည်ဖော်ဖို့ စတင်ဆောင်ရွက်နေပါတယ်” ဟု ပိုလာစထရီက ထည့်သွင်းပြောကြားခဲ့သည်။

မိုဘိုင်းအသုံပြု၍ ဈေးဝယ်နိုင်၊ ငွေပေးချေနိုင်မှုကဲ့သို့ စနစ်မျိုးအတွက် စည်းမျဉ်းစည်းကမ်းများကို ပြည်သူများကလည်း စိတ်ဝင်တစ်စား စောင့်ကြည့်နေကြလေသည်။

“ဥပဒေ အပြည့်အ၀ထွက်လာဖို့အတွက် ကျွန်တေ်ာတို့ မျှော်လင့်နေပါတယ်။ ရင်းနှီးမြှုပ်နှံသူတွေက တာဆူနေကြတဲ့ အဲဒီလုပ်ငန်းတွေဟာ တရားဝင်ဖြစ်ဖို့က အရမ်းအရေးကြီးပါတယ်။ တကယ်လို့ ဥပဒေက အားနည်းမယ်ဆိုရင် ရင်းနှီးမြှုပ်နှံသူတွေကလည်း ယုံကြည်မှုရှိမှာ မဟုတ်ပါဘူး” ဟု ၎င်းက ထပ်လောင်းပြောကြားခဲ့လေသည်။

Ref: Dealstreetasia