ထောင်ဖောက်ပြေးသည့် မူးယစ်ရာဇာကို မက္ကဆီကို ပြန်မိ

ဇန်န၀ါရီ ၉၊ ၂၀၁၆
M-Media

– ပြီးခဲ့သည့် ၆ လအရင်က လုံခြုံရေးအထူထပ်ဆုံးသော ထောင်ကို ဖောက်ပြေးသွားသည့် မူးယစ်ရာဇာကို ပြန်လည်ဖမ်းဆီးမိခဲ့ပြီဟု မက္ကဆီကို ရဲတပ်ဖွဲ့က ကြေငြာလိုက်သည်။

Sinaloa မူးယစ်ဂိုဏ်း၏ ဘုရင်ဖြစ်သူ ဂူဇ်မန်ဖြစ်ပြီး နိုင်ငံ၏ အလိုအရှိဆုံး ၀ရမ်ပြေးလည်းဖြစ်သည်။ မက္ကဆီကိုသမ္မတ အန်းရစ် ပီနာ နီယက်တိုကမူ စစ်ဆင်ရေး ပြီးဆုံးသွားပြီဖြစ်ပြီး မိမိတို့က ဂူဇ်မန်ကို ပြန်လည်ဖမ်းဆီးမိခဲ့ပြီဟု ယမန်နေ့က Twitter စာမျက်နှာတွင် ဖော်ပြခဲ့သည်။

အလ်ချာပိုဟု အမည်ရသည့် ဂူဇ်မန်ကို ၎င်း၏ ဇာတိပြည်နယ်ဖြစ်သော ဆီနာလိုအာရှိ နေအိမ်တွင် ဖမ်းဆီးရမိခဲ့ခြင်းဖြစ်ပြီး လုံခြုံရေးတပ်ဖွဲ့ဝင်များနှင့် အပြန်အလှန် ပစ်ခတ်မှုများဖြစ်ပွားခဲ့သည်။ အာဏာပိုင်များကမူ ဂူဇ်မန်ကို အရှင်ဖမ်းဆီးမိခဲ့ပြီး ဒဏ်ရာရရှိခြင်းမရှိဟု ပြောကြားခဲ့သည်။ ပစ်ခတ်မှုအတွင်း လူ ၅ ဦးသေဆုံးခဲ့ကာ မက္ကဆီကို မရိန်းတပ်ဖွဲ့ဝင်တစ်ဦး ဒဏ်ရာရရှိခဲ့သည်။

မရိန်းတပ်ဖွဲ့ဝင်များမှာ လက်နက်တပ်ဆင်ထားသည့် ယာဉ် ၂ စီး၊ ရိုင်ဖယ် ၈ လက်၊ ပစ္စတိုတစ်လက်နှင့် လောင်ချာတစ်လက်တို့ကို သိမ်းဆည်းရမိခဲ့သည်ဟု မက္ကဆီကိုရေတပ်က ထုတ်ပြန်ပြောကြားခဲ့သည်။

ဂူဇ်မန်ကို ၁၃ နှစ်ကြာ ရှာဖွေခဲ့ပြီးနောက် မက္ကဆီကို အာဏာပိုင်များက ဖမ်းဆီးနိုင်ခဲ့သော်လည်း အကျဉ်းထောင်အတွင်း ၁၇ လသာ နေခဲ့ရကာ ပြီးခဲ့သည့်နှစ် ဇူလိုင်လတွင် မြေအောက်လှိုဏ်ခေါင်းမှတစ်ဆင့် ထောင်ဖောက် ထွက်ပြေးသွားခြင်းဖြစ်သည်။

ဂူဇ်မန်ကို အမေရိကန်ကလည်း အလိုရှိနေပြီး သမ္မတနီယက်တိုကမူ လွှဲပြောင်းပေးအပ်သွားမည်မဟုတ်ဟု ပြောကြားခဲ့သည်။

Ref: Aljazeera