ဟိုက်ဒရိုဂျင်ဗုံးကို အောင်မြင်စွာ စမ်းသပ်နိုင်ကြောင်း မြောက်ကိုရီးယား ကြေငြာ

ဇန်န၀ါရီ ၆၊ ၂၀၁၆
M-Media

– နျူကလီးယားလက်နက် စမ်းသည့်နေရာဟု သိရသည် မြို့အနီးတွင် ပြင်းအား ၅.၁ မဂ္ဂနီကျုရှိသော ငလျင်တစ်ခု လှုပ်ခတ်ခဲ့ပြီး နာရီအနည်းငယ်အကြာတွင် မြောက်ကိုရီးယားက မိမိတို့မှာ ဟိုက်ဒရိုဂျင်ဗုံး စမ်းသပ်မှု အောင်မြင်ခဲ့သည်ဟု ပြောကြားလိုက်သည်။

မြောက်ကိုရီးယား နိုင်ငံပိုင် ရုပ်သံက ယနေ့တွင် ကြေငြာခဲ့ခြင်းဖြစ်ပြီး ထိုသို့ ကြေငြာမှုမပြုလုပ်ခင် တောင်ကိုရီးယား မိုးလေ၀သအေဂျင်စီက မြောက်ကိုရီးယားမှာ နျူးကလီးယားလက်နက် စမ်းသပ်မှု ပြီးသွားသည့် အလားအလာရှိသည်ဟု လှုပ်ခတ်ခဲ့သော ငလျင် အချက်အလက်များကို အခြေခံ၍ ပြောကြားခဲ့သည်။

ငလျင်မှာ မြောက်ကိုရီးယား၏ ယခင် နျူလက်နက်စမ်းသပ်နေရာဖြစ်သော ပန်ဂျီရီ အနီးတွင် လှုပ်ခတ်ခဲ့ခြင်းဖြစ်ပြီး အမေရိကန် ဘူမိဗေဒစစ်တမ်းကောက်ယူမှုအဖွဲ့ (USGS) ကလည်း အဆိုပါ ငလျင်အကြောင်း ဖော်ပြခဲ့သည်။

တောင်ကိုရီးယား သမ္မတရုံးက ထိုကိစ္စနှင့်ပတ်သက်၍ အရေးပေါ်အစည်းအဝေးတစ်ခု ကျင်းပခဲ့ပြီး မိမိတို့အစိုးရ အနေဖြင့် မြောက်ကိုရီးယား၏ လုပ်ရပ်များကို တုန့်ပြန်ရန်အတွက် ဖြစ်နိုင်သမျှသော ဆောင်ရွက်မှုအားလုံးကို လုပ်ဆောင်သွားမည်ဟု နောက်ပိုင်းတွင် ပြောကြားခဲ့သည်။

ကုလသမဂ္ဂ လုံခြုံရေးကောင်စီကလည်း ယနေ့တွင် အရေးပေါ်အစည်းအဝေး ခေါ်ယူခဲ့ပြီး မြောက်ကိုရီးယား၏ အိမ်နီးချင်းနိုင်ငံများနှင့် ကမ္ဘာ့အင်အားကြီးနိုင်ငံများအားလုံးမှာ ရှုတ်ချသည့် ကြေငြာချက်များ ထုတ်ရန် အလျင်အမြန် ဆောင်ရွက်နေကြသည်ဟု သံတမန်များက ပြောကြားခဲ့သည်။

မြောက်ကိုရီးယား၏ မဟာမိတ်ဖြစ်သည့် တရုတ်နိုင်ငံမှ နိုင်ငံခြားရေးဝန်ကြီးဌာနကမူ စမ်းသပ်မှုနှင့်ပတ်သက်၍ သတင်းအချက်အလက် မရသေးဟုဆိုသည်။ ၀န်ကြီးဌာန၏ ပြောရေးဆိုခွင့်ရှိသူ ဟွာချန်ယင်းက ကိုရီးယားကျွန်းဆွယ်တွင် နျူကလီးယားကင်းစင်ရေးအတွက် နိုင်ငံတကာအသိုင်းအ၀ိုင်းနှင့် ပူးပေါင်းဆောင်ရွက်သွားမည်ဟု ပြောကြားခဲ့သည်။

အမေရိကန်အစိုးရက မြောက်ကိုရီးယာမှာ နျူကလီးယား စမ်းသပ်မှုပြုလုပ်သည်ဟု အတည်မပြုနိုင်သေးဘဲ၊ အမှန်တကယ်ပြုလုပ်ပါက ရန်စမှုသာဖြစ်ပြီး ဒေသအတွင်းရှိ မိမိတို့၏ မဟာမိတ်များကို ဆက်လက်ကာကွယ်သွားမည်ဟု ပြောကြားခဲ့သည်။

ဂျပန်ဝန်ကြီးချုပ် ရှင်ဇိုအာဘေးကလည်း မြောက်ကိုရီးယား၏ ထိုလုပ်ရပ်မှာ မိမိတို့အတွက် ခြိမ်းခြောက်မှုဖြစ်သည်ဟု ပြောကြားခဲ့သည်။ ဂျပန်နိုင်ငံရှိ စောင့်ကြည့်အဖွဲ့များက ယခုအချိန်အထိ ရေဒီယိုသတ္တုကြွမှုကို မတွေ့ရှိသေးဟု ဆိုသည်။

Ref: Aljazeera