အမုန်းများ ပြေလျော့ကာ၊ ရင်းနှီးချစ်ကြည်မှု တိုးပွားရေး ပြင်သစ်ဗလီများ ဆောင်ရွက်

ဇန်ဝါရီ ၁၀၊ ၂၀၁၆
M-Media

– မကြာသေးမီ ကာလအတွင်းမှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေပြီးတဲ့နောက် လူအဖွဲ့အစည်းအတွင်းမှာ တိုးပွားလာတဲ့ သံသယတွေကို ချေဖျက်ဖို့အတွင် ပြင်သစ်နိုင်ငံတစ်ဝှမ်းမှာရှိတဲ့ ဗလီဝတ်ကျောင်းတော်တွေနဲ့ ၀တ်ပြုဆောင်တွေဟာ မွတ်စလင်မဟုတ်တဲ့သူတွေ လက်ကမ်းကြိုဆိုတဲ့ လှုပ်ရှားမှုတစ်ခုကို ဒီတစ်ပတ်မှာ စတင်လိုက်ပါတယ်။

“နွေးထွေးတဲ့ လက်ဖက်ရည်တစ်ခွက်” လို့ အမည်ပေးထားတဲ့ ဒီလှုပ်ရှားမှုမှာ ကော်ဖီ၊ လက်ဖက်ရည်နဲ့ မုန့်အချိုတွေ တိုက်ကြွေးတာ၊ ဗလီဝတ်ကျောင်းတော်တွေကို လိုက်လံပြသတာ၊ ဆွေးနွေးမှုတွေပြုလုပ်တာ၊ အာရဘီ လက်ရေး လက်သားအလှတွေကို ခင်းကျင်းပြသတာနဲ့ မွတ်စလင်တွေရဲ့ တစ်နေ့ငါးကြိမ်ဝတ်ပြုမှုကို တက်ရောက်ဖို့ ဖိတ်ခေါ်တာတွေ ပါဝင်ပါတယ်။

နိုင်ငံအတွင်းက ထိပ်တန်းမွတ်စလင်အဖွဲ့ဖြစ်တဲ့ ပြင်သစ်မွတ်စလင်ကောင်စီ CFCM က ဦးစီးပြုလုပ်တဲ့ ဒီလှုပ်ရှားမှုဟာ အစ္စလာမ်နဲ့ပတ်သက်ပြီး ဆွေးနွေးမှုတွေဖြစ်လာဖို့၊ နိုင်ငံအတွင်းက လူ့အဖွဲ့အစည်းတွေအကြား အစေးကပ်စေဖို့ ရည်ရွယ်တာဖြစ်ပါတယ်။

“ရည်ရွယ်ချက်ကတော့ လူတွေ အတူတကွရှိနိုင်မယ့် နေရာလေးတစ်ခု ဖန်တီးပေးဖို့၊ မွတ်စလင်ဝတ်ပြုသူတွေနဲ့ ကျွန်တော်တို့နိုင်ငံသားတွေ တွေ့ဆုံပေးဖို့ပါပဲ” လို့ CFCM ဥက္ကဌ အန်နူရ် ကဘီဘက်ခ်ျက ပြောကြားခဲ့ပါတယ်။ ဒါတင်မကသေးဘဲ အစ္စလာမ်ရဲ့ စစ်မှန်တဲ့တန်ဖိုးတွေကို မီးမောင်းထိုးပြဖို့လည်းဖြစ်တယ်လို့ သူက ဆိုပါတယ်။

ချီးကျူးမှု

ပြင်သစ်ပြည်ထဲရေးဝန်ကြီး ဘားနတ် ကာဇီနျူဗီကလည်း ပဲရစ်အနီးက ဗလီဝတ်ကျောင်းတော်ရဲ့ ဖိတ်ကြားမှုကို တက်ရောက်ခဲ့ပြီး မွတ်စလင်တွေရဲ့ ဒီလှုပ်ရှားမှုကို ချီးကျူးခဲ့ပါတယ်။

“မွတ်စလင်အားလုံးနဲ့ အရောတ၀င်ရှိဖို့ ပြင်သစ်ဟာ အရင်ကထက် ပိုပြီး လိုအပ်နေပါတယ်” လို့ ၀န်ကြီးက ထည့်သွင်းပြောကြားခဲ့ပါတယ်။

ပဲရစ်ဗလီဝတ်ကျောင်းတော်ကြီးအပါအ၀င် နိုင်ငံတစ်ဝှမ်းလုံမှာရှိတဲ့ ဗလီဝတ်ကျောင်းတော်တွေ၊ ၀တ်ပြုဆောင်တွေ စုစုပေါင်း ၂၅၀၀ စလုံး ဒီလှုပ်ရှားမှုမှာ ပါဝင်ခဲ့တာ ဖြစ်ပါတယ်။ ပြင်သစ်နိုင်ငံမှာ အစ္စလာမ်ဘာသာကို သက်ဝင်ယုံကြည်သူအရေအတွက်ဟာ ၅ သန်းလောက်ရှိပြီး ဂျာမနီပြီးရင် ဥရောပမှာ ဒုတိယမြောက် အစ္စလာမ်ဘာာသာဝင်အရေအတွက် အများဆုံးတိုင်းပြည် ဖြစ်ပါတယ်။

Source : AFP