ရီးယဲလ်အတွက် အားလုံးပေးဆပ်သွားမည်ဟု နည်းပြသစ် ဇီဒိန်းပြော

ဇန်န၀ါရီ ၅၊ ၂၀၁၅
M-Media

– ရီးယဲလ်အသင်း၏ နည်းပြသစ်အဖြစ် မိမိအား ခန့်အပ်မှုအတွက် ဥက္ကဌ ဖလော်ရန်တီနို ပီရက်ဇ်အား ကျေးဇူးတင်သည်ဟု ဇီဒိန်းက ပြောကြားလိုက်ပြီး အသင်းအတွက် ပေးဆပ်သွားမည်ဟု ပြောကြားခဲ့သည်။

အန်ဆယ်လော့တီအား ထုတ်ပယ်ခဲ့ပြီးနောက် နည်းပြသစ်ဖြစ်လာသည့် ဘင်နီတက်ဇ်မှာ အသင်းအား ကျေနပ်လောက်စရာ စွမ်းဆောင်မှုမျိုး ပြသရန် မစွမ်းဆောင်နိုင်ခဲ့သောကြောင့် ယမန်နေ့တွင် ရာထူးမှ အထုတ်ခံခဲ့ရသည်။ ထို့နောက် ရီးယဲလ်ဥက္ကဌ ပီရက်ဇ်က အရန်အသင်းနည်းပြဖြစ်သည့် ဇီနဒင်း ဇီဒိန်းအား နည်းပြသစ်အဖြစ် ခန့်အပ်ခဲ့သည်။

“ဒီလိုကြီးကျယ်တဲ့အသင်းကို နည်းပြခွင့်ပေးတဲ့အတွက် အသင်းနဲ့ ဥက္ကဌတို့ကို ကျေးဇူးတင်ပါတယ်။ ဒီနေ့ဟာ ကျွန်တော့်အတွက် အရမ်းကို စိတ်လှုပ်ရှားရတဲ့ နေ့ပါပဲ။ အသင်းကစားသမားတစ်ယောက်အဖြစ် စာချုပ်ချုပ်ခံရတဲ့ အချိန်ကထက်ကို ပိုပါတယ်။ အသင်းအတွက် ကျွန်တော် အားလုံး ပေးဆပ်သွားမှာပါ” ဟု ယမန်နေ့ ညနေပိုင်းက ပြုလုပ်ခဲ့သည့် သတင်းစာရှင်းလင်းပွဲတွင် ဇီဒိန်းက ပြောကြားခဲ့သည်။

ထို့ပြင် ၎င်း၏ ကြေငြာချက်တွင်လည်း ပထမဆုံး ရာသီမှာပင် အသင်းအတွက် ဆုဖလားများ ရယူပေးသွားမည်ဟုဆုံးဖြတ်ထားကြောင်း ဖော်ပြခဲ့သည်။

Ref: Goal