ရဲတပ်ဖွဲ့ ၀ဘ်ဆိုက်များတိုက်ခိုက်ခံရမှု ခိုတောင်လူသတ်မှု စီရင်ချက်နှင့် ဆက်စပ်မှု ရှိ၊ မရှိ ထိုင်း စုံစမ်းနေ

ဇန်န၀ါရီ ၆၊ ၂၀၁၆
M-Media

– ယမန်နေ့က ရဲတပ်ဖွဲ့၏ ၀ဘ်ဆိုက်အများအပြားကို တိုက်ခိုက်ခဲ့သည့် ဟက်ကာများမှာ ခိုတောင်ကျွန်းလူသတ်မှု ဆုံးဖြတ်ချက်အတွက် လက်တုန့်ပြန်ခြင်း ဟုတ်၊ မဟုတ်ကို စုံစမ်းစစ်ဆေးနေသည်ဟု ထိုင်းရဲတပ်ဖွဲ့က ပြောကြားလိုက်သည်။

ထိုင်းရဲတပ်ဖွဲ့၏ ၀ဘ်ဆိုက် အနည်းဆုံး ၅ ခုမှာ တိုက်ခိုက်ခံရပြီးနောက် အဖြူနှင့် အနက်အရောင်ရှိသည့် ပုံတစ်ခုဖြင့် အစားထိုးခံလိုက်ရပြီး အဆိုပါပုံတွင် “ဥပဒေကျဆုံးပြီ။ တရားမျှတမှုကို ငါတို့လိုချင်တယ်” ဟု အင်္ဂလိပ်ဘာသာစကားဖြင့် ရေးသားထားသည်။ ထိုသို့ ရေးသားထားမှုမှာ ၂၀၁၄ ခုနှစ် စက်တင်ဘာတွင် ခိုတောင်ကျွန်း၌ ဖြစ်ပွားခဲ့သည့် လူသတ်မှုအတွက် မြန်မာနိုင်ငံသားနှစ်ဦးကို ဒီဇင်ဘာ ၂၄ ရက်နေ့တွင် သေဒဏ်ချမှတ်မှုအား ရည်ညွှန်းသည်မှာ သိသာထင်ရှားနေသည်။

ထိုင်းရဲတပ်ဖွဲ့ ပြောရေးဆိုခွင့်ရှိသူ ဒက်ခ်ျနာရွန် ဆူသီချာန်ဘန်ချာက ဟက်ကာများမှာ နိုင်ငံရပ်ခြားတွင် နေထိုင်သည့် လူ့အခွင့်အရေးအုပ်စုကို ကိုယ်စားပြုနေသည်ဟု အခိုင်အမာပြောကြားခဲ့သည်။

“သူတို့က ကျွန်တော်တို့ကို သိပ်မကြည်ဘူးပေါ့ဗျား။ ဒါပေမယ့် အချက်အလက်တွေကို ဖျက်ဆီးတာ၊ ခိုးယူတာမျိုး မလုပ်ခဲ့ပါဘူး” ဟု ဆူသီချာန်ဘန်ချာက ဆိုသည်။

ထိုင်းရဲတပ်ဖွဲ့၏ ၀ဘ်ဆိုက် အနည်းဆုံး ၅ ခုမှာ ဖောက်ထွင်းခံခဲ့ရသော်လည်း အခြားသောဝဘ်ဆိုက်များမှာ ၀င်ရောက်ကြည့်ရှု၍ မရခဲ့ပေ။ နိုင်ငံတကာ ဟက်ကာအဖွဲ့ Anonymous ကမူ မိမိတို့မှာ ၀ဘ်ဆိုက် ၁၄ ခုကို အောင်မြင်စွာ ချိုးဖောက်ဝင်ရောက်နိုင်ခဲ့သည်ဟု ပြောကြားခဲ့သည်။

ဆူသီချာန်ဘန်ချာကမူ ခိုတောင်ကျွန်းလူသတ်မှု စီရင်ချက်အတွက် တုန့်ပြန်သည့်အနေဖြင့် ထိုကဲ့သို့ ဆိုက်ဘာတိုက်ခိုက်မှုပြုလုပ်မည်ဟု သတင်းရထားသည်ဟု ဆိုသည်။

“ဒီဆိုက်ဘာရာဇ၀တ်မှုအတွက် တာဝန်ရှိသူတွေကို အခုအချိန်မှာ ရဲတပ်ဖွဲ့က စုံစမ်းစစ်ဆေးမှုတွေ ပြုလုပ်နေပါတယ်။ နိုင်ငံအတွင်းကလုပ်တာလား၊ နိုင်ငံအပြင်က လုပ်တာလားဆိုတာ မသေချာသေးပါဘူး” ဟု ရဲတပ်ဖွဲ့ အကြီးအကဲတစ်ဦးဖြစ်သူ ဘိုချုပ် ဆူပါစိတ် ချော့က်ချိုင်က ပြောကြားခဲ့သည်။

Ref: Bangkokpost