ဆော်ဒီက အီရန်နှင့် သံတမန်အဆက်အသွယ် ဖြတ်တောက်

ဇန်န၀ါရီ ၄၊ ၂၀၁၆
M-Media

– ထိပ်တန်း ရှီအာ ဘာသာရေးပညာရှင်တစ်ဦးကို ဆော်ဒီက ကွပ်မျက်မှု၏ နောက်ဆက်တွဲအဖြစ် တီဟီရန်ရှိ ဆော်ဒီသံရုံး တိုက်ခိုက်ခံရပြီးနောက်ပိုင်း အီရန်နှင့် သံတမန်အဆက်အသွယ်ကို ဖြတ်တောက်လိုက်ပြီဟု ဆော်ဒီအာရေဗျက ကြေငြာလိုက်သည်။

ဆော်ဒီနိုင်ငံခြားရေးဝန်ကြီး အဒဲလ် အလ်-ဂျူဘီရ်က ယမန်နေ့တွင် ကြေငြာခဲ့ခြင်းဖြစ်ပြီး နိုင်ငံခြားရေးဝန်ကြီးဌာနကလည်း တီဟီရန်ရှိ ၎င်းတို့သံအဖွဲ့အား ၄၈ နာရီအတွင်း ပြန်လာရန် အမိန့်ပေးထားသည်။ ထို့ပြင် မိမိတို့၏ သံအဖွဲ့အား ဘေးလွတ်ရာသို့ ရွှေ့ပြောင်းခဲ့ပြီး ဆော်ဒီသို့ ပြန်လာနေသည်ဟု နိုင်ငံခြားရေးဝန်ကြီးဌာနက ထည့်သွင်းကြေငြာခဲ့သည်။

နောက်ပိုင်းတွင်မူ ဆော်ဒီသံအဖွဲ့အား တင်ဆောင်လာသည့် လေယာဉ်မှာ ယူအေအီးနိုင်ငံ ဒူဘိုင်းသို့ ရောက်ရှိခဲ့သည်ဟု သတင်းများ ထွက်ပေါ်ခဲ့သည်။

ဆော်ဒီပြည်ထဲရေးဝန်ကြီးဌာနမှာ စနေနေ့က လူ ၄၇ ဦးကို အကြမ်းဖက်မှု စွဲချက်များဖြင့် ကွပ်မျက်ခဲ့သည်ဟု သတင်းထုတ်ပြန်ခဲ့ပြီး ထိုအထဲတွင် အလ်-ကိုင်းဒါးခေါင်းဆောင်နှင့် ရှီအာ ဘာသာရေးခေါင်းဆောင် နီမာရ် အလ်-နီမာရ်လည်း ပါဝင်ခဲ့သည်။

ကွပ်မျက်လိုက်သူများထဲမှ အများစုမှာ ၂၀၀၃ ခုနှစ်နှင့် ၂၀၀၆ ခုနှစ်များက ဆော်ဒီတွင် အလ်-ကိုင်းဒါးမှ ဆောင်ရွက်သည်ဆိုသော တိုက်ခိုက်မှုများတွင် ပါဝင်ခဲ့သူများဖြစ်သည်။

နီမာရ်မှာ အကြမ်းဖက်မှုပြုလုပ်ရန် လှုံ့ဆော်ပေးသည်ဟု စွပ်စွဲခံရပြီး ၂၀၀၁ ခုနှစ်က ဆော်ဒီအရှေ့ပိုင်းတွင် ဖြစ်ပွားခဲ့သည့် အစိုးရဆန့်ကျင်ရေး ဆန္ဒပြမှုကို ဦးဆောင်သည်ဟု စွဲချက်တင်ခံထားရသည်။ ၎င်းအား ဆူပူထကြွအောင် လှုံ့ဆော်ခြင်း၊ ဥပဒေမနာခံခြင်းနှင့် လက်နက်ကိုင်ဆောင်ခြင်းတို့ဖြင့် အမိန့်ချမှတ်ခဲ့ခြင်းဖြစ်သည်။

နီမာရ်ကမူ နိုင်ငံရေးစွဲချက်များကို ငြင်းဆိုခြင်း မပြုခဲ့သော်လည်း လက်နက်ကိုင်ဆောင်ခြင်း သို့မဟုတ် အကြမ်းဖက်ရန် ဆော်သြခြင်း စသည့် စွပ်စွဲမှုများကို ငြင်းဆိုခဲ့သည်။ နီမာရ်မှာ အီရန်နိုင်ငံတွင် ဘာသာရေးဆိုင်ရာများကို ဆယ်စုနှစ်တစ်ခုကြာ လေ့လာခဲ့သူဖြစ်သည်။

၎င်းအား ကွပ်မျက်မှုကြောင့် နိုင်ငံအများအပြားတွင် ဆန္ဒပြမှုများ ဖြစ်ပွားခဲ့ပြီး တီဟီရန်ရှိ ဆော်ဒီသံရုံးမှာလည်း စနေနေ့ညပိုင်းက မီးရှို့ဖျက်ဆီး ခံခဲ့ရသည်။

တနင်္ဂနွေနေ့ အစောပိုင်းတွင်မူ အီရန်သမ္မတ ဟာဆန်ရူဟာနီက အဆိုပါ သံရုံးတိုက်ခိုက်မှုတွင် ပါဝင်သူများကို ဖမ်းဆီးရန် အမိန့်ပေးခဲ့ပြီး နီမာရ်အား ကွပ်မျက်မှုကိုလည်း ရှုတ်ချခဲ့သည်။

Ref: Aljazeera